ಏರ್ ಪೋರ್ಟ್ ನಲ್ಲಿ ಅಭಿಶೇಕ್-ಐಶ್ವರ್ಯ ಕಿತ್ತಾಟ: ಇದು ನಿಜವೇ.?

ಟ್ವಿಟ್ಟರ್ ನಲ್ಲಿ ಸಿಡಿದೆದ್ದ ಅಭಿಶೇಕ್ ಬಚ್ಚನ್

''ಸುಳ್ಳು ಸುದ್ದಿಗಳನ್ನು ಪ್ರಕಟ ಮಾಡುವುದನ್ನು ದಯವಿಟ್ಟು ನಿಲ್ಲಿಸಿ ಎಂದು ಗೌರವಪೂರ್ವಕವಾಗಿ ಕೇಳಿಕೊಳ್ಳುತ್ತಿದ್ದೇನೆ. ನೀವು ಸುದ್ದಿಗಳನ್ನು ನಿರಂತರವಾಗಿ ಪ್ರಕಟ ಮಾಡುತ್ತಿರಬೇಕು ನಿಜ. ಆದ್ರೆ, ಆ ಕೆಲಸವನ್ನ ಜವಾಬ್ದಾರಿಯಿಂದ ನಿರ್ವಹಿಸಿ. ಧನ್ಯವಾದಗಳು'' ಎಂದು ಟ್ವೀಟ್ ಮಾಡಿದ್ದಾರೆ ನಟ ಅಭಿಶೇಕ್ ಬಚ್ಚನ್

ತಂಟೆಗೆ ಬಂದ್ರೆ ಸುಮ್ನೆ ಬಿಡಲ್ಲ.!

ಬಾಕಿ ಸೆಲೆಬ್ರಿಟಿಗಳ ತರಹ ಅಲ್ಲ ಅಭಿಶೇಕ್. ಯಾರೇ ಟ್ರೋಲ್ ಮಾಡಿದರೂ ತಿರುಗೇಟು ಕೊಡುವುದರಲ್ಲಿ ಅಭಿಶೇಕ್ ಬಚ್ಚನ್ ಎತ್ತಿದ ಕೈ. ಹೀಗಿರುವಾಗ, ವೆಬ್ ತಾಣವೊಂದು ಮನಬಂದಂತೆ ಸುದ್ದಿ ಪ್ರಕಟ ಮಾಡಿದ್ರೆ ಸುಮ್ಮನೆ ಬಿಡ್ತಾರಾ.? ಟ್ವೀಟ್ ಮೂಲಕವೇ ಚಾಟಿಯೇಟು ಕೊಟ್ಟಿದ್ದಾರೆ ಅಭಿಶೇಕ್.

ಮಗಳ ಬಗ್ಗೆ ಕಾಮೆಂಟ್

''ನಿಮ್ಮ ಮಗಳು ಸ್ಕೂಲ್ ಗೆ ಹೋಗಲ್ವಾ.? ನಿಮಗೆ ಇಷ್ಟ ಬಂದಾಗೆಲ್ಲ ಟ್ರಿಪ್ ಗೆ ಹೋಗ್ತೀರಾ. ಅದ್ಯಾವ ಸ್ಕೂಲ್ ಆರಾಧ್ಯಗೆ ಪರ್ಮಿಷನ್ ಕೊಡುತ್ತೆ.? ನಿಮಗೆಲ್ಲ ಬುದ್ಧಿಗಿಂತ ಸೌಂದರ್ಯ ಮುಖ್ಯ ಅಂತ ಕಾಣುತ್ತೆ'' ಅಂತ ನೆಟ್ಟಿಗರೊಬ್ಬರು ಕಾಮೆಂಟ್ ಮಾಡಿದ್ದಾರೆ. ಅದಕ್ಕೆ ಅಭಿಶೇಕ್ ಏನಂತ ಪ್ರತಿಕ್ರಿಯೆ ಕೊಟ್ಟಿದ್ದಾರೆ ಗೊತ್ತಾ.?

ಅಭಿಶೇಕ್ ಪ್ರತಿಕ್ರಿಯೆ ಹೇಗಿತ್ತು.?

''ನನಗೆ ಗೊತ್ತಿರುವ ಹಾಗೆ ವಾರಾಂತ್ಯದಲ್ಲಿ ಬಹುತೇಕ ಎಲ್ಲಾ ಸ್ಕೂಲ್ ಗಳಿಗೂ ರಜೆ ಇದೆ. ಆರಾಧ್ಯ ವಾರದ ದಿನಗಳಲ್ಲಿ ಸ್ಕೂಲ್ ಗೆ ಹೋಗುತ್ತಾಳೆ'' ಎಂದು ಉತ್ತರ ಕೊಟ್ಟಿದ್ದರು ಅಭಿಶೇಕ್ ಬಚ್ಚನ್.

'ಮನ್ಮರ್ಝಿಯಾನ್' ಚಿತ್ರದಲ್ಲಿ ಅಭಿಶೇಕ್

ಸ್ವಲ್ಪ ಗ್ಯಾಪ್ ನ ಬಳಿಕ ಅಭಿಶೇಕ್ ಬಚ್ಚನ್ ಇದೀಗ ಮತ್ತೆ ಬಣ್ಣ ಹಚ್ಚಿದ್ದಾರೆ. ತಾಪ್ಸಿ ಜೊತೆಗೆ 'ಮನ್ಮರ್ಝಿಯಾನ್' ಚಿತ್ರದಲ್ಲಿ ಅಭಿಶೇಕ್ ನಟಿಸಿದ್ದಾರೆ. ಸಿನಿಮಾ ಲೋಕದ ಜೊತೆಗೆ ಕ್ರೀಡಾ ಲೋಕದಲ್ಲೂ ತೊಡಗಿಸಿಕೊಂಡಿರುವ ಅಭಿಶೇಕ್ ಆಗಾಗ ಟ್ರೋಲ್ ಆಗುತ್ತಲೇ ಇರುತ್ತಾರೆ.