ವಜ್ರದ ಉಂಗುರ ತೊಡಿಸಿ ಕರಿಷ್ಮಾಗೆ ಪ್ರಪೋಸ್ ಮಾಡಿದ್ದ ಅಭಿಶೇಕ್.!

ಪ್ರಪೋಸ್ ಮಾಡಿದ್ದು ಅಭಿಶೇಕ್ ಬಚ್ಚನ್

''ಒಂದಿನ ಇದ್ದಕ್ಕಿದ್ದಂತೆ ವಜ್ರದ ಉಂಗುರವನ್ನು ಹಿಡಿದು ಅಭಿಶೇಕ್ ನನಗೆ ಪ್ರಪೋಸ್ ಮಾಡಿದರು. ''ಇಲ್ಲ'' ಅಂತ ಹೇಳಲು ನನ್ನ ಕೈಯಲ್ಲಿ ಸಾಧ್ಯ ಆಗಲಿಲ್ಲ'' ಎಂದು ಸಂದರ್ಶನವೊಂದರಲ್ಲಿ ಕರಿಷ್ಮಾ ಕಪೂರ್ ಹೇಳಿದ್ದಾರೆ.

ಬಚ್ಚನ್ ಕುಟುಂಬ.!

''ಅಭಿಶೇಕ್ ನನಗೆ ಸೂಕ್ತ ವರ ಅಂತ ಭಾವಿಸಿದ್ದೆ. ಎಷ್ಟೇ ಆಗಲಿ ಬಚ್ಚನ್ ಕುಟುಂಬಕ್ಕಿಂತ ಒಳ್ಳೆಯ ಸಂಬಂಧ ಸಿಗುತ್ತಿರಲಿಲ್ಲ'' ಎನ್ನುತ್ತಾರೆ ನಟಿ ಕರಿಷ್ಮಾ ಕಪೂರ್.

ನಾಲ್ಕು ತಿಂಗಳಲ್ಲಿ ಬ್ರೇಕಪ್.!

ಕುಟುಂಬವನ್ನ ಒಪ್ಪಿಸಿ ಕರಿಷ್ಮಾ-ಅಭಿಶೇಕ್ ನಿಶ್ಚಿತಾರ್ಥ ಮಾಡಿಕೊಂಡರು. ಎಂಗೇಜ್ ಆದ ನಾಲ್ಕು ತಿಂಗಳಲ್ಲಿ ಬ್ರೇಕಪ್ ಮಾಡಿಕೊಂಡರು. ಕರಿಷ್ಮಾ-ಅಭಿಶೇಕ್ ಬ್ರೇಕಪ್ ಸುದ್ದಿ ಉಭಯ ಕುಟುಂಬಗಳಿಗೆ ದೊಡ್ಡ ಆಘಾತ ನೀಡಿತ್ತು.

ಬ್ರೇಕಪ್ ಗೆ ಕಾರಣ ಏನು.?

ಇದ್ದಕ್ಕಿದ್ದಂತೆ ಕರಿಷ್ಮಾ-ಅಭಿಶೇಕ್ ಬ್ರೇಕಪ್ ಆಗಿದ್ಯಾಕೆ ಎಂಬ ಪ್ರಶ್ನೆಗೆ ಇಲ್ಲಿಯವರೆಗೂ ಉತ್ತರ ಸಿಕ್ಕಿಲ್ಲ. ಬ್ರೇಕಪ್ ಗೆ ಸರಿಯಾದ ಕಾರಣವನ್ನ ಇಬ್ಬರೂ ನೀಡಿಲ್ಲ. ಆದ್ರೆ, ಜಯ ಬಚ್ಚನ್ ಮಾತ್ರ 'ಇದು ಅಭಿಶೇಕ್ ನಿರ್ಧಾರ' ಅಂತ ಒಮ್ಮೆ ಹೇಳಿದ್ದರು.

ಅಭಿಶೇಕ್-ಕರಿಷ್ಮಾ ಭೇಟಿ ಆಗಿದ್ದು ಹೇಗೆ.?

ಮದುವೆಯೊಂದರಲ್ಲಿ ಪ್ರಪ್ರಥಮ ಬಾರಿಗೆ ಅಭಿಶೇಕ್-ಕರಿಷ್ಮಾ ಮುಖಾಮುಖಿ ಆದರು. ನಿಖಿಲ್ ನಂದಾ ಹಾಗೂ ಶ್ವೇತಾ ಬಚ್ಚನ್ ವಿವಾಹ ಮಹೋತ್ಸವದಲ್ಲಿ ಅಭಿಶೇಕ್ ಹಾಗೂ ಕರಿಷ್ಮಾ ಮತ್ತಷ್ಟು ಹತ್ತಿರವಾದರು.

ಕರಿಷ್ಮಾ ತಾಯಿ ಕಾರಣ.?

ಮದುವೆ ಆದ್ಮೇಲೆ ಕರಿಷ್ಮಾ-ಅಭಿಶೇಕ್ ನೆಮ್ಮದಿಯಿಂದ ಜೀವನ ಸಾಗಿಸಲು, ಅಭಿಶೇಕ್ ಬಚ್ಚನ್ ಹೆಸರಿಗೆ ಕೆಲ ಆಸ್ತಿಯನ್ನ ವರ್ಗಾಯಿಸುವಂತೆ ಕರಿಷ್ಮಾ ಕಪೂರ್ ತಾಯಿ, ಅಮಿತಾಬ್ ಬಚ್ಚನ್ ಬಳಿ ಡಿಮ್ಯಾಂಡ್ ಇಟ್ಟಿದ್ದರಂತೆ. ಇದಕ್ಕೆಲ್ಲ ಬಚ್ಚನ್ ಕುಟುಂಬ ಸೊಪ್ಪು ಹಾಕಲಿಲ್ಲ. ಹೀಗಾಗಿ ನಿಶ್ಚಿತಾರ್ಥ ಮುರಿದು ಬಿತ್ತು ಎಂಬ ಪುಕಾರು ಆ ಸಮಯದಲ್ಲಿ ಹಬ್ಬಿತ್ತು.

ಬಚ್ಚನ್ ಕುಟುಂಬದ ಮೇಲೂ ಆರೋಪ

''ಮದುವೆ ಆದ್ಮೇಲೆ ಕರಿಷ್ಮಾ ನಟಿಸಬಾರದು'' ಅಂತ ಬಚ್ಚನ್ ಕುಟುಂಬ ಕೂಡ ಷರತ್ತು ಹಾಕಿದ್ದರಂತೆ. ಇದನ್ನ ಕಪೂರ್ ಕುಟುಂಬ ಒಪ್ಪಿಕೊಳ್ಳಲಿಲ್ಲ. ಹೀಗಾಗಿ ಮದುವೆ ಕ್ಯಾನ್ಸಲ್ ಆಯ್ತು ಅಂತ ಹೇಳುವವರೂ ಇದ್ದಾರೆ. ಕಾರಣ ಏನೇ ಇರಲಿ... ಕರಿಷ್ಮಾ ಹಾಗೂ ಅಭಿಶೇಕ್ ದೂರಾಗಿದ್ದು ಮಾತ್ರ ಸತ್ಯ. ಕರಿಷ್ಮಾರನ್ನ ಪ್ರೀತಿಸುತ್ತಿದ್ದ ಅಭಿಶೇಕ್ ಇದೀಗ ಐಶ್ವರ್ಯ ರನ್ನ ವರಿಸಿದ್ದಾರೆ. ಅತ್ತ ಕರಿಷ್ಮಾ ತಮ್ಮ ಮಕ್ಕಳೊಂದಿಗೆ ಹಾಯಾಗಿದ್ದಾರೆ.