Click it and Unblock the Notifications
ಹಂಪಿಯಲ್ಲಿ ಅಕ್ಷಯ್ 'ರೌಡಿ ರಾಥೋಡ್' ಪುಂಡಾಟಿಕೆ
ಕನ್ನಡದಲ್ಲಿ ಸುದೀಪ್ ಅಭಿನಯಿಸಿದ್ದ ವೀರ ಮದಕರಿ ಚಿತ್ರ ತೆಲುಗಿನ 'ವಿಕ್ರಮಾರ್ಕುಡು' ರೀಮೇಕ್. ಅದೇ ಚಿತ್ರವೀಗ ಅಕ್ಷಯ್ ಕುಮಾರ್ ನಟನೆಯಲ್ಲಿ ಬಾಲಿವುಡ್ ನಲ್ಲಿ ಚಿತ್ರೀಕರಣವಾಗುತ್ತಿದೆ. ಅದಕ್ಕೆ 'ರೌಡಿ ರಾಥೋಡ್' ಎಂದು ನಾಮಕರಣ ಮಾಡಲಾಗಿದೆ. ಆ ಚಿತ್ರದ ಶೂಟಿಂಗ್ ಸಲುವಾಗಿ ಚಿತ್ರತಂಡವೀಗ ಹಂಪಿಯಲ್ಲಿ ಬೀಡುಬಿಟ್ಟಿದೆ. ಹಾಡೊಂದರ ಚಿತ್ರೀಕರಣ ಬಿರುಸಿನಿಂದ ನಡೆಯುತ್ತಿದೆ.
ಆದರೆ ಸಮಸ್ಯೆ ಆಗಿದ್ದು ಚಿತ್ರತಂಡದ ವಾಹನ ಹಾಗೂ ಚಿತ್ರೀಕರಣದ ವೇಳೆ. ಪ್ರವಾಸಿಗರಿಗೆ ಸಮಸ್ಯೆಯಾಗುವಂತೆ ವಾಹನ ತಂದು ಒಳಗೆ ನಿಲ್ಲಿಸಿಕೊಂಡಿದ್ದಲ್ಲದೇ ಅಲ್ಲಿ ಪ್ರವಾಸಿಗರಿಗೆ ನಿರ್ಬಂಧ ಹೇರುವಂತೆ ಮಾಡಿದ್ದಾರೆ. ಚಿತ್ರೀಕರಣ ನಡೆಯುತ್ತಿರುವಷ್ಟೂ ಹೊತ್ತು ಪ್ರವಾಸಿಗರಿಗೆ ನಿರ್ಬಂಧ ಹೇರಿರುವುದು ದೇಶಿಯ ಹಾಗೂ ವಿದೇಶಿಯ ಎಲ್ಲಾ ಪ್ರವಾಸಿಗರನ್ನೂ ಕೆರಳಿಸಿದೆ.
ಅಷ್ಟೇ ಅಲ್ಲದೇ ಸ್ಥಳೀಯ ಪ್ರತಿಭೆಗಳನ್ನು ಕಡೆಗಣಿಸಿರುವದಕ್ಕೆ ತೀವ್ರ ಆಕ್ಷೇಪ ವ್ಯಕ್ತವಾಗಿದ್ದು ಅದಕ್ಕಾಗಿ ದೊಡ್ಡ ರಂಪಾಟವೇ ನಡೆದಿದೆ. ಈಗಾಗಲೇ ಸಂಬಂಧಪಟ್ಟ ಇಲಾಖೆಗೆ ಬಹಳಷ್ಟು ದೂರುಗಳು ಹೋಗಿದ್ದು, ತಕ್ಷಣ ಸ್ಥಳೀಯರ ಹಾಗೂ ಪ್ರವಾಸಿಗರ ದೂರಿಗೆ ಸ್ಪಂದಿಸಿ ಇಲಾಖೆ ಚಿತ್ರತಂಡದ ವಿರುದ್ಧ ಕ್ರಮ ಕೈಗೊಂಡು ಸಮಸ್ಯೆ ಬಗೆಹರಿಯುವುದೆಂದು ಆಶಿಸಲಾಗಿದೆ. (ಒನ್ ಇಂಡಿಯಾ ಕನ್ನಡ)
Continue with Google