ಅಮೀರ್ ಖಾನ್ ಸಿಬ್ಬಂದಿಯಲ್ಲಿ ಕೊರೊನಾ ವೈರಸ್ ಪಾಸಿಟಿವ್: ತಾಯಿಗೆ ಇಂದು ಪರೀಕ್ಷೆ

ಸಿಬ್ಬಂದಿಯಲ್ಲಿ ಕೊರೊನಾ

'ನನ್ನ ಸಿಬ್ಬಂದಿಯಲ್ಲಿ ಕೆಲವರು ಕೊರೊನಾ ವೈರಸ್ ಪಾಸಿಟಿವ್ ಇರುವುದು ದೃಢಪಟ್ಟಿರುವುದನ್ನು ತಿಳಿಸುತ್ತಿದ್ದೇನೆ. ಅವರೆಲ್ಲರನ್ನೂ ತಕ್ಷಣವೇ ಕ್ವಾರೆಂಟೈನ್ ಮಾಡಲಾಗಿತ್ತು. ಬೃಹನ್ ಮುಂಬೈ ಮಹಾನಗರ ಪಾಲಿಕೆ (ಬಿಎಂಸಿ) ಅಧಿಕಾರಿಗಳು ಬಹಳ ಪ್ರಾಮಾಣಿಕರು ಮತ್ತು ದಕ್ಷರಾಗಿದ್ದು, ಅವರನ್ನು ವೈದ್ಯಕೀಯ ಸೌಲಭ್ಯದೆಡೆಗೆ ಕರೆದುಕೊಂಡು ಹೋಗಿದ್ದಾರೆ ಎಂದು ಅಮೀರ್ ಹೇಳಿದ್ದಾರೆ.

ಉಳಿದವರಲ್ಲಿ ನೆಗೆಟಿವ್

ಅವರ ಮೇಲೆ ಅಷ್ಟು ಕಾಳಜಿಯ ಆರೈಕೆ ಮಾಡುತ್ತಿರುವುದಕ್ಕೆ, ಇಡೀ ಪ್ರದೇಶವನ್ನು ಸೋಂಕು ನಿವಾರಣೆಯ ಔಷಧ ಸಿಂಪಡಿಸಿ ಸ್ವಚ್ಛಗೊಳಿಸಿದ ಬಿಎಂಸಿಗೆ ಧನ್ಯವಾದಗಳನ್ನು ಸಲ್ಲಿಸಲು ಬಯಸುತ್ತೇನೆ. ಉಳಿದಂತೆ ನಮ್ಮೆಲ್ಲರನ್ನೂ ಪರೀಕ್ಷೆಗೆ ಒಳಪಡಿಸಲಾಗಿದ್ದು, ಎಲ್ಲರಲ್ಲಿಯೂ ವರದಿ ನೆಗೆಟಿವ್ ಬಂದಿದೆ.

ತಾಯಿಯ ಪರೀಕ್ಷೆ ಬಾಕಿ

ಪ್ರಸ್ತುತ ನಾನು ನನ್ನ ತಾಯಿಯನ್ನು ಪರೀಕ್ಷೆಗೆ ಕರೆದೊಯ್ಯುತ್ತಿದ್ದೇನೆ. ಈ ಪರೀಕ್ಷೆಗೆ ಒಳಪಡುತ್ತಿರುವ ಕೊನೆಯ ವ್ಯಕ್ತಿ ಅವರು. ಆಕೆಯಲ್ಲಿಯೂ ನೆಗೆಟಿವ್ ವರದಿ ಬರಲಿ ಎಂದು ದಯವಿಟ್ಟು ಪ್ರಾರ್ಥಿಸಿ ಎಂದು ಅಭಿಮಾನಿಗಳಲ್ಲಿ ಕೋರಿದ್ದಾರೆ.

ಆಸ್ಪತ್ರೆಯ ಸಿಬ್ಬಂದಿಗೆ ಧನ್ಯವಾದ

ಪ್ರಾಮಾಣಿಕ, ವೃತ್ತಿಪರ ಮತ್ತು ಕಾಳಜಿಯ ಮನೋಭಾವದಿಂದ ನಮಗೆ ಸಹಾಯ ಮಾಡುತ್ತಿರುವ ಬಿಎಂಸಿಗೆ ಮತ್ತೊಮ್ಮೆ ಧನ್ಯವಾದಗಳನ್ನು ಸಲ್ಲಿಸಲು ಬಯಸುತ್ತೇನೆ. ಹಾಗೆಯೇ ಕೋಕಿಲಾಬೆನ್ ಆಸ್ಪತ್ರೆ, ಅಲ್ಲಿನ ವೈದ್ಯರು, ನರ್ಸ್‌ಗಳು ಹಾಗೂ ಸಿಬ್ಬಂದಿಗೆ ದೊಡ್ಡ ಧನ್ಯವಾದಗಳು. ಅವರು ಬಹಳ ಕಾಳಜಿಯಿಂದ ಪರೀಕ್ಷೆಯ ಪ್ರಕ್ರಿಯೆ ನಡೆಸುತ್ತಿದ್ದಾರೆ. ದೇವರ ಆಶೀರ್ವಾದ ಇರಲಿ. ಸುರಕ್ಷಿತರಾಗಿರಿ ಎಂದು ಅಮೀರ್ ಖಾನ್ ಬರೆದಿದ್ದಾರೆ.