ರವೀನಾ ಟಂಡನ್ ಜತೆ ಅಮಿತಾಬ್ ಬಚ್ಚನ್ ರೊಮ್ಯಾನ್ಸ್

ಬಿಗ್ ಬಿ ಅಮಿತಾಬ್ ಬಚ್ಚನ್ ಅಭಿನಯಿಸುತ್ತಿರುವ ಲೇಟೆಸ್ಟ್ ಚಿತ್ರ ಬುದ್ಧ. ಈ ಚಿತ್ರಕ್ಕೆ ಆಕ್ಷನ್, ಕಟ್ ಹೇಳುತ್ತಿರುವವರು ಪುರಿ ಜಗನ್ನಾಥ್. ಬಾಲಿವುಡ್ ಕನಸಿನ ಕನ್ಯೆ ಹೇಮಾ ಮಾಲಿನಿ ಬಹಳಷ್ಟು ಚಿತ್ರಗಳಲ್ಲಿ ಬಿಗ್ ಬಿಗೆ ಪತ್ನಿಯಾಗಿ ಅಭಿನಯಿಸಿದ್ದಾರೆ. ಈ ಚಿತ್ರದಲ್ಲಿ ರವೀನಾ ಟಂಡನ್ ಜತೆ ಬಿಗ್ ಬಿ ತೆರೆ ಹಂಚಿಕೊಳ್ಳುತ್ತಿರುವುದು ವಿಶೇಷ.

ಚಿತ್ರದಲ್ಲಿ ಬಿಗ್ ಬಿ ಅವರದು ವಯಸ್ಸಾದ ಪಾತ್ರವಾದರೂ ನವ ಯುವಕನಂತೆ ಕಾಣಿಸುತ್ತಾರಂತೆ. ರವೀನಾ ಟಂಡನ್ ಜತೆ ರೊಮ್ಯಾನ್ಸ್ ಮಾಡಿ ನೇರವಾಗಿ ಯುವ ಹೃದಯಗಳಿಗೆ ಲಗ್ಗೆ ಹಾಕುತ್ತಾರಂತೆ. 'ಪಾ' ಚಿತ್ರದ ಬಳಿಕ ಬಿಗ್ ಬಿಗೆ ಸವಾಲೊಡ್ಡುವ ಮತ್ತೊಂದು ಚಿತ್ರ 'ಬುದ್ಧ' ಎಂಬ ಅಭಿಪ್ರಾಯ ವ್ಯಕ್ತವಾಗಿದೆ.

ಆರಂಭದಲ್ಲಿ ಟಬು ಮತ್ತು ಜೂಹಿ ಚಾವ್ಲಾ ಅವರಿಗೆ ಚಿತ್ರದಲ್ಲಿ ನಟಿಸಲು ಆಹ್ವಾನ ನೀಡಲಾಗಿತ್ತು. ಕೊನೆ ಗಳಿಗೆಯಲ್ಲಿ ಈ ಪಾತ್ರ ರವೀನಾ ಟಂಡನ್‌ ಪಾಲಾಗಿದೆ. ಅಂದಹಾಗೆ 'ಬುದ್ಧ' ಚಿತ್ರ ಮಾರ್ಚ್‌ನಲ್ಲಿ ಸೆಟ್ಟೇರಲಿದೆ. ಬಿಗ್ ಬಿ, ರವೀನಾ ಟಂಡನ್ ಜೋಡಿ ಪ್ರೇಕ್ಷಕರನ್ನು ಸೆಳೆಯುತ್ತಾರೋ ಇಲ್ಲವೋ ಕಾದುನೋಡಬೇಕು.