ಕೊನೆಗೂ 100 ಕೋಟಿ ಗಳಿಕೆ ಕ್ಲಬ್ ಸೇರಿದ 'ಪಿಕೆ'

ನಾಲ್ಕು ದಿನದ ಗಳಿಕೆ ವಿವರ

ಶುಕ್ರವಾರ : 26.63 ಕೋಟಿ ರೂಪಾಯಿ
ಶನಿವಾರ : 30.34 ಕೋಟಿ ರೂಪಾಯಿ
ಭಾನುವಾರ : 38.44 ಕೋಟಿ ರೂಪಾಯಿ
ಸೋಮವಾರ : 21.22 ಕೋಟಿ ರೂಪಾಯಿ

ನಾಲ್ಕನೇ ದಿನ ಶೈನ್ ಅದ ಪಿಕೆ

ಮೊದಲ ಮೂರು ದಿನ ನಿರೀಕ್ಷಿತ ಮಟ್ಟದ ಗಳಿಕೆ ಕಾಣದ ಪಿಕೆ ಚಿತ್ರ ಸೋಮವಾರ ಸುಧಾರಣೆ ಕಂಡು 20 ಕೋಟಿ ರು ಗಡಿ ದಾಟುತ್ತಿದ್ದಂತೆ ನಾಲ್ಕು ದಿನಗಳ ಒಟ್ಟಾರೆ ಗಳಿಕೆ 113-114 ಕೋಟಿ ರು ದಾಖಲಾಯಿತು.

ಧೂಮ್ 3 ಚಿತ್ರದ ನಾಲ್ಕನೇ ದಿನದ ಗಳಿಕೆಗೂ ಪಿಕೆ ನಾಲ್ಕನೇ ದಿನದ ಗಳಿಕೆಗೂ ಸಾಮ್ಯತೆ ಕಂಡು ಬಂದಿದೆ. ಶಾರುಖ್ ಅವರ ಹ್ಯಾಪಿ ನ್ಯೂ ಇಯರ್ ಗಳಿಕೆಗಿಂತ ಉತ್ತಮವಾಗಿದೆ.

ಹಣ ಗಳಿಕೆ ವೇಗ ಪಡೆದುಕೊಳ್ಳುತ್ತಿಲ್ಲ

ಐದನೇ ದಿನದ ಗಳಿಕೆ 19 ಕೋಟಿ ಎಂದು ಸದ್ಯದ ಮಾಹಿತಿ ಸಿಕ್ಕಿದ್ದು, ಐದು ದಿನಗಳ ಒಟ್ಟಾರೆ ನಿವ್ವಳ ಗಳಿಕೆ ದೇಶಿ ಮಾರುಕಟ್ಟೆಯಲ್ಲಿ 136.61 ಕೋಟಿ ರು ದಾಟುತ್ತದೆ.

ಚಿತ್ರದ ಗಳಿಕೆ ಮಾತ್ರ ಏರಿಕೆಯಾಗುತ್ತಿಲ್ಲ ಶೇ 20ರಷ್ಟು ಕುಸಿತ ಕಂಡಿದೆ ಎಂದು ಮಾರುಕಟ್ಟೆ ವಿಶ್ಲೇಷಕರು ಅಭಿಪ್ರಾಯಪಟ್ಟಿದ್ದಾರೆ.

200 ಕೋಟಿ ರು ಕ್ಲಬ್ ಸೇರುವುದೇ?

ಅಮೀರ್ ಖಾನ್ ಅವರ ಈ ಹಿಂದಿನ ಎಲ್ಲಾ ಚಿತ್ರಗಳ ದಾಖಲೆ ಮುರಿಯುವ ಲಕ್ಷಣ ಈ ಚಿತ್ರಕ್ಕಿದೆ ಎಂಬುದು ಬರೀ ಹೊಗಳಿಕೆಯ ಮಾತಾಗಿದೆ.

ಅಂಕಿ ಅಂಶಗಳ ಲೆಕ್ಕಾಚಾರ ಹಾಕಿದರೆ ಪಿಕೆ ಚಿತ್ರ 180 ಕೋಟಿ ರು ಗಳಿಕೆ ಮಾಡಿದರೆ ಹೆಚ್ಚು ಎನ್ನಬಹುದು. ದೇಶಿ ಮಾರುಕಟ್ಟೆಯಲ್ಲಿ 200 ಕೋಟಿ ರು ದಾಟಿದರೆ ಎಲ್ಲವೂ ಭಗವಂತನ ಕೃಪೆ. ಸದ್ಯಕ್ಕೆ ಅಮೀರ್ ಚಿತ್ರ ಗಳಿಕೆಗೆ ಕ್ರಿಸ್ಮಸ್ ಸೀಸನ್ ನ ಕೃಪೆ ಸಿಗಬೇಕಿದೆ. ಈ ವಾರಾಂತ್ಯದ ವೇಳೆಗೆ ಗಳಿಕೆ ಚೇತರಿಸಿಕೊಂಡರೂ ಅಚ್ಚರಿಪಡಬೇಕಾಗಿಲ್ಲ.