ಮೈತುಂಬಾ ಸೀರೆಯುಟ್ಟು ಶಾಕ್ ಕೊಟ್ಟ 'ಡರ್ಟಿ' ವಿದ್ಯಾ

| Published: Thursday, December 15, 2011, 17:16 [IST]

'ದಿ ಡರ್ಟಿ ಪಿಕ್ಚರ್ಸ್' ಹೀರೋಯಿನ್ ವಿದ್ಯಾ ಬಾಲನ್ ಮೈತುಂಬಾ ಸೀರೆ ಮುಚ್ಚಿಕೊಂಡು 'ಬಿಗ್ ಬಾಸ್' ರಿಯಾಲಿಟಿ ಶೋ ಸ್ಟೇಜ್ ಮೇಲೆ ನಿಂತರೆ ಏನಾಗಬಹುದು. ಏನಾಗಬಹುದೋ ಅದೇ ಆಗಿದೆ. ವಿದ್ಯಾರನ್ನು ಬಹಳಷ್ಟು ಜನರಿಗೆ ಗುರುತು ಹಿಡಿಯುವುದೇ ಕಷ್ಟವಾಗಿದೆ. ಬಟ್ಟೆಯಿಂದ ಮುಚ್ಚಿದ ಮೈ ವಿದ್ಯಾರನ್ನು ಅವರ ಮೆಚ್ಚಿನ ಅಭಿಮಾನಿಗಳಿಗೇ ಗುರುತಿಸಲಾಗಲಿಲ್ಲ.

ತನ್ನ 'ದಿ ಡರ್ಟಿ ಪಿಕ್ಚರ್' ಪ್ರಮೋಷನ್ ಗಾಗಿ ಈಗ ರೌಂಡ್ ಹೊಡೆಯುತ್ತಿರುವ ವಿದ್ಯಾ, ಬಿಗ್ ಬಾಸ್ ಗೆ ಕೆಂಪು ಬಣ್ಣದ ಝರಿಯಿಂದ ಅಲಂಕರಿಸಿದ ಸೀರೆಯುಟ್ಟು ಬಂದಿದ್ದರು. ಜತೆಗೆ ಸಹ ಕಲಾವಿದರಾದ ಇಮ್ರಾನ್ ಹಶ್ಮಿ, ತುಷಾರ್ ಕಪೂರ್ ಹಾಗೂ ಸಹ ಬಂದಿದ್ದರು. ಆದರೆ ಎಲ್ಲರ ಕಣ್ಣುಗಳ ಕೇಂದ್ರಬಿಂದು ವಿದ್ಯಾ ಹಾಗೂ ಆಕೆಯುಟ್ಟ ಕೆಂಪುಸೀರೆ.

ವಿದ್ಯಾ ಉಟ್ಟಿರುವ ಸೀರೆಗೆ ಆಗಲೇ ಗಿರಾಕಿಯೊಬ್ಬ ರೆಡಿಯಾಗಿದ್ದಾನೆ. ರು. 90,000 ಕ್ಕೆ ಆತ ಆ ಸೀರೆಯನ್ನು ಕೊಳ್ಳುವುದಾಗಿ ಹೇಳಿದ್ದಲ್ಲದೇ, ರು. 40,000 ವನ್ನು ಅಲ್ಲೇ ಕೊಟ್ಟಿದ್ದಾನೆ ಕೂಡ. ಬಹಳಷ್ಟು ಬಾಲಿವುಡ್ ಹೀರೋಗಳ ಚಿತ್ರಕ್ಕೆ ಸಿಗದಿದ್ದ ಓಪನಿಂಗ್ ಈಕೆಗೆ ದಕ್ಕಿದೆ. ವಿದ್ಯಾ ಈಗ ಬಾಲಿವುಡ್ ನ ಹಾಟ್ ಕೇಕ್. ಗೌರಮ್ಮನಂತೆ ಬಂದರೆ ಗುರುತು ಹಿಡಿಯುವವರಿಲ್ಲ. (ಒನ್ ಇಂಡಿಯಾ ಕನ್ನಡ)

English summary

Vidya Balan, who had been promoting her movie, The Dirty Picture, until recently, also made an appearance on reality show Bigg Boss last month. Wearing a red sari, the actor had showed up along with her co-stars, Emraan Hashmi and Tusshar Kapoor. Somebody not recognised her.  

Thursday, December 15, 2011, 17:16

Story first published: Thursday, December 15, 2011, 17:16 [IST]

Other articles published on Dec 15, 2011