Don't Miss!
- News ಈ ವರ್ಷ ಜಗತ್ತಿನಲ್ಲಿ ಒಳ್ಳೆಯದಕ್ಕಿಂತ ಕೆಟ್ಟದ್ದೇ ಕೇಳೋದು ಬಹಳ ಐತಿ; ಮಳೆ,ಬೆಳೆಯ ಕುರಿತು ಬಸವೇಶ್ವರ ಕಾರ್ಣಿಕ ಹೇಳಿದ್ದೇನು?
- Automobiles ಭಾರತದಲ್ಲಿ 80 ಲಕ್ಷ ಸ್ಕೂಟರ್ ಮಾರಿದ ಜಪಾನ್ ಕಂಪನಿ: ವಿಶ್ವಗುರು ಭಾರತದಲ್ಲಿ ಎಲ್ಲವೂ ಸಾಧ್ಯ!
- Technology 6000mAh ಬ್ಯಾಟರಿಯ ಈ ಫೋನ್ ಶೀಘ್ರದಲ್ಲೇ ಖರೀದಿಗೆ ಲಭ್ಯ!..ಬೆಲೆ ಎಷ್ಟು?
- Sports ಧೋನಿ ಎದುರು ಬಂದಾಗ ಕೆ.ಎಲ್ ರಾಹುಲ್ ಕ್ಯಾಪ್ ತೆಗೆದಿದ್ದೇಕೆ?: ಕಾರಣವೇನು?
- Lifestyle 2 ಬಗೆಯ ಮಜ್ಜಿಗೆ ಸಾರು ರೆಸಿಪಿ: ಕಾಯಿ ಹಾಕಿದ, ಕಾಯಿ ಹಾಕದ ಸಾರಿನ ರೆಸಿಪಿ
- Finance Bengaluru Rain:ಬಿಸಿಗಾಳಿ ಹೆಚ್ಚಳದಿಂದ ಬೆಂಗಳೂರು ನಗರಕ್ಕೆ ಅಧಿಕ ಮಳೆ, ಐಎಂಡಿ ಹೇಳಿದ್ದೇನು?
- Education ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು
- Travel Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
ಹತ್ತನೇ ತರಗತಿಯಲ್ಲಿ ಪಡೆದಿದ್ದು ಇಷ್ಟೇ ಮಾರ್ಕ್ಸ್: ಅಂಕ ಬಹಿರಂಗಪಡಿಸಿದ ಮಾಧವನ್
ವಿವಿಧೆಡೆ ಬುಧವಾರ ಹತ್ತನೇ ತರಗತಿ ಫಲಿತಾಂಶ ಪ್ರಕಟವಾಗಿದ್ದು, ಕಡಿಮೆ ಅಂಕ ಪಡೆದಿದ್ದಕ್ಕೆ ಬೇಸರಗೊಂಡಿರುವ ಮಕ್ಕಳಿಗೆ ನಟ ಆರ್. ಮಾಧವನ್ ಸ್ಫೂರ್ತಿ ತುಂಬುವ ಮಾತುಗಳನ್ನಾಡಿದ್ದಾರೆ. ಜೀವನದಲ್ಲಿ ಸಣ್ಣಪುಟ್ಟ ಹಿನ್ನಡೆಗಳು ಸೋಲೇ ಅಲ್ಲ ಎಂಬುದಕ್ಕೆ ಅವರು ತಾವು 10ನೇ ತರಗತಿ ಬೋರ್ಡ್ ಎಕ್ಸಾಮಲ್ಲಿ ಪಡೆದಿದ್ದ ಅಂಕಗಳನ್ನು ಬಹಿರಂಗಪಡಿಸುವ ಮೂಲಕ ವಿದ್ಯಾರ್ಥಿಗಳನ್ನು ಉತ್ತೇಜಿಸಿದ್ದಾರೆ. ಇದು ಜೀವನದ ಆರಂಭವಷ್ಟೇ ಎಂದು ಹೇಳಿದ್ದಾರೆ.
Recommended Video
ನಿರೀಕ್ಷಿಸಿದಷ್ಟು ಅಂಕಗಳು ಬಂದಿಲ್ಲ ಎಂದು ಕಂಗೆಡುವುದು ಬೇಡ. ತಮ್ಮ ಜೀವನದಲ್ಲಿ ಏನನ್ನು ಸಾಧಿಸಬೇಕೆಂದು ಬಯಸಿರುತ್ತೀರೋ ಅದನ್ನು ತಡೆಯಲು ಅಂಕಗಳಿಗೆ ಸಾಧ್ಯವಾಗುವುದಿಲ್ಲ ಎಂದು ಹೇಳಿದ್ದಾರೆ. ವಿವಿಧ ರಾಜ್ಯಗಳಲ್ಲಿ 10 ಮತ್ತು 12ನೆಯ ತರಗತಿಗಳ ಪರೀಕ್ಷೆಯ ಫಲಿತಾಂಶ ಇತ್ತೀಚೆಗೆ ಪ್ರಕಟವಾಗಿದೆ. ಅವರಿಗೆಲ್ಲ ಮಾಧವನ್ ಸ್ವಲ್ಪ ತಮಾಷೆಯಾಗಿಯೇ ಸ್ಫೂರ್ತಿ ತುಂಬುವ ಮಾತನ್ನಾಡಿದ್ದಾರೆ. ಮುಂದೆ ಓದಿ.
ನನ್ನ ಅಂಕಗಳೂ ಕಡಿಮೆ ಇತ್ತು
'ತಮ್ಮ ಪರೀಕ್ಷೆಗಳ ಫಲಿತಾಂಶ ಪಡೆದ ಎಲ್ಲರಿಗೂ... ತಮ್ಮ ನಿರೀಕ್ಷೆಗಳನ್ನು ಮೀರಿದವರಿಗೆ ಮತ್ತು ಸಾಧನೆ ಮಾಡಿದವರಿಗೆ ಅಭಿನಂದನೆಗಳು. ಹಾಗೆಯೇ ಉಳಿದವರಿಗೆ, ನಾನು ಪರೀಕ್ಷೆಯಲ್ಲಿ ಶೇ 58ರಷ್ಟು ಅಂಕ ಪಡೆದಿದ್ದೆ ಎಂದು ತಿಳಿಸಲು ಬಯಸುತ್ತೇನೆ' ಎಂದು ಹೇಳಿದ್ದಾರೆ.
ಆಟ ಇನ್ನೂ ಶುರುವಾಗಿಲ್ಲ
'ನನ್ನ ಆತ್ಮೀಯ ಸ್ನೇಹಿತರೇ ಇನ್ನೂ ನಿಜವಾದ ಆಟ ಶುರುವಾಗಿಲ್ಲ...' ಎಂದು ಮಾಧವನ್ ಟ್ವೀಟ್ ಮಾಡಿದ್ದಾರೆ. ಈ ಪೋಸ್ಟ್ನಲ್ಲಿ ತಮ್ಮದೇ ಹಳೆಯ ಚಿತ್ರವೊಂದರ ತಮಾಷೆಯ ಫೋಟೊವೊಂದನ್ನು ಹಂಚಿಕೊಂಡಿದ್ದಾರೆ. ಇಂಗ್ಲಿಷ್ ಮತ್ತು ಹಿಂದಿ ಎರಡೂ ಭಾಷೆಗಳಲ್ಲಿ ಅವರು ಟ್ವೀಟ್ ಮಾಡಿದ್ದಾರೆ.
ಅಂತರಾಷ್ಟ್ರೀಯ ಈಜು ಸ್ಪರ್ಧೆಯಲ್ಲಿ ಬೆಳ್ಳಿ ಪದಕ ಗೆದ್ದ ಮಾಧವನ್ ಪುತ್ರ
ನಿಜ ಬದುಕಲ್ಲೂ ಸ್ಫೂರ್ತಿ
ಮಾಧವನ್ ಪೋಸ್ಟ್ಗೆ ವಿವಿಧ ರೀತಿಯ ಪ್ರತಿಕ್ರಿಯೆಗಳು ಬಂದಿವೆ. ಕೆಲವರು ತಾವು ಕೂಡ ಕಡಿಮೆ ಅಂಕಗಳನ್ನು ಪಡೆದಿದ್ದರೂ ಪಿಎಚ್ಡಿಯಂತಹ ಪದವಿಗಳನ್ನು ಮುಗಿಸಿ ಉನ್ನತ ಕೆಲಸದಲ್ಲಿರುವುದಾಗಿ ಹೇಳಿಕೊಂಡಿದ್ದಾರೆ. ನಿಮ್ಮ ಥ್ರೀ ಈಡಿಯಟ್ಸ್ ಚಿತ್ರದಂತೆಯೇ ನೈಜ ಬದುಕಿನಲ್ಲಿಯೂ ಸ್ಫೂರ್ತಿಯಾಗಿದ್ದೀರಿ ಎಂದು ಶ್ಲಾಘಿಸಿದ್ದಾರೆ.
ನನ್ನಪ್ಪ ಹೀಗೆಯೇ ನೋಡಿದ್ದರು
ಕೆಲವರು ಮಾಧವನ್ ಅವರ ಪೋಸ್ಟ್ಗೆ ತಮಾಷೆಯ ಪ್ರತಿಕ್ರಿಯೆಗಳನ್ನು ಕೂಡ ನೀಡಿದ್ದಾರೆ. 'ನಿಮ್ಮ ಅಪ್ಪ ಯಾರು? ನನ್ನ 12ನೇ ತರಗತಿ ಪರೀಕ್ಷೆಯ ಅಂಕಗಳನ್ನು ಹೇಳಿದಾಗ ನನ್ನಪ್ಪ ನನ್ನನ್ನು ಹೀಗೆಯೇ ನೋಡಿದ್ದರು' ಎಂದು ಹೇಳಿದ್ದಾರೆ. ಇನ್ನು ಕೆಲವರು 'ನಿಮಗರ್ಥವಾಗೊಲ್ಲ ಬಿಡಿ ಸರ್' ಎಂದಿದ್ದಾರೆ. 'ನಿಮಗೆ ಪಿಯು ಕಾಲೇಜಿಗೆ ಪ್ರವೇಶ ನೀಡಿದವರು ಯಾರು? ನಮಗೆ ಇಲ್ಲಿ ಕನಿಷ್ಠ ಶೇ 75ರಷ್ಟು ಅಂಕ ಇರಲೇಬೇಕು ಎನ್ನುತ್ತಿದ್ದಾರೆ. ನೀವು ಓದಿದ ಕಾಲೇಜಲ್ಲೇ ಸೇರಿಸಿ' ಎಂದು ಕಾಲೆಳೆದಿದ್ದಾರೆ.
ಜನಿವಾರ ಧರಿಸುವ ಮನೆಯಲ್ಲಿ ಶಿಲುಬೆ ಯಾಕೆ? ಗರಂ ಆದ ನೆಟ್ಟಿಗರಿಗೆ ಮಾಧವನ್ ಖಡಕ್ ಉತ್ತರ