ಹಿರಿಯ ನಟ ಶಶಿಕಪೂರ್ ಆರೋಗ್ಯ ಸ್ಥಿತಿ ಚಿಂತಾಜನಕ

ಅಮಿತಾಬ್ ಬಚ್ಚನ್

ಎಪ್ಪತ್ತರ ದಶಕದಲ್ಲಿ ಶಶಿಕಪೂರ್ ಮತ್ತು ಅಮಿತಾಬ್ ಯಶಸ್ವಿ ಜೋಡಿ ಎನ್ನಿಸಿಕೊಂಡಿತ್ತು. ಇವರಿಬ್ಬರು ದೀವಾರ್, ತ್ರಿಶೂಲ್, ಇಮಾನ್ ಧರಮ್ ಮತ್ತು ಸುಹಾಗ್ ಚಿತ್ರಗಳಲ್ಲಿ ಅಭಿನಯಿಸಿ ಚಿತ್ರ ರಸಿಕರ ಮನಸೂರೆಗೊಂಡಿದ್ದರು. ದೇಹ ಎರಡಾದರೂ ಜೀವ ಒಂದೇ ಎಂಬಂತೆ ಬಾಲಿವುಡ್‌ನಲ್ಲಿ ಗುರುತಿಸಿಕೊಂಡ ಜೋಡಿ ಇವರದು.

ವಯೋ ಸಹಜವಾ ಸಮಸ್ಯೆಗಳಿಂದ ಶಶಿ ಕಪೂರ್ ಅವರು ಬಳಲುತ್ತಿದ್ದಾರೆ ಎಂದು ಆಸ್ಪತ್ರೆ ಮೂಲಗಳು ಹೇಳಿವೆ. ಆದರೆ ಅವರ ಸದ್ಯದ ಆರೋಗ್ಯ ಪರಿಸ್ಥಿತಿ ಬಗ್ಗೆ ಆಸ್ಪತ್ರೆಯ ವೈದ್ಯರು ವಿವರಗಳನ್ನು ನೀಡಲು ನಿರಾಕರಿಸಿದ್ದಾರೆ. ಆಸ್ಪತ್ರೆಯಲ್ಲಿ ಶಶಿ ಕಪೂರ್ ಅವರನ್ನು ಅರ್ಧ ಗಂಟೆಗೂ ಹೆಚ್ಚು ಕಾಲ ಬಿಗ್ ಬಿ ಮಾತನಾಡಿಸಿದ್ದಾರೆ.

ಆಸ್ಪತ್ರೆಯಿಂದ ಹೊರಬಂದಾಗ ಬಿಗ್ ಬಿ ಅವರ ಕಣ್ಣುಗಳು ತೇವವಾಗಿದ್ದವು ಎಂದು ಪ್ರತ್ಯಕ್ಷ ದರ್ಶಿಗಳು ಹೇಳಿದ್ದಾರೆ. ಬಿಗ್ ಬಿ ಹೊರತುಪಡಿಸಿದರೆ ಬಾಲಿವುಡ್‌ನ ಯಾರೊಬ್ಬರೂ ಇದುವರೆಗೂ ಹಿರಿಯ ನಟ ಶಶಿ ಕಪೂರ್ ಅವರನ್ನು ನೋಡಲು ಬರದಿರುವುದು ವಿಷಾದನೀಯ ಸಂಗತಿ. [ಬಿಗ್ ಬಿ]