ಸಲ್ಮಾನ್ ಖಾನ್-ಕತ್ರಿನಾ ಕೈಫ್ ಹೆಸರಿನಲ್ಲಿ 638 ಕೋಟಿ.!

ಟೈಗರ್ ಮಾಡಿದ ಮೋಡಿ

2017ರ ಸೂಪರ್ ಹಿಟ್ ಸಿನಿಮಾ ಟೈಗರ್ ಜಿಂದಾ ಹೈ ಸಿನಿಮಾ ಬಾಲಿವುಡ್ ಬಾಕ್ಸ್ ಆಫೀಸ್ ನಲ್ಲಿ ಧೂಳೆಬ್ಬಿಸಿತ್ತು. ವರ್ಲ್ಟ್ ವೈಡ್ 500 ಕೋಟಿಗೂ ಅಧಿಕ ಗಳಿಕೆ ಮಾಡಿರುವ ಈ ಚಿತ್ರ 339 ಕೋಟಿ ನೆಟ್ ಕಲೆಕ್ಷನ್ ಹೊಂದಿದೆ. ಸಲ್ಮಾನ್ ಖಾನ್ ಮತ್ತು ಕತ್ರಿನಾ ಕೈಫ್ ಜೋಡಿ ಈ ಸಿನಿಮಾದಲ್ಲಿ ಕಮಾಲ್ ಮಾಡಿತ್ತು.

ಏಕ್ತಾ ಟೈಗರ್

ಅದಕ್ಕೂ ಮುಂಚೆ ತೆರೆಗೆ ಬಂದಿದ್ದ ಏಕ್ತಾ ಟೈಗರ್ ಸಿನಿಮಾ ಬಾಕ್ಸ್ ಆಫೀಸ್ ನಲ್ಲಿ 198 ಕೋಟಿ ಗಳಿಕೆ ಕಂಡಿರುವ ದಾಖಲೆ ಹೊಂದಿದೆ. ಈ ಎರಡು ಚಿತ್ರಗಳ ಒಟ್ಟು ಕಲೆಕ್ಷನ್ 537 ಕೋಟಿ. ಈ ಎರಡು ಸಿನಿಮಾಗಳಲ್ಲಿ ವರ್ಕೌಟ್ ಆಗಿದ್ದು ಸಲ್ಮಾನ್ ಮತ್ತು ಕತ್ರಿನಾ ಜೋಡಿ.

2008ರಲ್ಲಿ ಯುವರಾಜ

2008ರಲ್ಲಿ ಸಲ್ಮಾನ್ ಖಾನ್ ಮತ್ತು ಕತ್ರಿಕಾ ಕೈಫ್ ಜೋಡಿಯಲ್ಲಿ ಬಂದ ಸಿನಿಮಾ ಯುವರಾಜ. ಹಾಲಿವುಡ್ ಚಿತ್ರದಿಂದ ಸ್ಫೂರ್ತಿಯಾಗಿ ತಯಾರಾಗಿದ್ದು ಈ ಚಿತ್ರ ಬಾಕ್ಸ್ ಆಫೀಸ್ ನಲ್ಲಿ ಮುಗ್ಗರಿಸಿತ್ತು. ಕೇವಲ 16.89 ಕೋಟಿ ಗಳಿಸಿ ಹೀನಾಯವಾಗಿತ್ತು.

ಸಾಧಾರಣ ಯಶಸ್ಸು ಕಂಡಿದ್ದ ಪಾಟ್ನರ್

ಸಲ್ಮಾನ್ ಖಾನ್ ಮತ್ತು ಗೋವಿಂದ ಜೋಡಿಯಾಗಿ ನಟಿಸಿದ್ದ ಪಾಟ್ನರ್ ಸಿನಿಮಾ 60.05 ಕೋಟಿ ಗಳಿಕೆ ಕಂಡಿತ್ತು. ಈ ಚಿತ್ರದಲ್ಲಿ ಗೋವಿಂದು ಅವರಿಗೆ ಕತ್ರಿನಾ ಕೈಫ್ ಜೋಡಿಯಾಗಿದ್ದರು. ಸಲ್ಮಾನ್ ಗೆ ನಾಯಕಿಯಾಗಿ ಲಾರಾ ದತ್ ನಟಿಸಿದ್ದರು. ಸಲ್ಲು ಮತ್ತು ಕತ್ರಿನಾ ನಟನೆ ಈ ಚಿತ್ರದಲ್ಲಿತ್ತು ಎನ್ನುವುದು ಮರೆಯುವಂತಿಲ್ಲ.

ಮೈನೆ ಪ್ಯಾರ್ ಕ್ಯೂ ಕಿಯಾ

ಸಲ್ಮಾನ್ ಖಾನ್ ಮತ್ತು ಕತ್ರಿನಾ ಜೋಡಿ ಮೊದಲ ಸಲ ಒಂದಾಗಿದ್ದು 'ಮೈನೆ ಪ್ಯಾರ್ ಕ್ಯೂ ಕಿಯಾ' ಚಿತ್ರದಲ್ಲಿ. ಟ್ರಯಾಂಗಲ್ ಲವ್ ಸ್ಟೋರಿಯಾಗಿದ್ದ ಈ ಚಿತ್ರದಲ್ಲಿ ಸುಶ್ಮಿತಾ ಸೇನ್, ಕತ್ರಿನಾ ಇಬ್ಬರು ನಾಯಕಿಯರಿದ್ದರು. ಈ ಸಿನಿಮಾ 25.69 ಕೋಟಿ ಬಾಚಿಕೊಂಡಿತ್ತು.

ಭಾರತ್ ಎಷ್ಟು ಗಳಿಸುತ್ತೆ?

ಇಂತಹ ಅದ್ಭುತ ಸಕ್ಸಸ್ ಕೊಟ್ಟಿರುವ ಈ ಜೋಡಿ ಈಗ ಭಾರತ್ ಸಿನಿಮಾದಲ್ಲಿ ಮತ್ತೆ ಬರ್ತಿದೆ. ಜೂನ್ 5 ರಂದು ಭಾರತ್ ಬಿಡುಗಡೆಯಾಗುತ್ತಿದ್ದು, ಬಾಕ್ಸ್ ಆಫೀಸ್ ಲೆಕ್ಕಾಚಾರ ದೊಡ್ಡ ಮಟ್ಟದಲ್ಲಿದೆ. ಕ್ಯಾಟ್ ಮತ್ತು ಸಲ್ಲು ಜೋಡಿ ಎನ್ನುವುದು ಕೂಡ ಈ ಸಿನಿಮಾದ ವಿಶೇಷ.