ಪತ್ನಿ ಐಶ್ವರ್ಯಾ ರೈ ಗಾಗಿ ಉಪವಾಸ ವ್ರತ ಆಚರಿಸಿದ ಅಭಿಷೇಕ್ ಬಚ್ಚನ್!

ಅಭಿಷೇಕ್ ಬಚ್ಚನ್‌ಗಾಗಿ ಐಶ್ವರ್ಯಾ ಉಪವಾಸ

ಕರ್ವಾಚೌತ್‌ ದಿನದಂದು ಐಶ್ವರ್ಯಾ ರೈ, ಅಭಿಷೇಕ್ ಬಚ್ಚನ್ ಆರೋಗ್ಯ, ಆಯುಷ್ಯ, ಏಳಿಗೆ ಬಯಸಿ ಉಪವಾಸ ವೃತ ಆಚರಿಸಿದ್ದರು. ಆದರೆ ಅಭಿಷೇಕ್ ಬಚ್ಚನ್ ಸಹ ಐಶ್ವರ್ಯಾ ರೈ ಗಾಗಿ ಅದೇ ದಿನ ಉಪವಾಸ ವಿದ್ದರು. ಪತ್ನಿ ಊಟ ಸೇವಿಸುವವರೆಗೂ ಅಭಿಷೇಕ್ ಆಹಾರ ಸೇವಿಸಿರಲಿಲ್ಲವಂತೆ.

ಅಪ್ಪನ ಸಿನಿಮಾದಿಂದ ಪ್ರೇರಣೆ

ಅಭೀಷೇಕ್ ತಂದೆ ಅಮಿತಾಬ್ ಬಚ್ಚನ್ ನಟನೆಯ 'ಬಾಗಬಾನ್' ಸಿನಿಮಾದಲ್ಲಿ ಅಮಿತಾಬ್ ತಮ್ಮ ಪತ್ನಿಗಾಗಿ ಉಪವಾಸ ಆಚರಿಸುವ ದೃಶ್ಯವಿದೆ. ಈ ದೃಶ್ಯ ಹಲವರ ಮನಗೆದ್ದಿತ್ತು. ಅದರಿಂದಲೇ ಅಭಿಷೇಕ್ ಪ್ರೇರಣೆ ಪಡೆದಿದ್ದಾರೆ ಎಂಬ ಚರ್ಚೆ ಸಹ ನಡೆಯುತ್ತಿದೆ.

ಬಾಲಿವುಡ್ ನ ಆದರ್ಶನ ದಂಪತಿಳಲ್ಲಿ ಒಬ್ಬರು

ಅಭಿಷೇಕ್ ಬಚ್ಚನ್-ಐಶ್ವರ್ಯಾ ರೈ ಮದುವೆಯಾಗಿ 13 ವರ್ಷವಾಗಿದೆ. ಇಬ್ಬರಿಗೂ ಒಬ್ಬ ಮುದ್ದಾದ ಮಗಳಿದ್ದಾಳೆ. ಇಬ್ಬರೂ ಈಗಲೂ ಸಿನಿಮಾದಲ್ಲಿ ನಟಿಸುತ್ತಿದ್ದಾರೆ. ಈ ಜೋಡಿಯನ್ನು ಬಾಲಿವುಡ್‌ನ ಆದರ್ಶ ದಂಪತಿಗಳಲ್ಲಿ ಒಬ್ಬರೆಂದು ಕರೆಯಲಾಗುತ್ತದೆ.

ಹಲವು ನಟಿಯರು ಕರ್ವಾ ಚೌತ್ ಆಚರಿಸಿದ್ದಾರೆ

ಹಲವು ನಟ-ನಟಿಯರು ಈ ಬಾರಿ ಕರ್ವಾ ಚೌತ್ ವೃತ ಆಚರಿಸಿದ್ದಾರೆ. ಪ್ರಿಯಾಂಕಾ ಚೋಪ್ರಾ, ಪ್ರೀತಿ ಜಿಂಟಾ, ಇತ್ತೀಚೆಗೆ ಮದುವೆಯಾದ ನೇಹಾ ಕಕ್ಕರ್, ಶಿಲ್ಪಾ ಶೆಟ್ಟಿ, ಜೂಹಿ ಚಾವ್ಲಾ ಇನ್ನೂ ಹಲವಾರು ಸೆಲೆಬ್ರಿಟಿಗಳು ಕರ್ವಾ ಚೌತ್ ಆಚರಿಸಿದ್ದಾರೆ.