ಪ್ರೇಮಿಯ ಜೊತೆ ಇರಾ ಖಾನ್ ಹಾಟ್ ಲುಕ್: ಪ್ರೀತಿಗೆ 2 ವರ್ಷದ ಸಂಭ್ರಮ!

ಇರಾ ನೂಪುರ್ ಪ್ರೀತಿಗೆ 2 ವರ್ಷ!

ಇನ್ನು ಈಗ ಇರಾ, ಈ ರೀತಿಯಾಗಿ ತನ್ನ ಪ್ರಿಯತಮನ ಜೊತೆಗಿರುವ ಫೋಟೋಗಳನ್ನು ಹಂಚಿಕೊಳ್ಳಲು ಕಾರಣ ಅವರ ಪ್ರೀತಿಯ ವಾರ್ಷಿಕೋತ್ಸವ. ಹೌದು ಇವರ ಪ್ರೀತಿ ಶುರುವಾಗಿ ಎರಡು ವರ್ಷ ಆಗಿದೆ. ಹಾಗಾಗಿ ಈ ಸಂಭ್ರಮವನ್ನು ಹಂಚಿಕೊಳ್ಳಲು ತಮ್ಮ ಫೋಟೋಗಳನ್ನು ಶೇರ್ ಮಾಡಿಕೊಂಡು ಭಾವನಾತ್ಮಕ ಸಂದೇಶವನ್ನು ಬರೆದಿದ್ದಾರೆ ಇರಾ ಖಾನ್. ನೂಪುರ್ ಖಾನ್ ಕೂಡ ಇರಾ ಜೊತೆಗಿನ ಪೋಟ್ ಶೇರ್ ಮಾಡಿ ಲವ್ ಯು ಟೂ ಎಂದು ಬರೆದುಕೊಂಡಿದ್ದಾರೆ.

ನೂಪುರ್‌ಗಾಗಿ ಇರಾ ಬರೆದ ಸಂದೇಶ!

ತಮ್ಮ ಇನ್‌ಸ್ಟಾಗ್ರಾಮ್ ಖಾತೆಯಲ್ಲಿ ಇರಾ ಖಾನ್ ಫೊಟೋ ಹಂಚಿಕೊಂಡು. "ಇದು ಎರಡನೇ ವರ್ಷ.. ಆದರೆ ಯಾವಾಗಿನಿಂದಲೋ ಹೀಗೆ ಇದ್ದೇವೆ ಎನ್ನುವ ಭಾವನೆ ನನ್ನದು.. ಐ ಲವ್ ಯು.. ನಾನು ಪ್ರಾಮಾಣಿಕವಾಗಿ ಸತ್ಯವಾಗಿ ನಿನ್ನನ್ನು ಅತ್ಯಂತ ಪ್ರೀತಿಸುತ್ತೇನೆ." ಎಂದು ಬರೆದುಕೊಂಡಿದ್ದಾರೆ. ಈ ಪೋಸ್ಟ್ ಸದ್ಯ ವೈರಲ್ ಆಗಿ ಬಿಟ್ಟಿದೆ.

ಬಿಕಿನಿಯಲ್ಲಿ ಕೇಕ್ ಕತ್ತರಿಸಿ ಇರಾ ಟ್ರೋಲ್!

ಇನ್ನು ಈ ಹಿಂದೆ ತಮ್ಮ ಹುಟ್ಟುಹಬ್ಬವನ್ನು ಬಿಕಿನಿ ಹಾಕಿಕೊಂಡು ಪೂಲ್‌ನಲ್ಲಿ ಆಚರಿಸಿಕೊಂಡಿದ್ದರು ಇರಾ. ಇದೇ ಕಾರಣಕ್ಕೆ ಸಿಕ್ಕಾಪಟ್ಟೆ ಟ್ರೋಲ್ ಆಗಿದ್ದರು. ಬಿಕಿನಿ ತೊಟ್ಟು ಸ್ವಿಮ್ಮಿಂಗ್ ಪೂಲ್‌ನಲ್ಲಿ ಕೇಕ್ ಕಟ್ ಮಾಡಿದ್ದರು. ಹುಟ್ಟು ಹಬ್ಬದ ಸಂಭ್ರಮದಲ್ಲಿ ತಂದೆ ಆಮೀರ್ ಖಾನ್ ಸೇರಿದಂತೆ ಕುಟುಂಬಸ್ಥರು ಭಾಗಿ ಆಗಿದ್ದರು. ಆದರೆ ಇರಾ ಅವತಾರ ಸಿಕ್ಕಾಪಟ್ಟೆ ಟ್ರೋಲ್ ಆಗಿತ್ತು.

ಇರಾ ಖಾನ್ ನಟನೆ ಯಾವಾಗ!

ಇರಾ ಖಾನ್ ಸಿನಿಮಾ ರಂಗಕ್ಕೆ ನಾಯಕಿಯಾಗಿ ಎಂಟ್ರಿ ಕೊಟ್ಟಿಲ್ಲ ಆದರೆ ಇರಾ ಖಾನ್ ನಿರ್ದೇಶಕಿಯಾಗಿ ಕೆಲಸ ಮಾಡಿದ್ದಾರೆ. 2019ರಲ್ಲಿ ಇರಾ ಖಾನ್ ಸಿನಿಮಾ ಒಂದು ನಿರ್ದೇಶನ ಮಾಡಿದ್ದಾರೆ. ಸದ್ಯ ಸಿನಿಮಾರಂಗದಲ್ಲಿ ಯಾವುದೇ ಚಟುವಟಿಕೆಗಳಲ್ಲಿ ಕೂಡಾ ಇರಾ ಸಕ್ರಿಯವಾಗಿಲ್ಲ. ಇನ್ನು ಮುಂದಿನ ದಿನಗಳಲ್ಲಿ ಇರಾನ್ ನಾಯಕಿಯಾಗಿ ಸಿನಿಮಾಗಳಲ್ಲಿ ಕಾಣಿಸಿಕೊಳ್ಳುವ ಸಾಧ್ಯತೆ ದಟ್ಟವಾಗಿದೆ.