ಭಾರತದಲ್ಲಿ ಸುಲ್ತಾನ್ ಕಲೆಕ್ಷನ್ ಮಾಡಿದ ಒಟ್ಟು ಮೊತ್ತ ಇಷ್ಟು.!

ಭಾರತದಲ್ಲಿ ಗಳಿಸಿದ್ದೆಷ್ಟು.?

ಅಂದಹಾಗೆ ಇಡೀ ಭಾರತದಾದ್ಯಂತ ಸಲ್ಮಾನ್ ಖಾನ್ ಅವರ 'ಸುಲ್ತಾನ್' ಗಳಿಸಿದ್ದು, ಬರೋಬ್ಬರಿ 300 ಕೋಟಿ ರೂಪಾಯಿ. ಐದನೇ ವಾರದಲ್ಲಿ ಭರ್ತಿ 300 ಕೋಟಿ ರೂಪಾಯಿ ಕಮಾಯಿಸಿರುವ ಸುಲ್ತಾನ್ ಅಮೀರ್ ಖಾನ್ ಅವರ 'ಪಿ.ಕೆ' ಚಿತ್ರದ ದಾಖಲೆ ಮುರಿಯುವತ್ತ ಧಾವಂತದಿಂದ ಮುನ್ನುಗ್ಗುತ್ತಿದೆ. [ವಿಮರ್ಶೆ: 440 ವೋಲ್ಟ್ ನಲ್ಲಿ ಅಬ್ಬರಿಸಿದ ಹರ್ಯಾಣದ 'ಸುಲ್ತಾನ್']

ಕಳೆದ ಶುಕ್ರವಾರದಿಂದ ಸುಲ್ತಾನ್ ಗಳಿಕೆ

ಶುಕ್ರವಾರ 24 ಲಕ್ಷ, ಶನಿವಾರ 49 ಲಕ್ಷ, ಭಾನುವಾರ 78 ಲಕ್ಷ, ಸೋಮವಾರ 16 ಲಕ್ಷ, ಮಂಗಳವಾರ 16 ಲಕ್ಷ, ಅಂತ ಒಟ್ಟು 300 ಕೋಟಿ ರೂಪಾಯಿ ಭಾರತದಲ್ಲಿ ಕಮಾಯಿಸಿದೆ.

ಹೊಚ್ಚ ಹೊಸ ಪೋಸ್ಟರ್

ಇದೀಗ ಇದೇ ಖುಷಿಯಲ್ಲಿ ಚಿತ್ರತಂಡ ಹೊಸ ಪೋಸ್ಟರ್ ಒಂದನ್ನು ರಿಲೀಸ್ ಮಾಡಿದೆ. 300 ಕೋಟಿ ಗಳಿಕೆ ಮಾಡಿರುವ ಬಗ್ಗೆ, ಸಿನಿಮಾ ವೀಕ್ಷಿಸಿ, ಬೆಂಬಲಿಸಿದ ಪ್ರೇಕ್ಷಕರಿಗೆ ಸಿನಿಮಾ ತಂಡದವರು ಪೋಸ್ಟರ್ ಮೂಲಕ ಅಭಿನಂದನೆ ಸಲ್ಲಿಸಿದ್ದಾರೆ.

ಪಿ.ಕೆ ದಾಖಲೆ ಮುರಿಯುವತ್ತ ಸುಲ್ತಾನ್

ಈ ಮೊದಲು ಬಾಕ್ಸಾಫೀಸ್ ಸುಲ್ತಾನ ಸಲ್ಮಾನ್ ಖಾನ್ ಅವರ 'ಭಜರಂಗಿ ಭಾಯ್ ಜಾನ್' ಹಾಗೂ ಅಮೀರ್ ಖಾನ್ ನಟನೆಯ 'ಪಿ.ಕೆ' 300 ಕೋಟಿ ರೂಪಾಯಿ ಗಡಿ ದಾಟಿತ್ತು. ಇದೀಗ ಸುಲ್ತಾನ್ ಕೂಡ ಈ ಎಲ್ಲಾ ದಾಖಲೆ ಮುರಿಯುವ ಮುನ್ಸೂಚನೆ ದೊರೆತಿದೆ.

ಕೋಟಿ ಸರದಾರ

ಇನ್ನೇನು ಈ ಸಿನಿಮಾ 500 ಕೋಟಿ ಕ್ಲಬ್ ಸೇರಿದರೆ, ಸಲ್ಮಾನ್ ಖಾನ್ ಅವರು, ಬಾಲಿವುಡ್ ನ ಏಕಮಾತ್ರ 500 ಕೋಟಿ ಕ್ಲಬ್ ಸರದಾರ ಎಂಬ ಹೆಗ್ಗಳಿಕೆಗೆ ಪಾತ್ರವಾಗಲಿದ್ದಾರೆ.

ಅಲಿ ಅಬ್ಬಾಸ್ ಸಿನಿಮಾ

ಸಲ್ಮಾನ್ ಖಾನ್, ಅನುಷ್ಕಾ ಶರ್ಮಾ, ರಣದೀಪ್ ಹೂಡ ಮುಂತಾದವರು ಮುಖ್ಯ ಭೂಮಿಕೆಯಲ್ಲಿ ಕಾಣಿಸಿಕೊಂಡಿದ್ದ 'ಸುಲ್ತಾನ್' ಚಿತ್ರಕ್ಕೆ ಅಲಿ ಅಬ್ಬಾಸ್ ಜಾಫರ್ ನಿರ್ದೇಶನ ಮಾಡಿದ್ದರು.