ಕರೀನಾ ಮುಟ್ಟಿದ್ದಕ್ಕೆ ಮೇಕಪ್ ಮ್ಯಾನ್‌ಗೆ ಸೈಫ್ ಆವಾಜ್

ಬಾಲಿವುಡ್ ಮೋಹಕ ತಾರೆ ಕರೀನಾ ಕಪೂರ್ ಮೇಲಿನ ಸೈಫ್ ಆಲಿಖಾನ್‌ ಹುಚ್ಚಾಪಟ್ಟೆ ಪ್ರೀತಿ ಇದು. ಮೇಕಪ್ ಮ್ಯಾನ್ ಕರೀನಾಳನ್ನು ಮುಟ್ಟಿದ್ದಕ್ಕೆ ಸೈಫ್ ಆಲಿಖಾನ್ ಆವಾಜ್ ಹಾಕಿದ್ದಾನೆ. ಆದರೆ ಮೇಕಪ್ ಮ್ಯಾನ್ ನಿಜವಾಗಿಯೂ ಕರೀನಾಳನ್ನು ಮುಟ್ಟಿರಲಿಲ್ಲ. ಸೈಫ್ ಬಲ ತೋಳಿನ ಮೇಲಿನ ಕರೀನಾ ಹಚ್ಚೆಯನ್ನು ಆತ ತಾಕಿದ್ದ ಅಷ್ಟೆ.

ಇಷ್ಟಕ್ಕೆ ರಾಂಗ್ ಆದ ಸೈಫ್ ಆತನ ಮೇಲೆ ಹರಿಹಾಯ್ದಿದ್ದಾಗಿ ಬಾಲಿವುಡ್ ಮೂಲಗಳು ಹೇಳಿವೆ. 'ಆರಕ್ಷಣ್' ಚಿತ್ರದ ಚಿತ್ರೀಕರಣ ವೇಳೆ ಈ ಘಟನೆ ನಡೆದಿದೆ. ಒಂದು ವೇಳೆ ನಿಜವಾಗಿ ಕರೀನಾಳನ್ನೇ ಮುಟ್ಟಿದ್ದರೆ ಗತಿ ಏನು ಎಂಬುದು ಅಲ್ಲಿನವರ ಪ್ರಶ್ನೆ.

'ಆರಕ್ಷಣ್' ಚಿತ್ರದಲ್ಲಿ ದಲಿತ ಪಾತ್ರದಲ್ಲಿ ಸೈಫ್ ಕಾಣಿಸಲಿದ್ದಾರೆ. ಈ ಪಾತ್ರಕ್ಕೆ ಸಹಜ ಮೆರುಗು ಕೊಡಲು ಸಾಕಷ್ಟು ಸರ್ಕಸ್ ಕೂಡ ಮಾಡಿದ್ದಾನೆ. ಆದರೆ ಆತನ ಬಲತೋಳಿನ ಮೇಲಿನ ಕರೀನಾ ಹಚ್ಚೆಯನ್ನು ಮಾತ್ರ ಯಾರು ತಾಕುವಂತಿಲ್ಲ. ಅಪ್ಪಿತಪ್ಪಿ ಮುಟ್ಟಿದರೆ ಅವರಿಗೆ ಮಂಗಳಾರತಿ, ಅಭಿಷೇಕ ಎರಡು. (ಏಜೆನ್ಸೀಸ್)