ನಾನು ಸಿಂಗಲ್ ಎಂದ ನಟ ಆಮಿರ್ ಖಾನ್, ಗಾಸಿಪ್‌ಗೆ ಬ್ರೇಕ್!

ಫಾತಿಮಾ ಸನಾ ಶೇಖ್ ಜೊತೆಗೆ ಆಮಿರ್ ಖಾನ್ ಹೆಸರು!

ಆಮಿರ್ ಖಾನ್ ಮತ್ತು ಕಿರಣ್ ಇಬ್ಬರು ವಿಚ್ಛೇದನ ಪಡೆದು ದೂರಾದ ಬಳಿಕ, ಆಮಿರ್ ಖಾನ್ ಜೊತೆಗೆ ನಟಿ ಫಾತಿಮಾ ಸನಾ ಶೇಖ್ ಹೆಸರು ತಳುಕು ಹಾಕಿಕೊಂಡಿತು. ಬಳಿಕ ಈ ಜೋಡಿ ಬಗ್ಗೆಯೇ ಸಾಕಷ್ಟು ಸುದ್ದಿಗಳು ಹಬ್ಬಿದವು. ಆಮಿರ್ ಖಾನ್ ಚಿಕ್ಕ ವಯಸ್ಸಿನ ನಟಿಯ ಜೊತೆಗೆ ಸುತ್ತಾಡುತ್ತಿದ್ದಾರೆ ಎನ್ನಲಾಗಿತ್ತು. ಅಷ್ಟೇ ಅಲ್ಲಾ ಆಮಿರ್ ಖಾನ್ ಫಾತಿಮಾ ಅವರನ್ನು ಮದುವೆ ಆಗುತ್ತಾರೆ ಎನ್ನಲಾಗಿತ್ತು. ಅದರೆ ಅದು ಗಾಳಿ ಸುದ್ದಿ ಆಗಿ ಉಳಿದೆ. ಅದಕ್ಕೀಗ ಆಮಿರ್ ಖಾನ್ ಸ್ಪಷ್ಟ ಉತ್ತರ ಕೊಟ್ಟಿದ್ದಾರೆ.

ಈಗ ಯಾರು ಇಲ್ಲ, ನಾನು ಸಿಂಗಲ್ ಎಂದ ಆಮಿರ್ ಖಾನ್

ನಟಿ ಆಮಿರ್ ಖಾನ್ ಜೊತೆಗೆ ಫಾತಿಮಾ ಹೆಸರು ಕೇಳಿ ಬಂದರೂ, ಆಮಿರ್ ಖಾನ್ ಆಗಲಿ ಫಾತಿಮಾ ಆಗಲಿ ಯಾರು ಈ ಬಗ್ಗೆ ಮಾತನಾಡುವ ಗೋಜಿಗೆ ಹೋಗಿಲ್ಲ. ಅದರೆ ಈಗ ಬಗ್ಗೆ ಪರೋಕ್ಷವಾಗಿ ಉತ್ತರಿಸಿದ ಆಮಿರ್ ಖಾನ್, ಅದು ಸುಳ್ಳು ಸುದ್ದಿ ತಮ್ಮ ಜೀವನದಲ್ಲಿ ಯಾರು ಇಲ್ಲ ಎಂದು ಹೇಳಿದ್ದಾರೆ. ಕಿರಣ್‌ಗೆ ವಿಚ್ಛೇದನ ನೀಡಲು ಯಾರಾದರು ಕಾರಣ ಆಗಿದ್ದಾರಾ? ಎನ್ನುವ ಪ್ರಶ್ನೆಗೆ ಉತ್ತರಿಸಿದ ಅಮೀರ್ ಖಾನ್ "ಇಲ್ಲ ಆಗ ಯಾರೂ ಇರಲಿಲ್ಲ, ಈಗಲೂ ಯಾರೂ ಇಲ್ಲ" ಎಂದು ಹೇಳಿದ್ದಾರೆ.

ಕಿರಣ್ ಮತ್ತು ನಾನು ಒಂದೆ ಕುಟುಂಬ: ನಟ ಆಮಿರ್ ಖಾನ್!

ಇತ್ತೀಚೆಗೆ ಅವರು ನೀಡಿರುವ ಸಂದರ್ಶನ ಒಂದರಲ್ಲಿ ವಿಚ್ಛೇದನದ ಬಗ್ಗೆ ಮಾತನಾಡಿದ್ದಾರೆ. "ವಾಸ್ತವವಾಗಿ, ಕಿರಣ್ ಮತ್ತು ನಾನು ಒಬ್ಬರನ್ನೊಬ್ಬರು ತುಂಬಾ ಇಷ್ಟಪಡುತ್ತೇವೆ. ಮತ್ತು ನಾವು ಒಂದೇ ಕುಟುಂಬದ ಹಾಗೆ ಇದ್ದೇವೆ. ನಾವು ಒಂದೇ ಕುಟುಂಬ ಎನ್ನುವುದನ್ನು ಅರಿತು ಕೊಂಡಿದ್ದೇವೆ. ಒಬ್ಬರ ಮೇಲೆ ಒಬ್ಬರಿಗೆ ಹೆಚ್ಚಿದ ಗೌರವ ಇದೆ. ಆದರೆ ನಮ್ಮ ಪತಿ, ಪತ್ನಿ ಸಂಬಂಧವು ನಿರ್ದಿಷ್ಟ ಕಾರಣಕ್ಕೆ ಬದಲಾವಣೆಯನ್ನು ಕಂಡಿದೆ. ಹಾಗಾಗಿ ಅದರಿಂದ ಹೊರ ಬಂದಿದ್ದೇವೆ.

ಕಿರಣ್‌ಗಾಗಿ, ರೀನಾ ದತ್ತಗೆ ಡಿವೋಸ್ ಕೊಟ್ಟಿಲ್ಲ: ಅಮೀರ್ ಖಾನ್!

ಈ ಸಂದರ್ಶನದಲ್ಲಿ ಅಮೀರ್ ಖಾನ್ ತಮ್ಮ ಮೊದಲ ವಿಚ್ಛೇದನದ ಬಗ್ಗೆಯೂ ಮಾತನಾಡಿದ್ದಾರೆ. ರೀನಾ ದತ್ತಾ ಜೊತೆಗಿನ ವಿಚ್ಛೇದನವನ್ನು ನೆನಪಿಸಿಕೊಂಡರು. "ಕಿರಣ್‌ಗಾಗಿ ನಾನು ಅವಳನ್ನು ವಿಚ್ಛೇದನ ಮಾಡಲಿಲ್ಲ, ಹಾಗೆ ಕಿರಣ್ ಜೊತೆಗಿನ ವಿಚ್ಛೇದನ ಬೇರೆ ಯಾವುದೋ ಸಂಬಂಧದ ಕಾರಣದಿಂದ ನಡೆದಿಲ್ಲ." ಎಂದು ಆಮಿರ್ ಖಾನ್ ಹೇಳಿದ್ದಾರೆ. ಯಾಕೆಂದರೆ ನಟ ಆಮಿರ್ ಖಾನ್, ಕಿರಣ್ ಅವರ ಜೊತೆಗೆ ಎರಡನೇ ಮದುವೆ ಆಗಿದ್ದಾರೆ. ಆದರೆ ಎರಡನೇ ಮದುವೆಯನ್ನು ಮುರಿದು ಅಚ್ಚರಿ ಉಂಟಾಗುವಂತೆ ಮಾಡಿತು.