'ಶಾರುಖ್ ಖಾನ್ ನನ್ನ ಕಾಲು ನೆಕ್ಕುತ್ತಿದ್ದಾನೆ' ಎಂದು ಹೇಳಿ ಬೇಷರತ್ ಕ್ಷಮೆ ಕೇಳಿದ್ದ ಆಮೀರ್ ಖಾನ್

ಶಾರುಖ್ ಖಾನ್ ನನ್ನ ಕಾಲು ನೆಕ್ಕುತ್ತಿದ್ದಾನೆ- ಆಮೀರ್ ಖಾನ್

ಆಮೀರ್ ಖಾನ್ ತನ್ನ ಬ್ಲಾಗ್ ನಲ್ಲಿ, 'ನಾನು ಮರದ ಕೆಳಗೆ ಕಣಿವೆ ಅಂಚಿನಲ್ಲಿ, ಸಮುದ್ರ ಮಟ್ಟದಿಂದ ಸುಮಾರು 5 ಸಾವಿರ ಅಡಿ ಎತ್ತರದಲ್ಲಿ ಕುಳಿತಿದ್ದೇನೆ. ಅಮ್ಮಿ, ಐರಾ ಮತ್ತು ಜುನೈದ್ ನನ್ನ ಪಕ್ಕಲ್ಲಿದ್ದಾರೆ. ನಾವು ನೆಚ್ಚಿನ ಬೋರ್ಡ್ ಆಟ ಆಡುತ್ತಿದ್ದೇವೆ. ಶಾರುಖ್ ನನ್ನ ಕಾಲುಗಳನ್ನು ನೆಕ್ಕುತ್ತಿದ್ದಾನೆ. ನಾನು ಅವನಿಗೆ ಬಿಸ್ಕತ್ ತಿನಿಸುತ್ತಿದ್ದೇನೆ. ನಾನು ಇನ್ನೇನು ಹೇಳಬಹುದು?' ಎಂದು ಬರೆದುಕೊಂಡಿದ್ದರು.

ಆಮೀರ್ ಖಾನ್ ವಿರುದ್ಧ ರೊಚ್ಚಿಗೆದ್ದಿದ್ದ ಶಾರುಖ್ ಅಭಿಮಾನಿಗಳು

ಸಾಮಾನ್ಯವಾಗಿ ಆಮೀರ್ ಖಾನ್ ವಿವಾದ ಮತ್ತು ಈ ರೀತಿಯ ಹೇಳಿಕೆಗಳಿಂದ ದೂರ ಇರುವವರು. ಆದರೆ ದಿಢೀರನೇ ಈ ಹೇಳಿಕೆ ಆಮೀರ್ ಖಾನ್ ಮತ್ತು ಶಾರುಖ್ ಖಾನ್ ಇಬ್ಬರು ಅಭಿಮಾನಿಗಳಿಗೆ ಶಾಕ್ ನೀಡಿತ್ತು. ಆಮೀರ್ ಖಾನ್ ವಿರುದ್ಧ ಶಾರುಖ್ ಅಭಿಮಾನಿಗಳು ರೊಚ್ಚಿಗೆದ್ದಿದ್ದರು. ಕ್ಷಮೆ ಕೇಳಬೇಕೆಂದು ಪಟ್ಟು ಹಿಡಿದಿದ್ದರು.

ಸ್ಪಷ್ಟನೆ ನೀಡಿದ ಆಮೀರ್ ಖಾನ್

ಈ ಘಟನೆ ಬಳಿಕ ಇಬ್ಬರು ಸ್ಟಾರ್ ನಟರ ನಡುವಿನ ಶೀತಲ ಸಮರ ಮತ್ತಷ್ಟು ಜಾಸ್ತಿಯಾಗಿತ್ತು. ಬಳಿಕ ಒಂದು ಕಾರ್ಯಕ್ರಮದಲ್ಲಿ ಆಮೀರ್ ಖಾನ್ ಈ ಹೇಳಿಕೆ ಬಗ್ಗೆ ಪ್ರತಿಕ್ರಿಯೆ ನೀಡುವ ಮೂಲಕ ಶಾರುಖ್ ಬಗ್ಗೆ ಮೊದಲ ಬಾರಿಗೆ ಮೌನ ಮುರಿದರು. ಕಳೆದ 20 ವರ್ಷಗಳಲ್ಲಿ ಶಾರುಖ್ ಖಾನ್ ವಿರುದ್ಧ ಒಂದು ಮಾತನ್ನು ಸಹ ಆಡಿಲ್ಲ ಎಂದು ಆಮೀರ್ ಖಾನ್ ಹೇಳಿದರು.

Recommended Video

Yash Next Movie : ರಾಕಿಂಗ್ ಸ್ಟಾರ್ ಯಶ್ ಮುಂದಿನ ಸಿನಿಮಾ ಯಾವುದು? | Filmibeat Kannada

ಶಾರುಖ್ ಖಾನ್ ಎಂದರೆ ನಮ್ಮನೆ ನಾಯಿ ಎಂದಿದ್ದ ಆಮೀರ್

'ನಾನು ಮತ್ತು ಪತ್ನಿ ಕಿರಣ್ ರಾವ್ ಇಬ್ಬರು ಪಂಚಗಾನಿಯಲ್ಲಿ ಮನೆಯನ್ನು ಖರೀದಿ ಮಾಡಿದ್ದೀವಿ. ನಮ್ಮ ಮನೆಯಲ್ಲಿ ಶಾರುಖ್ ಎನ್ನುವ ನಾಯಿ ಇದೆ. ಶಾರುಖ್ ಖಾನ್ ವಿರುದ್ಧ ಇಂತಹ ಅವಹೇಳನಕಾರಿ ಹೇಳಿಕೆ ನೀಡುವ ಉದ್ದೇಶ ಹೊಂದಿಲ್ಲ' ಎಂದು ಹೇಳಿ ಬೇಷರತ್ ಕ್ಷಮೆ ಕೇಳುವ ಮೂಲಕ ವಿವಾದಕ್ಕೆ ತೆರೆ ಎಳೆದಿದ್ದರು.