Don't Miss!
- News Lok Sabha Election 2024 Phase 1 Polling LIVE: ಲೋಕಸಭಾ ಚುನಾವಣೆ 2024ರ ಮೊದಲ ಹಂತದ ಮತದಾನ!
- Sports RCB vs KKR IPL 2024: ಕೆಕೆಆರ್ ವಿರುದ್ಧ ಆರ್ಸಿಬಿ ಹಸಿರು ಜೆರ್ಸಿಯಲ್ಲಿ ಕಣಕ್ಕೆ; ಅಂದೇ ಏಕೆ?
- Lifestyle ಮನೆಯಲ್ಲಿ ಸುಲಭವಾಗಿ ಬೀನ್ಸ್ ಬೆಳೆಯಬಹುದು..! ಹೇಗೆ ನೋಡಿ..!
- Automobiles ಎಲೆಕ್ಟ್ರಿಕ್ ಕಾರು ಖರೀದಿಸಿ ಪರಿಸರ ಪ್ರೇಮ ಮೆರೆದ ನಟಿ: ಬೆಲೆ ಕೇಳಿದ್ರೆ ತಲೆ ತಿರುಗುತ್ತೆ!
- Finance ಬಿಸಿಲ ಬೇಗೆಯಿಂದ ರಕ್ಷಿಸಿಕೊಳ್ಳಲು ಟ್ರಾಫಿಕ್ ಪೊಲೀಸರಿಗೆ ರಿಲಿಫ್: ಬಂತು ಹವಾನಿಯಂತ್ರಿತ ಎಸಿ ಹೆಲ್ಮೆಟ್!
- Technology Samsung: ಸ್ಯಾಮ್ಸಂಗ್ನ ಈ ಸರಣಿ ಫೋನ್ಗಳಲ್ಲಿ ಗ್ರೀನ್ ಲೈನ್ ಸಮಸ್ಯೆ! ವರದಿ
- Education ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು
- Travel Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
ಅಮಿತಾಬ್ ಬಚ್ಚನ್ ಜೊತೆ ಊಟಕ್ಕೆ ಈ ಪಾಟಿ ದುಡ್ಡೇ
ನಟನೊಬ್ಬನ ಜೊತೆ ಕೂತು ಹರಟೆ ಹೊಡೆಯುತ್ತಾ, ಅವರ ಚಿತ್ರಗಳ ಕುರಿತು ಪಟ್ಟಾಂಗ ಹೊಡೆಯುತ್ತಾ ಊಟ ಮಾಡುವುದೆಂದರೆ ಯಾರಿಗೆ ತಾನೆ ಇಷ್ಟವಾಗಲ್ಲ ಹೇಳಿ. ಅಂತಹ ಒಂದು ಸದವಕಾಶವನ್ನು ಬಿಗ್ ಬಿ ಅಮಿತಾಬ್ ಬಚ್ಚನ್ ಕಲ್ಪಿಸಿದ್ದಾರೆ. ಸುಮ್ಮನೆ ಊಟಕ್ಕೆ ಬನ್ನಿ ಎಂದರೆ ಏನ್ ಮಜಾ ಇರುತ್ತೆ. ತನ್ನ ಜೊತೆ ಮಧ್ಯಾಹ್ನದ ಊಟ ಮಾಡುವ ಅವಕಾಶವನ್ನು ಹರಾಜಿಗಿಟ್ಟರು.
ಆಗ ಶುರುವಾಯಿತು ನೋಡಿ ನಿಜವಾದ ಅಭಿಮಾನಿಗಳ ನಡುವೆ ಪೈಪೋಟಿ. ನಿನಗಿಂತ ನಾನೇನು ಕಮ್ಮಿ ಎಂದು ಅಭಿಮಾನಿಗಳು ಹರಾಜು ಕೂಗುತ್ತಾ ಹೋದರು. ಕಡೆಗೆ ಹರಾಜು ಮೊತ್ತ ರು.6 ಲಕ್ಷಕ್ಕೆ ಬಂದು ನಿಂತಿದೆ. ಒಂದು ಹೊತ್ತಿನ ಊಟಕ್ಕೆ ಈ ಪಾಟಿ ಹಣವೇ? ಎಂದು ಹುಬ್ಬೇರಿಸುವಂತಾಗಿದೆ.
ಆನ್ ಲೈನ್ ಮಾರುಕಟ್ಟೆ ಇ ಬೇಯಲ್ಲಿ ರು.1001ಕ್ಕೆ ಆರಂಭವಾದ ಹರಾಜು ಒಂದೇ ಗಂಟೆಯಲ್ಲಿ ರು.6 ಲಕ್ಷಕ್ಕೆ ಏರಿಕೆಯಾಯಿತು. ಬಿಡ್ಡಿಂಗ್ ಮೊತ್ತ್ತದಲ್ಲಿ ಬಿಗ್ ಬಿ ಬಾಲಿವುಡ್ ಬ್ಯಾಡ್ ಬಾಯ್ ಸಲ್ಮಾನ್ ಖಾನ್ ಮತ್ತು ಖಿಲಾಡಿ ಅಕ್ಷಯ್ ಕುಮಾರ್ ಅವರನ್ನು ಹಿಂದಿಕ್ಕಿದ್ದಾರೆ. ಅಕ್ಷಯ್ ಜೊತೆ ಬೆಳಗಿನ ಉಪಹಾರ ಇಷ್ಟರ ತನಕ ರು.4.52 ಲಕ್ಷಕ್ಕೆ ಹರಾಜಾಗಿದೆ.
ನಮ್ಮ ದೇಶದಲ್ಲಿ ಒಂದು ಹೊತ್ತಿನ ಊಟಕ್ಕಾಗಿ ಲಕ್ಷಾಂತರ ಜನ ಪರದಾಡುತ್ತಿದ್ದಾರೆ. ಬಿಗ್ ಬಿ ಜೊತೆ ಒಂದು ಹೊತ್ತಿನ ಊಟ ಮಾಡಲು ಇಷ್ಟು ಹಣವೇ? ಎಂದು ಮೂಗು ಮುರಿಯಬೇಡಿ, ಕೊಂಚ ತಾಳಿ. ಹರಾಜಿನಿಂದ ಬಂದ ಹಣವನ್ನು ಬಿಗ್ ಬಿ ತಮ್ಮ ಸ್ವಂತಕ್ಕೆ ಬಳಕೆ ಮಾಡುತ್ತಿಲ್ಲ. ಈ ಹಣವನ್ನು ಸಮಾಜ ಸೇವೆಗೆ ಮುಡಿಪಾಗಿಡಲಿದ್ದಾರೆ.