ದೇಸಿ ಬಾಯ್ಸ್ ಚಿತ್ರಕ್ಕೆ 'A' ಸೆನ್ಸಾರ್ ಸರ್ಟಿಫಿಕೇಟ್

ಖ್ಯಾತ ನಟರಾದ ಜಾನ್ ಅಬ್ರಹಾಂ, ಅಕ್ಷಯ್ ಕುಮಾರ್ ಹಾಗೂ ನಟಿಯರಾದ ದೀಪಿಕಾ ಪಡುಕೋಣೆ, ಚಿತ್ರಾಂಗದಾ ಸಿಂಗ್ ಅಭಿನಯದ ಚಿತ್ರ 'ದೇಸಿ ಬಾಯ್ಸ್.' ಸೆಟ್ಟೇರಿದ ದಿನದಿಂದಲೂ ಸಾಕಷ್ಟು ನಿರೀಕ್ಷೆ ಹುಟ್ಟಿಸಿ, ಸದ್ಯವೇ ಬಿಡುಗಡೆಗೆ ಕಾದಿರುವ ಈ ಚಿತ್ರ ಈಗಾಗಲೇ ಬಾಲಿವುಡ್ ನಲ್ಲಿ ಸಂಚಲನ ಸೃಷ್ಟಿಸಿದೆ. ಆದರೆ ನಿರ್ದೇಶಕ ರೋಹಿತ್ ಗೆ ಸಂತೋಷವಿಲ್ಲ.

ಬಿಡುಗಡೆಗೆ ಕ್ಷಣಗಣನೆ ಆರಂಭವಾಗಿದ್ದರೂ ಚಿತ್ರದ ನಿರ್ದೇಶಕ ರೋಹಿತ್ ಧವನ್ ಅಷ್ಟೇನೂ ಖುಷಿಯಲ್ಲಿಲ್ಲ. ಕಾರಣ ಈ ಚಿತ್ರಕ್ಕೆ 'ಸೆಂಟ್ರಲ್ ಬೋರ್ಡ್ ಆಫ್ ಫಿಲಂ ಸರ್ಟಿಫಿಕೇಶನ್ (CBFC)' ನಿಂದ 'ಎ' (A) ಪ್ರಮಾಣ ಪತ್ರ ನೀಡಲಾಗಿದೆ. ಅವರ ವೃತ್ತಿ ಜೀವನದಲ್ಲಿ ಯಾವ ಸಿನಿಮಾಗೂ ಕೂಡ A ಸರ್ಟಿಫಿಕೇಟ್ ಪಡೆಯದಿರುವ ನಿರ್ದೇಶಕ ರೋಹಿತ್ ಸಹಜವಾಗಿಯೇ ಅಪ್ ಸೆಟ್ ಆಗಿದ್ದಾರೆ.

"ನನ್ನ ಯಾವ ಚಿತ್ರಕ್ಕೂ 'ಎ' ಸರ್ಟಿಫಿಕೇಟ್ ದೊರೆತಿಲ್ಲ. ಇದರಲ್ಲೂ ಸಾಕಷ್ಟು ಒಳ್ಳೆಯ ಅಂಶಗಳಿವೆ. ಎ ಮಾರ್ಕ್ ನಿಂದ ಚಿತ್ರಕ್ಕೆ ಸಾಕಷ್ಟು ತೊಂದರೆ ಆಗಲಿದೆ. ಅಟ್ ಲೀಸ್ಟ್ 'U/A' ಕೊಡಿ. ಫ್ಯಾಮಿಲಿ ಪ್ರೇಕ್ಷಕರನ್ನು ನಂಬಿ ಮಾಡಿದ ಚಿತ್ರಕ್ಕೆ ಹೀಗಾದರೆ ಗತಿಯೇನು" ಎಂದ ನಿರ್ದೇಶಕರ ಬೇಡಿಕೆಯನ್ನು ಸೆನ್ಸಾರ್ ಬೋರ್ಡ್ ತಳ್ಳಿಹಾಕಿದೆ. ದೇಸಿ ಬಾಯ್ಸ್ ಗಿನ್ನು ದೇವರೇ ಗತಿ... (ಏಜೆನ್ಸೀಸ್)