Don't Miss!
- News Lok Sabha Election 2024 Phase 1 Polling LIVE: ಲೋಕಸಭಾ ಚುನಾವಣೆ 2024ರ ಮೊದಲ ಹಂತದ ಮತದಾನ!
- Sports RCB vs KKR IPL 2024: ಕೆಕೆಆರ್ ವಿರುದ್ಧ ಆರ್ಸಿಬಿ ಹಸಿರು ಜೆರ್ಸಿಯಲ್ಲಿ ಕಣಕ್ಕೆ; ಅಂದೇ ಏಕೆ?
- Lifestyle ಮನೆಯಲ್ಲಿ ಸುಲಭವಾಗಿ ಬೀನ್ಸ್ ಬೆಳೆಯಬಹುದು..! ಹೇಗೆ ನೋಡಿ..!
- Automobiles ಎಲೆಕ್ಟ್ರಿಕ್ ಕಾರು ಖರೀದಿಸಿ ಪರಿಸರ ಪ್ರೇಮ ಮೆರೆದ ನಟಿ: ಬೆಲೆ ಕೇಳಿದ್ರೆ ತಲೆ ತಿರುಗುತ್ತೆ!
- Finance ಬಿಸಿಲ ಬೇಗೆಯಿಂದ ರಕ್ಷಿಸಿಕೊಳ್ಳಲು ಟ್ರಾಫಿಕ್ ಪೊಲೀಸರಿಗೆ ರಿಲಿಫ್: ಬಂತು ಹವಾನಿಯಂತ್ರಿತ ಎಸಿ ಹೆಲ್ಮೆಟ್!
- Technology Samsung: ಸ್ಯಾಮ್ಸಂಗ್ನ ಈ ಸರಣಿ ಫೋನ್ಗಳಲ್ಲಿ ಗ್ರೀನ್ ಲೈನ್ ಸಮಸ್ಯೆ! ವರದಿ
- Education ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು
- Travel Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
ರಾಮು ವಿರುದ್ಧ ಕೇಸು ಗುಜರಾಯಿಸಿದ ಇಶಾ ಡಿಯೋಲ್
ಹೆಸರಾಂತ ಚಿತ್ರ ನಿರ್ಮಾಪಕ ರಾಮ್ ಗೋಪಾಲ್ ವರ್ಮಾ ವಿರುದ್ಧ ಬಾಲಿವುಡ್ ತಾರೆ ಇಶಾ ಡಿಯೋಲ್ ಕೇಸು ಗುಜರಾಯಿಸಿದ್ದಾರೆ. 'ಡಾರ್ಲಿಂಗ್' ಚಿತ್ರದ ಬಾಕಿ ಹಣವನ್ನು ರಾಮು ತಮಗೆ ಇನ್ನೂ ಕೊಟ್ಟಿಲ್ಲ ಎಂಬ ಆರೋಪದ ಮೇರೆಗೆ ಇಶಾ ಕೋರ್ಟ್ ಮೆಟ್ಟಿಲೇರಿದ್ದಾರೆ.
ಈಗಾಗಲೆ ಸಾಕಷ್ಟು ಬಾರಿ ರಾಮು ಅವರಿಗೆ ಬಾಕಿ ಹಣದ ಬಗ್ಗೆ ನೆನಪಿಸಿದ್ದೇನೆ. ಕಡೆಗೂ ಪ್ರಯೋಜನವಾಗದ ಕಾರಣ ಕೊನೆ ಪ್ರಯತ್ನವಾಗಿ ಕೋರ್ಟ್ ನ ಬಾಗಿಲನ್ನು ತಟ್ಟಿದ್ದೇನೆ ಎಂದು ಇಶಾ ಪ್ರತಿಕ್ರಿಯಿಸಿದ್ದಾರೆ. ರಾಮ್ ಗೋಪಾಲ್ ವರ್ಮಾ ಅವರು ಇಶಾ ಅವರಿಗೆ ಒಟ್ಟು ರು.13 ಲಕ್ಷ ಕೊಡಬೇಕಾಗಿದೆಯಂತೆ.
ಒಂದು ವರ್ಷದ ಹಿಂದೆ ಸಿನಿಮಾ ಮತ್ತು ಟಿವಿ ಕಲಾವಿದರ ಸಂಘಕ್ಕೆ ರಾಮು ವಿರುದ್ಧ ಇಶಾ ದೂರು ಕೊಟ್ಟಿದ್ದರು. ಆದರೆ ರಾಮು ಅವರಿಂದ ಯಾವುದೇ ಪ್ರತಿಕ್ರಿಯೆ ಬರಲಿಲ್ಲ. ಬಳಿಕ ಆಕೆ ಪಾಶ್ಚಿಮಾತ್ಯ ಭಾರತೀಯ ಸಿನಿಮಾ ಕಲಾವಿದರ ಒಕ್ಕೂಟದ ಮೊರೆಹೋಗಿದ್ದರು. ಅಲ್ಲೂ ಬೇಳೆ ಬೇಯದ ಕಾರಣ ಈಗ ಕೋರ್ಟ್ ಮೆಟ್ಟಿಲೇರಿದ್ದಾರೆ ಎನ್ನುತ್ತವೆ ಮೂಲಗಳು.
ಈ ತಕರಾರಿಗೆ ಸಂಬಂಧಿಸಿದಂತೆ ರಾಮು ಹೇಳುವುದೇನೆಂದರೆ, ಅದು ಎಂದೋ ಮುಗಿದ ಅಧ್ಯಾಯ. ಈ ಕೇಸು ಬಗೆಹರಿದಿದೆ ಎಂದಿದ್ದಾರೆ. ಆದರೆ ಇಶಾ ಮಾತ್ರ ತಮಗೆ ಇನ್ನೂ ನ್ಯಾಯ ಸಿಕ್ಕಿಲ್ಲ ಎಂದು ಹೋರಾಡುತ್ತಲೇ ಇದ್ದಾರೆ ಎಂದು ಇಶಾ ಗೆಳತಿ ಹೇಳುತ್ತಾರೆ. ಚಿತ್ರದನಿರ್ಮಾಪಕ ಭೂಷಣ್ ಕುಮಾರ್ ಹೇಳುವುದೇನೆಂದರೆ, ರಾಮುಗೆ ಸಾಕಷ್ಟು ಹಣ ಕೊಟ್ಟಿದ್ದೇನೆ. ಈ ಎಲ್ಲಾ ಸಮಸ್ಯೆಗೆ ಅವರೆ ಅಂತ್ಯ ಹಾಡಬೇಕಾಗಿದೆ. ಇದರಲ್ಲಿ ನನ್ನದೇನು ಕೈವಾಡ ಇಲ್ಲ ಎಂದಿದ್ದಾರೆ.