ಟಾಪ್ ನಾಯಕಿಯರ ಬಗ್ಗೆ ರೋಹಿತ್ ಕೆಂಡಾಮಂಡಲ

ಮೊದಲನೆಯದಾಗಿ "ನಟಿ ಕರೀನಾ ನಾನು ತುಂಬಾ ಇಷ್ಟಪಡುವ ನಟಿಯರಲ್ಲಿ ಒಬ್ಬರು. ಆದರೆ ನಾನು ಅವರನ್ನು ನನ್ನ ಮುಂದಿನ ಚಿತ್ರಕ್ಕಾಗಿ ಸಂಪರ್ಕಿಸಿಲ್ಲ. ಕಾರಣ ಅವರು ರಣವೀರ್ ಸಿಂಗ್ ನಾಯಕತ್ವದ ಸಂಜಯ್ ಲೀಲಾ ಬನ್ಸಾಲಿ ಚಿತ್ರದಲ್ಲಿ ಬ್ಯುಸಿಯಾಗಿದ್ದಾರೆ. ಕಳೆದ ಐದು ತಿಂಗಳಿನಿಂದ ನಾನು ಕರೀನಾರನ್ನು ಸಂಪರ್ಕಿಸಿಯೂ ಇಲ್ಲ. ಅಷ್ಟಕ್ಕೂ, ನಾನು ನನ್ನ ಚಿತ್ರದ ನಾಯಕಿಯನ್ನು ಫೈನಲ್ ಮಾಡುವುದು ಏಪ್ರಿಲ್ ನಲ್ಲಿ" ಎಂದಿದ್ದಾರೆ.

ಇನ್ನು ಆಸಿನ್ ಬಗ್ಗೆ ಹೇಳಬೇಕೆಂದರೆ "ನಾನು ಆಕೆಯ ಹೆಸರನ್ನು ಎಲ್ಲಿಯೂ ಹೇಳಿಲ್ಲ. ಸದ್ಯಕ್ಕೆ ನಾನು 'ಬೋಲ್ ಬಚ್ಚನ್' ಚಿತ್ರೀಕರಣದಲ್ಲಿ ತೊಡಗಿಸಿಕೊಂಡಿದ್ದೇನೆ. ದೀಪಿಕಾ ಪಡುಕೋಣೆಯ ಬಗ್ಗೆ "ಸದ್ಯಕ್ಕೆ ನಾನು ಬೇರೆ ಚಿತ್ರದ ಚಿತ್ರೀಕರಣದಲ್ಲಿ ಬ್ಯುಸಿ. ದೀಪಕಾ ನನ್ನ ಚಿತ್ರದಲ್ಲಿ ನಟಿಸುತ್ತಾರೆಂದು ಅದ್ಯಾರು ಸುದ್ದಿ ಹಬ್ಬಿಸಿದರೋ ಗೊತ್ತಿಲ್ಲ. ಆಕೆಯನ್ನೂ ನಾನು ಸಂಪರ್ಕಿಸಿಲ್ಲ. ದಯವಿಟ್ಟು ಸುಳ್ಳು ಸುದ್ದಿ ಹಬ್ಬಿಸುವುದನ್ನು ನಿಲ್ಲಿಸಿ..." ಎಂದು ಛಾಟಿ ಬೀಸಿದ್ದಾರೆ ರೋಹಿತ್ (ಏಜೆನ್ಸೀಸ್ )