Don't Miss!
- Sports IPL 2024: ಸಿಕ್ಸ್ ಹೊಡೆದು ತಪ್ಪಾಯ್ತು ಎಂದಿದ್ದೇಕೆ ರಿಷಬ್ ಪಂತ್ ?
- News Chardham Yatra Guidelines 2024: ಚಾರ್ಧಾಮ್ ಯಾತ್ರೆಗೆ ಹೋಗುವಾಗ ಈ ವಸ್ತುಗಳನ್ನು ಬ್ಯಾಗ್ ಅಲ್ಲಿ ಇಟ್ಟುಕೊಳ್ಳಿ....
- Automobiles ಹೊಸ ಜೀಪ್ ರಾಂಗ್ಲರ್ ಸಂಪೂರ್ಣ ರಿವ್ಯೂ ವಿಡಿಯೋ: ಆಫ್ರೋಡ್ನಲ್ಲಿ ಇದನ್ನು ಮೀರಿಸುವವರಿಲ್ಲ!
- Lifestyle ತಾವರೆಯ ಬೀಜವನ್ನು ಹಾಲಿನ ಜೊತೆ ಸೇವಿಸಿದರೆ ಇಷ್ಟೆಲ್ಲಾ ಪ್ರಯೋಜನಗಳಿವೆ ಗೊತ್ತಾ?
- Technology HMD ಪಲ್ಸ್ ಸರಣಿ ಅಡಿಯಲ್ಲಿ 3 ಹೊಸ ಸ್ಮಾರ್ಟ್ಫೋನ್ ಲಾಂಚ್! ಫೀಚರ್ಸ್ ಏನಿವೆ?
- Finance April 25 Gold Rate: ಇಂದಿನ ಚಿನ್ನದ ಬೆಲೆ, ಬೆಂಗಳೂರಿನಲ್ಲಿ ದರ ಎಷ್ಟಿದೆ ತಿಳಿಯಿರಿ
- Education ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು
- Travel Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
ಶಿಲ್ಪಾಶೆಟ್ಟಿಯ ಈಡೇರದ ಬಯಕೆ
ಮಂಗಳೂರು ಬೆಡಗಿ ಶಿಲ್ಪಾ ಬಾಲಿವುಡ್ ಗೆ ಕಾಲಿಟ್ಟಾಗ ಈಕೆಗೆ ಕುಣಿಯೋದು ಬಿಟ್ಟ್ಟು ಬೇರೇನು ಬರೋಲ್ಲ. ನಟನೆ ಎಂದರೆ ಅಷ್ಟಕಷ್ಟೇ ಎಂದು ವಿಮರ್ಶಕರು ಟೀಕಿಸಿದ್ದರು. ನಂತರ, ದಡ್ಕನ್, ಅಪ್ನೆ, ಲೈಫ್ ಇನ್ ಮೆಟ್ರೋ ಮುಂತಾದ ಚಿತ್ರಗಳಲ್ಲಿ ಅದ್ಭುತವಾಗಿ ನಟಿಸಿ ಟೀಕಿಸುವವರ ಬಾಯ್ಮಿಚ್ಚಿದ್ದರು. ಸದ್ಯ ಎರಡನೇ ಹನಿಮೂನ್ ತಯಾರಿಯಲ್ಲಿರುವ ಶಿಲ್ಪಾಗೆ ಮತ್ತೇನು ಆಸೆ ಅಂತಿರಾ?
ಆದರೆ, ಶಿಲ್ಪಾರಿಗೂ ಗೊತ್ತು, ತಾನು ಮೊದಲು ನೃತ್ಯಪಟು ನಂತರವಷ್ಟೆ ನಟಿ ಎಂದು. ಶಿಲ್ಪಾ ಸೊಂಟ ಬಳುಕಿಸುವ ರೀತಿಗೆ ಸ್ವತಃ ಪ್ರಭುದೇವ ಬೆರಗಾಗಿದ್ದರು. ಎಲ್ಲ ಬಗೆಯ ಕುಣಿತಗಳನ್ನು ಆಡಿ ನಲಿದಿರುವ ಶಿಲ್ಪಾಗೆ ಇನ್ನೂ ತೀರದ ಬಯಕೆ ಕಾಡುತ್ತಿದೆ .ಎಲ್ಲಾ ಪ್ರಕಾರಗಳಲ್ಲಿ ಕುಣಿದಿದ್ದರೂ ಮುಜ್ರಾನೃತ್ಯ ಆಡುವ ಅವಕಾಶ ಸಿಕ್ಕಿಲ್ಲ. ಮುಜ್ರಾ ಕುಣಿತ ನನ್ನ ಜೀವಮಾನದ ಗುರಿ ಎಂದು ಶಿಲ್ಪಾ ಖಾಸಗಿ ವಾಹಿನಿಯ ರಿಯಾಲಿಟಿ ಷೋ 'ಜರಾ ನಚ್ಕೆ ದಿಖಾ' ಕಾರ್ಯಕ್ರಮದಲ್ಲಿ ಹೇಳಿಕೊಂಡಿದ್ದಾರೆ.
ಮುಜ್ರಾ ಅಂದರೆ ಯಾವ ಬಗೆ ನೃತ್ಯ ಎಂದು ಥಟ್ಟನೆ ಹೊಳೆಯುವುದಿಲ್ಲ. ಅದೇ ಮಧು ಬಾಲಾರ 'ಪ್ಯಾರ್ ಕಿಯಾ ತೋ ಢರ್ ನ ಕ್ಯಾ' ಹಾಡಿನಲ್ಲಿ ನ ನೃತ್ಯ ನೆನಪಿಸಿಕೊಂಡರೆ ತಿಳಿಯುತ್ತದೆ. ಮುಂದೆ ರೇಖಾ, ಹೇಮಮಾಲಿನಿ, ಮಾಧುರಿ ದೀಕ್ಷೀತ್ ಹಾಗೂ ಐಶ್ವರ್ಯಾ ರೈ ಈ ನೃತ್ಯ ಪ್ರಕಾರದಲ್ಲಿ ನಟಿಸಿ, ನರ್ತಿಸಿ ಜನಮನ ಗೆದ್ದರು.
ಮೊಘಲರ ಕಾಲದ ಮುಜ್ರಾ ನೃತ್ಯ ಪ್ರಕಾರ ಕಥಕ್ ಶೈಲಿಯಲ್ಲಿರುತ್ತದೆ. ಟುಮರಿಗಳು, ಗಜಲ್ ಹಾಗೂ ಜನಪ್ರಿಯ ಕವಿತೆಗಳ ಸಾಲು ಮುಜ್ರಾ ನೃತ್ಯಕ್ಕೆ ಸ್ಫೂರ್ತಿ. ಅಮಿತಾಬ್ ಅವರ ತಂದೆ ಕವಿ ಹರಿವಂಷ್ ರಾಯ್ ಬಚ್ಚನ್ , ಬಹದ್ದೂರ್ ಷಹಾ ಜಾಫರ್ ಮುಂತಾದವರ ಕವನಗಳು ಮುಜ್ರಾ ನೃತ್ಯಕ್ಕೆ ಹೇಳಿ ಮಾಡಿಸಿದಂತಿರುತ್ತಿತ್ತು. ಮನರಂಜನೆ ಉದ್ದೇಶದ ಈ ನೃತ್ಯ ಪ್ರಕಾರ ಪರಂಪರಾಗತವಾಗಿ ಹರಿದು ಬಂದಿದ್ದು, ವಿಶೇಷ ಸಂದರ್ಭದಲ್ಲಿ (ಮೆಹಫಿಲ್) ಬಳಸಲಾಗುತ್ತಿತ್ತು. ಆದರೆ ನಂತರ ಮುಜ್ರಾ ನೃತ್ಯ ವೇಶ್ಯಾಕುಲದ ಕುಣಿತವಾಗಿ ಮಾರ್ಪಾಟು ಹೊಂದಿ, ನಶಿಸತೊಡಗಿತು.