300 ಕೋಟಿ ಗಳಿಕೆ: ಪಿಕೆ 'ಸಾರ್ವಕಾಲಿಕ ಬ್ಲಾಕ್ ಬ್ಲಾಸ್ಟರ್ ಚಿತ್ರ'

200 ಕೋಟಿ ರು ಕ್ಲಬ್ ಸೇರುವುದಿಲ್ಲ ಎಂದಿದ್ದರು

ಅಂಕಿ ಅಂಶಗಳ ಲೆಕ್ಕಾಚಾರ ಹಾಕಿದರೆ ಪಿಕೆ ಚಿತ್ರ 180 ಕೋಟಿ ರು ಗಳಿಕೆ ಮಾಡಿದರೆ ಹೆಚ್ಚು ಎನ್ನಬಹುದು. ದೇಶಿ ಮಾರುಕಟ್ಟೆಯಲ್ಲಿ 200 ಕೋಟಿ ರು ದಾಟಿದರೆ ಎಲ್ಲವೂ ಭಗವಂತನ ಕೃಪೆ. ಸದ್ಯಕ್ಕೆ ಅಮೀರ್ ಚಿತ್ರ ಗಳಿಕೆಗೆ ಕ್ರಿಸ್ಮಸ್ ಸೀಸನ್ ನ ಕೃಪೆ ಸಿಗಬೇಕಿದೆ ಎಂಬ ಮಾತನ್ನು ಅಳಿಸಿ ಹಾಕಿ ಪಿಕೆ ಈಗ ದೇಶಿ ಮಾರುಕಟ್ಟೆಯಲ್ಲಿ 17ನೇ ದಿನಕ್ಕೆ 300 ಕೋಟಿ ರು ಗಳಿಸಿ ಎಲ್ಲರ ಹುಬ್ಬೇರಿಸಿದೆ.

ಮಾರುಕಟ್ಟೆ ತಜ್ಞ ತರಣ್ ಆದರ್ಶ್ ಟ್ವೀಟ್

ಮಾರುಕಟ್ಟೆ ತಜ್ಞ ತರಣ್ ಆದರ್ಶ್ ಟ್ವೀಟ್ ಮಾಡಿ ಸೋಮವಾರ 4.42 ಕೋಟಿ ರು ಗಳಿಸುವ ಮೂಲಕ 18ನೇ ದಿನದ ಲೆಕ್ಕಾಚಾರದಲ್ಲಿ ಈ ಹಿಂದಿನ ಎಲ್ಲಾ ದಾಖಲೆಗಳನ್ನು ಮುರಿದಿದೆ. ಪಿಕೆ 309.69 ಕೋಟಿ ರು ಭಾರತವೊಂದರಲ್ಲೇ ಗಳಿಸಿದೆ ಎಂದಿದ್ದಾರೆ.

ಸಾಗರೋತ್ತರ ದೇಶಗಳಲ್ಲೂ ಉತ್ತಮ ಗಳಿಕೆ

ಸಾಗರೋತ್ತರ ದೇಶಗಳಲ್ಲೂ ಉತ್ತಮ ಗಳಿಕೆ ಮುಂದುವರೆಸಿರುವ ಪಿಕೆ ಚಿತ್ರ ಇಲ್ಲಿ ತನಕ ಸುಮಾರು 23.42 ಮಿಲಿಯನ್ ಡಾಲರ್( 148.64 ಕೋಟಿ ರು ಗಳಿಸಿದೆ. ಯುಎಸ್ ಕೆನಡಾದಲ್ಲಿ 62.99 ಕೋಟಿ ರು ಅಧಿಕ ಗಳಿಕೆ ಎನಿಸಿದೆ

ಆತಂಕ ಮೂಡಿಸಿದ್ದ ಆರಂಭಿಕ ಗಳಿಕೆ

ಐದನೇ ದಿನ 19 ಕೋಟಿ ರು ಸೇರಿ ಒಟ್ಟಾರೆ ನಿವ್ವಳ ಗಳಿಕೆ ದೇಶಿ ಮಾರುಕಟ್ಟೆಯಲ್ಲಿ 136.61 ಕೋಟಿ ರು ದಾಟಿತ್ತು.
ಮೊದಲ ನಾಲ್ಕು ದಿನ:
ಶುಕ್ರವಾರ : 26.63 ಕೋಟಿ ರೂಪಾಯಿ
ಶನಿವಾರ : 30.34 ಕೋಟಿ ರೂಪಾಯಿ
ಭಾನುವಾರ : 38.44 ಕೋಟಿ ರೂಪಾಯಿ
ಸೋಮವಾರ : 21.22 ಕೋಟಿ ರೂಪಾಯಿ

ಚಿತ್ರದ ಗಳಿಕೆ ಮಾತ್ರ ಏರಿಕೆಯಾಗುತ್ತಿಲ್ಲ ಶೇ 20ರಷ್ಟು ಕುಸಿತ ಕಂಡಿದೆ ಎಂದು ಮಾರುಕಟ್ಟೆ ವಿಶ್ಲೇಷಕರು ಅಭಿಪ್ರಾಯಪಟ್ಟಿದ್ದರು. ಅದರೆ, ನಿರೀಕ್ಷೆಯನ್ನು ಹುಸಿ ಮಾಡಿದೆ.

300 ಕೋಟಿ ಕ್ಲಬ್ ಸೇರಿದ ಪಿಕೆ

300 ಕೋಟಿ ಕ್ಲಬ್ ಸೇರಿದ ಪಿಕೆ ಬಗ್ಗೆ ತರಣ್ ಆದರ್ಶ್ ಟ್ವೀಟ್