ರಾ.ಒನ್ ಚಿತ್ರದಲ್ಲಿ ಕರೀನಾ ಕಪೂರ್ ಕಲರ್‌ಫುಲ್ ಸಾಂಗ್

ಕಿಂಗ್ ಖಾನ್ ಶಾರುಖ್ ಖಾನ್ ಶತಾಯು ಗತಾಯ ಶ್ರಮಿಸಿ ನಿರ್ಮಿಸಿರುವ ಚಿತ್ರ 'ರಾ.ಒನ್'. ಈ ಚಿತ್ರದ ನಾಯಕಿ ಕರೀನಾ ಕಪೂರ್. ಸಲ್ಮಾನ್ ಖಾನ್ ಜೊತೆ ನಟಿಸಿದ 'ಬಾಡಿಗಾರ್ಡ್' ಚಿತ್ರ ಬಾಕ್ಸಾಫೀಸಲ್ಲಿ ಸೂಪರ್ ಡೂಪರ್ ಹಿಟ್ ಆಗಿದೆ. ಈಗ 'ರಾ.ಒನ್' ಚಿತ್ರ ಅದನ್ನು ಮೀರಿಸಲಿದೆ ಎಂಬ ಮಾತುಗಳು ಕೇಳಿಬರುತ್ತಿವೆ.

"ಚಮ್ಮಕ್ ಚಲೋ..." ಎಂಬ ಹಾಡಿನ ಬಗ್ಗೆ ಈಗ ಎಲ್ಲಿಲ್ಲದ ಕುತೂಹಲ ಮೂಡಿದೆ. ಬಾಲಿವುಡ್‌ನಲ್ಲಿ ಈಗಾಗಲೆ ಹಾಟ್ ಸಾಂಗ್‌ಗಳಾದ "ಶೀಲಾ ಕಿ ಜವಾನಿ" ಹಾಗೂ "ಮುನ್ನಿ ಬದ್ನಾಮ್ ಹುಯಿ" ಹಾಡುಗಳನ್ನು ಮೀರಿಸಲಿದೆ ಎಂಬ ಅಭಿಪ್ರಾಯ ವ್ಯಕ್ತವಾಗಿದೆ. ಆದರೆ ಈ ಬಗ್ಗೆ ಗ್ಲಾಮರ್ ಗೊಂಬೆ ಹೇಳುವುದೇನೆಂದರೆ...

ಎಲ್ಲರೂ ತಿಳಿದುಕೊಂಡಿರುವಂತೆ ಈ ಹಾಡು ಐಟಂ ನಂಬರ್ ಅಲ್ಲ. ಆದರೆ ಈ ಹಾಡು ಮಾತ್ರ ಖಂಡಿತ ಹಿಟ್ ಆಗುತ್ತದೆ ಎಂದಿದ್ದಾರೆ. ನೋಡೋಣ ಇದು ಯಾವ ತರಹದ ಹಾಡು ಎಂದು. ಇದಕ್ಕಾಗಿ ಅಕ್ಟೋಬರ್ 26ರ ತನಕ ಕಾಯಬೇಕು. ಬೆಳಕಿನ ಹಬ್ಬ ದೀಪಾವಳಿ ಹಬ್ಬಕ್ಕೆ 'ರಾ.ಒನ್' ತೆರೆಗೆ ಅಪ್ಪಳಿಸುತ್ತಿದೆ. (ಎಜೆನ್ಸೀಸ್)