'ಧೂಮ್-2' ಚಿತ್ರಕ್ಕೆ 14 ವರ್ಷದ ಸಂಭ್ರಮ; ಹೃತಿಕ್ ಪಾತ್ರಕ್ಕೆ ಈ 3 ಖ್ಯಾತ ನಟರು ಸ್ಫೂರ್ತಿಯಂತೆ

ಈ ಮೂವರು ನಟರಿಂದ ಸ್ಫೂರ್ತಿ ಪಡೆದ ಆರ್ಯನ್ ಪಾತ್ರ

ಹೃತಿಕ್ ನಟಿಸಿದ್ದ ಆರ್ಯನ್ ಪಾತ್ರ ಸ್ಫೂರ್ತಿ ಪಡೆದ ಮೂವರು ನಟರು ಮತ್ಯಾರು ಅಲ್ಲ ಬ್ರೂಸ್ ವಿಲ್ಲೀಸ್, ಪಿಯರ್ಸ್ ಬ್ರಾಸ್ನನ್ ಮತ್ತು ಅಮಿತಾಬ್ ಬಚ್ಚನ್ ಎಂದು ಹೃತಿಕ್ ಬಹಿರಂಗ ಪಡಿಸಿದ್ದಾರೆ. ಸಿನಿಮಾ ಬಗ್ಗೆ ಬರೆದುಕೊಂಡಿರುವ ಹೃತಿಕ್, 'ಧೂಮ್-2ನ ಆರ್ಯನ್ ನನ್ನ ಒಂದು ಭಾಗವಾಗಿದ್ದನು ಎಂದು ನನಗೆ ತಿಳಿದಿರಲಿಲ್ಲ. ಆ ಪಾತ್ರಕ್ಕಾಗಿ ನಾನು 3 ನಟರಿಂದ ಸ್ಫೂರ್ತಿ ಸಿಕ್ಕಿತು. ಬ್ರೂಸ್ ವಿಲ್ಲೀಸ್, ಪಿಯರ್ಸ್ ಬ್ರಾಸ್ನನ್ ಮತ್ತು ಅಮಿತಾಬ್ ಬಚ್ಚನ್. ಈ ಮೂವರು ನಟರಿಂದ ಆರ್ಯನ್ ಪಾತ್ರ ಹೊರಬಂದಿದೆ. ನನ್ನೊಳಗೆ ಆರ್ಯನ್ ಶಾಶ್ವತವಾಗಿ ಜೀವಿಸುತ್ತಾನೆ ಎಂದು ನಾನು ಭಾವಿಸುತ್ತೇನೆ' ಎಂದಿದ್ದಾರೆ.

ಚಿತ್ರಕ್ಕಾಗಿ ಒಂದೇ ದಿನ ಪ್ರಚಾರ

ಅಲ್ಲದೆ ಎಲ್ಲಾ ನಟರು ಈ ಚಿತ್ರಕ್ಕಾಗಿ ಕೇವಲ ಒಂದೇ ಒಂದು ಪ್ರಚಾರ ಮಾಡಿದ್ದಾರೆಂದು ನಿಮಗೆ ತಿಳಿದಿದೆಯೇ? ಎಂದು ಹೃತಿಕ್ ಹೇಳಿದ್ದಾರೆ. ಸಿನಿಮಾದಲ್ಲಿ ಹೃತಿಕ್ ರೋಷನ್ ಜೊತೆಗೆ ಅಭಿಷೇಕ್ ಬಚ್ಚನ್, ಐಶ್ವರ್ಯ ರೈ, ಉದಯ್ ಚೋಪ್ರಾ, ಬಿಪಾಶಾ ಬಸು ಮುಖ್ಯ ಪಾತ್ರದಲ್ಲಿ ಕಾಣಿಸಿಕೊಂಡಿದ್ದಾರೆ. ಈ ಸಿನಿಮಾ ರಿಲೀಸ್ ಆದಮೇಲೆ ದೊಡ್ಡ ಮಟ್ಟಕ್ಕೆ ಯಶಸ್ಸು ಗಳಿಸಿತು. ಹೃತಿಕ್ ಪಾತ್ರಕ್ಕೆ ಅಭಿಮಾನಿಗಳಿಗಳಿಂದ ಭಾರಿ ಮೆಚ್ಚುಗೆ ಪಾತ್ರವಾಗಿತ್ತು.

ಧೂಮ್-3 ನಲ್ಲಿ ಹೃತಿಕ್ ಮಿಸ್

ಧೂಮ್-2 ಬಾಕ್ಸ್ ಆಫೀಸ್ ನಲ್ಲು ಸಿನಿಮಾ ಉತ್ತಮ ಕಮಾಯಿ ಮಾಡಿತ್ತು. ಧೂಮ್-2 ಬಳಿಕ ಬಂದ ಧೂಮ್-3 ನಲ್ಲಿ ಹೃತಿಕ್ ರೋಷನ್ ಇರಲಿಲ್ಲ. ಧೂಮ್-3ನಲ್ಲಿ ಅಭಿಮಾನಿಗಳು ಹೃತಿಕ್ ರೋಷನ್ ನನ್ನು ತುಂಬಾ ಮಿಸ್ ಮಾಡಿಕೊಂಡಿದ್ದರು. ಒಂದುವೇಳೆ ಧೂಮ್ ಪ್ರಾಂಚೈಸಿ ಮುಂದುವರೆದರೆ ಧೂಮ್-4 ನಲ್ಲಿ ಹೃತಿಕ್ ಕಾಣಿಸಿಕೊಳ್ಳಲಿ ಎನ್ನುವುದು ಅಭಿಮಾನಿಗಳ ಆಸೆ.

Recommended Video

6 ಗಂಟೆ ಆದ್ರೆ ಒಂದು ಸಲ ಗಡಿಯಾರ ನೋಡಿ ಸಿಗ್ನಲ್ ಕೊಡ್ತಾ ಇದ್ರು ರಾಜ್ ಕುಮಾರ್ | Jaggesh and DR Rajkumar

ಕ್ರಿಶ್-4 ಹೃತಿಕ್ ಬ್ಯುಸಿ

ಹೃತಿಕ್ ರೋಷನ್ ಸದ್ಯ ವಾರ್ ಸಿನಿಮಾ ಬಳಿಕ ಯಾವುದೇ ಸಿನಿಮಾವನ್ನು ಅಧಿಕೃತವಾಗಿ ಅನೌನ್ಸ್ ಮಾಡಿಲ್ಲ. ಕ್ರಿಶ್-4 ನಲ್ಲಿ ನಿರತರಾಗಿದ್ದಾರೆ ಎಂದು ಹೇಳಲಾಗುತ್ತಿದೆ. ಹೃತಿಕ್ ಮತ್ತೆ ಸೂಪರ್ ಹೀರೋ ಆಗಿ ಯಾವಾಗ ಎಂಟ್ರಿ ಕೊಡ್ತಾರೆ ಎಂದು ಅಭಿಮಾನಿಗಳು ಕಾಯುತ್ತಿದ್ದಾರೆ.