ವೀರ್ಯ ದಾನಕ್ಕೆ ಸಜ್ಜಾದ ನಟ ಜಾನ್ ಅಬ್ರಹಾಂ

Bollywood

oi-Sriram

By Sriram

| Published: Friday, February 17, 2012, 15:18 [IST]

ಬಾಲಿವುಡ್ ಹ್ಯಾಂಡ್ ಸಮ್ ಬಾಯ್ ಜಾನ್ ಅಬ್ರಹಾಂ ವೀರ್ಯ ದಾನಕ್ಕೆ ಮುಂದಾಗಿದ್ದಾರೆ. ಯಾರಿಗೆ? ಯಾಕೆ, ಎಂದು ತಲೆಕೆಡಿಸಿಕೊಳ್ಳುವ ಮುನ್ನ ಮುಂದೆ ಓದಿ. ಅವರು 'ವೀರ್ಯ ದಾನದ ಕಥಾವಸ್ತುವನ್ನಿಟ್ಟುಕೊಂಡು ಸಿನಿಮಾ ಮಾಡುತ್ತಿದ್ದಾರೆ. ಅದು ಬಾಲಿವುಡ್ ಸಿನಿಮಾ ಎಂಬ ನಿಮ್ಮ ಊಹೆ ಖಂಡಿತ ನಿಜ. ಸಂತಾನ ಹೀನತೆ ಹಾಗೂ ವೀರ್ಯ ದಾನದ ಕಥೆಯನ್ನೊಳಗೊಂಡ ಈ ಚಿತ್ರಕ್ಕೆ 'ವಿಕ್ಕಿ ಡೋನರ್' ಎಂದು ಹೆಸರಿಟ್ಟಿದ್ದಾರೆ.

ಸದಾ ಪ್ರಯೋಗಾತ್ಮಕ್ಕೆ ಪಾತ್ರದಲ್ಲಿ ಕಾಣಿಸಿಕೊಳ್ಳುವ ಜಾನ್, ಈ ಹಿಂದೆ ಅಭಿಷೇಕ್ ಬಚ್ಚನ್ ಜತೆ 'ದೋಸ್ತಾನಾ' ಚಿತ್ರದಲ್ಲಿ 'ಸಲಿಂಗ ಕಾಮಿ'ಯಾಗಿ ಕಾಣಿಸಿಕೊಂಡಿದ್ದರು. ಈಗ ಅವರ ನಿರ್ಮಾಣದ ಮೊದಲ ಸಿನಿಮಾವನ್ನು ಸಾಮಾಜಿಕ ಸಮಸ್ಯೆಯೊಂದರ ಸುತ್ತವೇ ಸುತ್ತಲಿದ್ದಾರೆ. ಸಂಕೀರ್ಣ ಹಾಗೂ ಸೂಕ್ಷ್ಮ ವಿಷಯಗಳೆಂದರೆ ಜಾನ್ ಗೆ ಇಷ್ಟ. ಅವರು ಸಿನಿಮಾಗಳು ಯಾವುದಾದರೊಂದು ವಿವಾದಾತ್ಮಕ ಕಥೆಯ ಸುತ್ತವೇ ಕೇಂದ್ರೀಕೃತವಾಗಿರುತ್ತವೆ.

ಜಾನ್ ನಿರ್ಮಾಣದ ಈ ಚಿತ್ರದಲ್ಲಿ ಅವರೇ ನಾಯಕರು ಎಂದುಕೊಂಡರೆ ನಿಮ್ಮ ಊಹೆ ತಪ್ಪು. ಹೊಸ ಹುಡುಗ ವಿ ಜೆ ಆಯುಷ್ಮಾನ್ ಖುರಾನಾ ಈ ಚಿತ್ರದ ಹೀರೋ ಆಗಿ ಆಯ್ಕೆಯಾಗಿದ್ದು, ವೀರ್ಯಾ ದಾನಿ ಪಾತ್ರದಲ್ಲಿ ನಟಿಸಲಿದ್ದಾರೆ. ನಾಯಕಿಯಾಗಿ ಕಿರುತೆರೆಯ ನಟಿ ಯಾಮಿ ಗೌತಮ್ ಇದ್ದಾರೆ. ಚಿತ್ರದ ಉಳಿದ ಸಂಗತಿಗಳು ಸದ್ಯಕ್ಕೆ ಸಸ್ಪೆನ್ಸ್. (ಏಜೆನ್ಸೀಸ್)

Friday, February 17, 2012, 15:18