Don't Miss!
- Sports CSK vs LSG IPL 2024: ಮಾರ್ಕಸ್ ಸ್ಟೋಯಿನಿಸ್ ಆರ್ಭಟಕ್ಕೆ ಸಿಎಸ್ಕೆ ಥಂಡಾ; ಚೆನ್ನೈಗೆ ನೀರು ಕುಡಿಸಿದ ಲಕ್ನೋ
- News ಮಂಡ್ಯದಲ್ಲಿ ಕಾಂಗ್ರೆಸ್ ಅಭ್ಯರ್ಥಿ ಪರ ಪ್ರಚಾರ: ಕಾರಣ ತಿಳಿಸಿದ ಚಾಲೆಂಜಿಂಗ್ ಸ್ಟಾರ್ ದರ್ಶನ್
- Lifestyle ಈ ಕಾರಣಕ್ಕೆ ನೀವು ಮಾವಿನ ಹಣ್ಣನ್ನು ನೀರಿನಲ್ಲಿ ನೆನೆಹಾಕಿಯೇ ತಿನ್ನಬೇಕು, ಅದು ನಿಮ್ಮ ತೋಟದಲ್ಲಿ ಬೆಳೆದಿದ್ದೇ ಆಗಿರಲಿ
- Automobiles ಪ್ರತಿ ಕಿ.ಮೀ ಚಲಿಸಲು 3.3 ರೂ. ವೆಚ್ಚ: 10 ಜನರು ಪ್ರಯಾಣಿಸುವ ಟಾಟಾ ಮ್ಯಾಜಿಕ್ ಬೈ-ಫ್ಯೂಯಲ್ ಲಗ್ಗೆ
- Finance ಸಾಲ ತಂದು ನೌಕರರಿಗೆ ಸಂಬಳ ನೀಡಿದ ಬೈಜುಸ್ ಸಂಸ್ಥೆ!
- Technology Realme: ಭಾರತದಲ್ಲಿ ರಿಯಲ್ಮಿ C65 5G ಸ್ಮಾರ್ಟ್ಫೋನ್ ಲಾಂಚ್ಗೆ ದಿನಾಂಕ ಫಿಕ್ಸ್! ಫೀಚರ್ಸ್ ಲೀಕ್..
- Education ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು
- Travel Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
ಅಮೀರ್ ಖಾನ್ ಮಾನ ಕಾಪಾಡಿದ ಟ್ರಾನ್ಸಿಸ್ಟರ್ ಗೆ ಭಾರಿ ಬೆಲೆ
ನಟ ಅಮೀರ್ ಖಾನ್ ಅಭಿನಯದ ಬಹುನಿರೀಕ್ಷಿತ ಚಿತ್ರ 'ಪಿಕೆ'. ಆರಂಭದಿಂದಲೂ ತನ್ನ ವಿಭಿನ್ನ ಪೋಸ್ಟರ್ ಗಳ ಮೂಲಕ ಚಿತ್ರರಸಿಕರ ಗಮನಸೆಳೆಯುತ್ತಿದೆ. ಈ ಚಿತ್ರದಲ್ಲಿ ಅಮೀರ್ ಖಾನ್ ಅರೆನಗ್ನವಾಗಿ ತನ್ನ ಮಾವ ಮುಚ್ಚಿಕೊಳ್ಳಲು ಬಳಸಿದ್ದ ಟ್ರಾನ್ಸಿಸ್ಟರ್ ಗೆ ಈಗ ಭಾರಿ ಬೇಡಿಕೆ ಬಂದಿದೆ.
ಜನ ಮರುಳೋ ಜಾತ್ರೆ ಮರುಳೋ ಎಂಬಂತೆ ಈ ಟ್ರಾನ್ಸಿಸ್ಟರ್ ಗೆ ಒಂದೂವರೆ ಕೋಟಿ ರುಪಾಯಿ ಕೊಡುವುದಾಗಿ ಸಂಸ್ಥೆಯೊಂದು ಮುಂದೆ ಬಂದಿದೆ. ಆದರೆ ಈ ಟ್ರಾನ್ಸಿಸ್ಟರನ್ನು ಕೊಡಲು ಅಮೀರ್ ಖಾನ್ ಮಾತ್ರ ಮನಸ್ಸು ಮಾಡುತ್ತಿಲ್ಲವಂತೆ. ಅಂತಹದ್ದೇನಿದೆಯೋ ಏನೋ ಈ ಟ್ರಾನ್ಸಿಸ್ಟರ್ ನಲ್ಲಿ ಎಂದು ಅಭಿಮಾನಿಗಳೂ ತಲೆಕೆಡಿಸಿಕೊಳ್ಳುವಂತಾಗಿದೆ.
'ಪಿಕೆ' ಚಿತ್ರದ ಮೊದಲ ಪೋಸ್ಟರ್ ನಲ್ಲಿ ಈ ಟ್ರಾನ್ಸಿಸ್ಟರ್ ದರ್ಶನ ಮಾಡಿಸಿದ್ದರು ಅಮೀರ್ ಖಾನ್. ರೈಲ್ವೆ ಹಳಿಗಳ ಮೇಲೆ ನಗ್ನವಾಗಿ ನಿಂತು ಈ ಟ್ರಾನ್ಸಿಸ್ಟರ್ ಮೂಲಕ ತಮ್ಮ ಮಾನ ಮುಚ್ಚಿಕೊಂಡಿದ್ದರು ಅಮೀರ್. ಈ ಪೋಸ್ಟರ್ ಸಹ ಭಾರಿ ವಿವಾದ, ಚರ್ಚೆಗೆ ಗ್ರಾಸವಾಗಿದ್ದು ಬೇರೆ ವಿಚಾರ.
ಆ ಬಳಿಕ ಇನ್ನೊಂದಿಷ್ಟು ಪೋಸ್ಟರ್ ಗಳು, ಹಾಡುಗಳನ್ನು ಬಿಡುಗಡೆ ಮಾಡಲಾಯಿತು. ಅಲ್ಲೆಲ್ಲಾ ಸಾಮಾನ್ಯವಾಗಿ ಕಾಣಿಸುತ್ತಿದ್ದ ಒಂದೇ ಒಂದು ವಸ್ತು ಎಂದರೆ ಅದೇ ಟ್ರಾನ್ಸಿಸ್ಟರ್. ಕೇವಲ ಪ್ರೇಕ್ಷಕರನ್ನಷ್ಟೇ ಅಲ್ಲದೆ ಚಿತ್ರತಂಡವನ್ನೂ ಆಪಾದಮಸ್ತಕ ಕಾಡಿದ ವಸ್ತು ಇದು.
ಈ ಟ್ರಾನ್ಸಿಸ್ಟರ್ ಮೇಲೆ ಎಲ್ಲರ ಕಣ್ಣು ಬಿತ್ತು. ಅದರಲ್ಲೂ ಮುಖ್ಯವಾಗಿ ಚಿತ್ರದ ನಾಯಕಿ ಅನುಷ್ಕಾ ಶರ್ಮಾ ನೇರವಾಗಿ ಈ ಟ್ರಾನ್ಸಿಸ್ಟರ್ ಗೆ ಕೈಹಾಕಿ ಇದು ತಮಗೆ ಬೇಕು ಎಂದು ನಿರ್ದೇಶಕ ರಾಜ್ ಕುಮಾರ್ ಹಿರಾನಿ, ಅಮೀರ್ ಅವರನ್ನು ಕೇಳಿದರಂತೆ. "ನಿಮಗಷ್ಟೇ ಅಲ್ಲ ನಮಗೂ ಆ ಟ್ರಾನ್ಸಿಸ್ಟರ್ ಎಂದರೆ ತುಂಬಾ ಇಷ್ಟ" ಎಂದು ಹೇಳಿ ಅನುಷ್ಕಾ ಆಸೆಗೆ ತಣ್ಣೀರೆರಚಿದ್ದಾರೆ.
ಏತನ್ಮಧ್ಯೆ ಈ ಟ್ರಾನ್ಸಿಸ್ಟರ್ ಮೇಲೆ ಆನ್ ಲೈನ್ ಹರಾಜು ಸಂಸ್ಥೆಯೊಂದರ ಕಣ್ಣೂ ಬಿತ್ತು. ತಾವು ರು.1.5 ಕೋಟಿ ಕೊಡ್ತೀವಿ ಆ ಟ್ರಾನ್ಸಿಸ್ಟರ್ ಕೊಡಿ ಎಂದು ಕೇಳಿದರಂತೆ. ಹೆಚ್ಚೆಂದರೆ ರು.200-300 ಬೆಲೆ ಬಾಳುವ ಟ್ರಾನ್ಸಿಸ್ಟರ್ ಗೆ ಈ ಪಾಟಿ ಹಣ ಕೊಡ್ತೀವಿ ಎಂದರೂ ಅಮೀರ್ ಒಲ್ಲೆ ಎಂದಿದ್ದಾರೆ.
"ಈ ಟ್ರಾನ್ಸಿಸ್ಟರ್ ಎಂದರೆ ನನಗೆ ತುಂಬಾ ಇಷ್ಟ. ಇದನ್ನು ನಾನು ಕಳೆದುಕೊಳ್ಳಲು ಇಷ್ಟಪಡುವುದಿಲ್ಲ. ಇದನ್ನು ಭಾರಿ ಮೊತ್ತ ಕೊಟ್ಟು ಕೊಂಡುಕೊಳ್ಳಲು ಸಂಸ್ಥೆಯೊಂದು ಮುಂದೆ ಬಂದದ್ದು ನಿಜ" ಎಂದಿದ್ದಾರೆ ಅಮೀರ್.
ಇನ್ನು ಚಿತ್ರದಲ್ಲಿ ಅನುಷ್ಕಾ ಶರ್ಮಾ ಸಹ ನಗ್ನವಾಗಿ ಕಾಣಿಸಲಿದ್ದಾರೆ ಎಂಬ ಊಹಾಪೋಹಗಳು ಇದ್ದವು. ಆದರೆ ಆ ರೀತಿಯ ಯಾವುದೇ ಸನ್ನಿವೇಶಗಳು ಇಲ್ಲ ಎಂದಿದೆ ಚಿತ್ರತಂಡ. ಇನ್ನು ಚಿತ್ರದಲ್ಲಿ ಅಮೀರ್ ಖಾನ್ ಒಂಬತ್ತು ಗೆಟಪ್ ಗಳಲ್ಲಿ ಕಾಣಿಸಲಿದ್ದಾರೆ.
ಈ ಚಿತ್ರದಲ್ಲಿ ಅಮೀರ್ ಖಾನ್ ಕಣ್ಣೆವೆ ಮಿಟುಕಿಸದೆ ಕಾಣಿಸುತ್ತಾರೆ. ಅದೇಗೆ ಸಾಧ್ಯವಾಯಿತು ಎಂದರೆ, "ಅನುಷ್ಕಾ ಕಣ್ಣಲ್ಲೇ ಕಣ್ಣಿಟ್ಟು ನೋಡುತ್ತಿದ್ದೆ" ಎಂದು ಚಟಾಕಿ ಸಿಡಿಸಿದ್ದಾರೆ ಅಮೀರ್! ಈ ಚಿತ್ರದಲ್ಲಿ ಸುದೀರ್ಘ ಚುಂಬನ ದೃಶ್ಯವೂ ಇದೆ. ಬಾಲಿವುಡ್ ತೆರೆಯ ಮೇಲೆ ಬಂದಿರುವ ಅತ್ಯಂತ ಸುದೀರ್ಘ ಚುಂಬನ ಇದು ಎನ್ನಲಾಗಿದೆ. (ಏಜೆನ್ಸೀಸ್)