ಮುಂದಿನ ವಿದ್ಯುತ್ ಬಿಲ್ ಪಾವತಿಸಲು ಕಿಡ್ನಿ ಮಾರುತ್ತೇನೆ ಎಂದ ಬಾಲಿವುಡ್ ನಟ

ಒಂದು ತಿಂಗಳಿಗೆ ಇಷ್ಟೋಂದು ವಿದ್ಯುತ್ ಬಿಲ್!

ಅರ್ಷದ್ ವಾರ್ಸಿ ಅವರಿಗೆ ಒಂದು ತಿಂಗಳಿಗೆ ಬರೋಬ್ಬರಿ 1.03 ಲಕ್ಷ ರೂಪಾಯಿ ವಿದ್ಯುತ್‌ ಬಿಲ್ ಬಂದಿದೆ. ಅಷ್ಟೆ ಅಲ್ಲ, ಅರ್ಷದ್ ವಾರ್ಸಿ ಖಾತೆಯಿಂದ 1.03 ಲಕ್ಷ ರೂಪಾಯಿ ಬಿಲ್ ಪಾವತಿ ಸಹ ತನ್ನಿಂದತಾನೆ (ಆಟೋ ಪೇಮೆಂಟ್) ಆಗಿಬಿಟ್ಟಿದೆಯಂತೆ.

ಅಭಿಮಾನಿಳಿಗೆ ಅರ್ಷದ್ ವಾರ್ಸಿ ಮನವಿ

'ಭಾರಿ ನಷ್ಟ ಆಗಿದೆ, ಈ ನಷ್ಟ ತುಂಬಲು ನನ್ನ ಚಿತ್ರಕಲಾಕೃತಿಗಳನ್ನು ಮಾರಲು ನಿರ್ಧರಿಸಿದ್ದೇನೆ. ನನ್ನ ಅಭಿಮಾನಿಗಳು ದಯವಿಟ್ಟು ಚಿತ್ರಗಳನ್ನು ಕೊಂಡು ನನಗೆ ಸಹಾಯ ಮಾಡಬೇಕು' ಎಂದು ಅರ್ಷದ್ ವಾರ್ಸಿ ಮನವಿ ಮಾಡಿದ್ದಾರೆ.

ಮುಂದಿನ ಬಾರಿ ಕಿಡ್ನಿ ಮಾರುತ್ತೇನೆ: ವಾರ್ಸಿ

ಇನ್ನೂ ಮುಂದುವರೆದು, ಮುಂದಿನ ತಿಂಗಳ ಬಿಲ್ ಬಂದಾಗ ನನ್ನ ಕಿಡ್ನಿ ಮಾರಬೇಕು ಎಂದುಕೊಂಡಿದ್ದೇನೆ. ಈ ಬಾರಿ ನೀವು ನನ್ನ ಕಲಾಕೃತಿಗಳನ್ನು ಕೊಂಡು ಸಹಾಯ ಮಾಡಿರೆಂದು ತಮಾಷೆಯಾಗಿ ಪೋಸ್ಟ್ ಮಾಡಿದ್ದಾರೆ ಅರ್ಷದ್ ವಾರ್ಸಿ.

ಅದಾನಿ ಎಲೆಕ್ಟ್ರಾನಿಕ್ಸ್‌ನ ವಿದ್ಯುತ್

ಅರ್ಷದ್ ವಾರ್ಸಿ ಸಹ ಅದಾನಿ ಎಲೆಕ್ಟ್ರಾನಿಕ್ಸ್ ಅವರ ವಿದ್ಯುತ್ ಅನ್ನೇ ಬಳಸುತ್ತಿದ್ದಾರೆ. ತಾಪ್ಸಿ ಪನ್ನು ಮತ್ತು ಇನ್ನೂ ಹಲವು ಸೆಲೆಬ್ರಿಟಿಗಳು ಸಹ ಇದೇ ಸಂಸ್ಥೆಯ ವಿದ್ಯುತ್ ಅನ್ನು ಬಳಸುತ್ತಿದ್ದಾರೆ. ಈ ಸಂಸ್ಥೆಯ ಸೇವೆ ಪಡೆಯುತ್ತಿರುವವರಿಗೇ ಭಾರಿ ಮೊತ್ತದ ಬಿಲ್ ಬರುತ್ತಿದೆ.