ಯಾರಾದರು ಈ ವಾರಿಯರ್ ಅಜ್ಜಿಯ ವಿಳಾಸ ತಿಳಿಸಿ: ನಟ ಸೋನು ಸೂದ್, ರಿತೇಶ್ ದೇಶ್ ಮುಖ್

ವಾರಿಯರ್ ಅಜ್ಜಿ ವಿಡಿಯೋ ಫುಲ್ ವೈರಲ್

ಸಾಮಾಜಿಕ ಜಾಲತಾಣದಲ್ಲಿ ವಾರಿಯರ್ ಅಜ್ಜಿ ಫುಲ್ ಫೇಮಸ್. 75 ವರ್ಷದ ಅಜ್ಜಿಯೊಬ್ಬರು ಹೊಟ್ಟೆ ಪಾಡಿಗಾಗಿ ರಸ್ತೆಗೆ ಇಳಿದಿದ್ದಾರೆ. ತಾನು ಕಲಿತ ಕಲೆಯನ್ನು ಪ್ರದರ್ಶಿಸುತ್ತಾ ಹಣ ಸಂಪಾದನೆ ಮಾಡುತ್ತಿದ್ದಾರೆ. ಈ ವಿಡಿಯೋ ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗಿದೆ.

ಅಜ್ಜಿ ಕಲೆಗೆ ಬಾಲಿವುಡ್ ಸ್ಟಾರ್ಸ್ ಫಿದಾ

ಅಜ್ಜಿಯ ಕಲೆಗೆ ಫಿದಾ ಆಗಿರುವ ಬಾಲಿವುಡ್ ಸ್ಟಾರ್ಸ್ ದಯವಿಟ್ಟು ಅವರ ವಿಳಾಸ ನೀಡಿ ಎಂದು ಕೇಳುತ್ತಿದ್ದಾರೆ. ನಟ ರಿತೇಶ್ ದೇಶಮುಖ್ ಮತ್ತು ಸೋನು ಸೂದ್ ಈ ವಿಡಿಯೋ ಶೇರ್ ಮಾಡಿ. ವಿಳಾಸ ಕೇಳಿದ್ದಾರೆ. ರಿತೇಶ್ ದೇಶಮುಖ್ "ವಾರಿಯರ್ ಅಜ್ಜಿ. ಯಾರಾದರು ಅವರ ವಿಳಾಸ ನೀಡಿ" ಎಂದು ಎಂದಿದ್ದಾರೆ.

ಹೆಣ್ಣು ಮಕ್ಕಳಿಗೆ ಸ್ವಯಂ ರಕ್ಷಣೆ ಹೇಳಿಕೊಡಬೇಕು

ನಟ ಸೋನು ಸೂದ್ ಸಹ ಈ ವಿಡಿಯೋ ಶೇರ್ ಮಾಡಿ ನಮ್ಮ ದೇಶದ ಹೆಣ್ಣುಮಕ್ಕಳಿಗೆ ಸ್ವಯಂ ರಕ್ಷಣೆ ಮಾಡಿಕೊಳ್ಳಲು ತರಬೇತಿ ನೀಡಬೇಕು. ಅವರ ವಿಳಾಸವನ್ನು ದಯವಿಟ್ಟು ತಿಳಿಸಿ ಎಂದು ಹೇಳಿದ್ದಾರೆ. "ನಾನು ಒಂದು ಸಣ್ಣ ತರಬೇತಿ ಕೇಂದ್ರವನ್ನು ತೆರೆಯಬೇಕು. ನಮ್ಮ ದೇಶದ ಹೆಣ್ಣುಮಕ್ಕಳಿಗೆ ಸ್ವಯಂ ರಕ್ಷಣೆ ತಂತ್ರಗಳನ್ನು ಹೇಳಿಕೊಡಬೇಕು" ಎಂದು ಸಾಮಾಜಿಕ ಜಾಲತಾಣದಲ್ಲಿ ಬರೆದುಕೊಂಡಿದ್ದಾರೆ.

ಪುಣೆ ಮೂಲದ ಅಜ್ಜಿ

ಈ ವಿಡಿಯೋ ಸಿಕ್ಕಾಪಟ್ಟೆ ವೈರಲ್ ಆಗುತ್ತಿದೆ. ಕಲಾವಿದರ ಬೇಡಿಕೆ ಮೇರಿಗೆ ಅಜ್ಜಿಯ ವಿಳಾಸವನ್ನು ನೆಟ್ಟಿಗರು ನೀಡಿದ್ದಾರೆ. ವಾರಿಯರ್ ಅಜ್ಜಿ ಎಂದೇ ಫೇಮಸ್ ಆಗಿರುವ ಇವರ ಹೆಸರು ಶಾಂತಾ ಬಾಲು ಪವಾರ್. ಪುಣೆ ಮೂಲದವರು. ಕಲಾವಿದರು ವಿಳಾಸ ತಿಳಿದುಕೊಂಡು ಅಜ್ಜಿಯ ನೆರವಿಗೆದಾವಿಸಿದ್ದು ಅಭಿಮಾನಿಗಳು ಮೆಚ್ಚುಗೆ ವ್ಯಕ್ತಪಡಿಸುತ್ತಿದ್ದಾರೆ.