Don't Miss!
- Lifestyle UPSCಯಲ್ಲಿ 2ನೇ ರ್ಯಾಂಕ್ ಗಳಿಸಿದ ಸಾಧಕನ ಡ್ಯಾನ್ಸ್ ವೀಡಿಯೋ ವೈರಲ್: ಇವರ ಬದುಕಿನಲ್ಲಿ ನಡೆದಿದೆ ಹಲವು ದುರಂತಗಳು
- News ಮಳೆ.. ಮಳೆ.. ಅಲ್ಲಲ್ಲ ಮುಂದಿನ 1 ವಾರ ಬೆಂಗಳೂರಲ್ಲಿ ಭಾರಿ ಬಿಸಿಲು!
- Automobiles ಪ್ರತಿ ಕಿ.ಮೀ ಚಲಿಸಲು 3.3 ರೂ. ವೆಚ್ಚ: 10 ಜನರು ಪ್ರಯಾಣಿಸುವ ಟಾಟಾ ಮ್ಯಾಜಿಕ್ ಬೈ-ಫ್ಯೂಯಲ್ ಲಗ್ಗೆ
- Sports CSK vs LSG IPL 2024: ಚೆನ್ನೈ vs ಲಕ್ನೋ ಹೈ-ವೋಲ್ಟೇಜ್ ಪಂದ್ಯದ ಟಾಸ್ ವರದಿ; ಆಡುವ 11ರ ಬಳಗ
- Finance ಸಾಲ ತಂದು ನೌಕರರಿಗೆ ಸಂಬಳ ನೀಡಿದ ಬೈಜುಸ್ ಸಂಸ್ಥೆ!
- Technology Realme: ಭಾರತದಲ್ಲಿ ರಿಯಲ್ಮಿ C65 5G ಸ್ಮಾರ್ಟ್ಫೋನ್ ಲಾಂಚ್ಗೆ ದಿನಾಂಕ ಫಿಕ್ಸ್! ಫೀಚರ್ಸ್ ಲೀಕ್..
- Education ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು
- Travel Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
ಹೊಸ ಉದ್ಯಮ ಆರಂಭಿಸಿದ 'ಪೈಲ್ವಾನ್' ಬೆಡಗಿ ಆಕಾಂಕ್ಷಾ
ಸುದೀಪ್ ಜೊತೆ 'ಪೈಲ್ವಾನ್' ಸಿನಿಮಾದಲ್ಲಿ ನಟಿಸಿದ್ದ ಬೆಡಗಿ ಆಕಾಂಕ್ಷಾ ಹೊಸ ಉದ್ಯಮವೊಂದನ್ನು ಆರಂಭಿಸಿದ್ದಾರೆ. ಸಿನಿಮಾಗಳಲ್ಲಿ ಬ್ಯುಸಿಯಾಗಿರುವ ಹೊತ್ತಿನಲ್ಲಿಯೇ ಉದ್ಯಮದತ್ತಲೂ ಹೊರಳಿದ್ದಾರೆ ಈ ಚೆಲುವೆ.
ಆಕಾಂಕ್ಷಾ ಸಿಂಗ್ ರಾಜಸ್ಥಾನದ ಜೈಪರದಲ್ಲಿ ಹೊಸ ಕೆಫೆಯೊಂದನ್ನು ಪ್ರಾರಂಭಿಸಿದ್ದಾರೆ. ಕೆಫೆಯ ಉದ್ಘಾಟನೆಗೆ ಎನ್ಜಿಓ ಸಹಾಯದೊಂದಿಗೆ ವಿಶೇಷ ಮಕ್ಕಳನ್ನು ಆಹ್ವಾನಿಸಿದ್ದರು.
ಜುಲೈ 15 ಕ್ಕೆ ಕೆಫೆ ಉದ್ಘಾಟನೆಗೊಂಡಿದ್ದು ಕೆಫೆಗೆ 'ಅಟಾರಿಯಾ' ಎಂದು ಹೆಸರಿಡಲಾಗಿದೆ. ಈ ಕೆಫೆಯನ್ನು ತಮ್ಮ ಸಹೋದರ ಸಂಬಂಧಿಯೊಬ್ಬರ ಜೊತೆ ಸೇರಿಕೊಂಡು ಪ್ರಾರಂಭಿಸಿದ್ದಾರೆ ಆಕಾಂಕ್ಷಾ ಸಿಂಗ್. ತಮ್ಮ ಹುಟ್ಟೂರಲ್ಲಿ ಕೆಫೆಯೊಂದನ್ನು ತೆರೆಯಬೇಕು ಎಂಬುದು ಅವರ ಬಹು ವರ್ಷಗಳ ಕನಸಂತೆ.
''ಬಹು ವರ್ಷಗಳಿಂದಲೂ ಕೆಫೆಯೊಂದನ್ನು ಪ್ರಾರಂಭಿಸಬೇಕು ಎಂದು ಕನಸು ಕಂಡಿದ್ದೆ. ನನ್ನ ಸಹೋದರ ಸಂಬಂಧಿ ಅಭಿಷೇಕ್ 'ನಾನೂ ಜೊತೆಯಾಗುತ್ತೇನೆ' ಎಂದಾಗ ಇಬ್ಬರೂ ಸೇರಿ ಕೆಫೆ ಪ್ರಾರಂಭಿಸಿದೆವು. ನಾವು ಕೆಫೆಯನ್ನು ಬಹಳ ಸುಂದರವಾಗಿ ವಿನ್ಯಾಸ ಮಾಡಿದ್ದೇವೆ. ಈ ಕೆಫೆಯು ಬೆಳಗಿನ ಸಮಯದಲ್ಲಿ ಹಾಗೂ ರಾತ್ರಿ ಸಮಯದಲ್ಲಿ ಭಿನ್ನವಾಗಿ ಹಾಗೂ ಸುಂದರವಾಗಿ ಕಾಣುವಂತೆ ವಿನ್ಯಾಸಗೊಳಿಸಿದ್ದೇವೆ'' ಎಂದಿದ್ದಾರೆ ಆಕಾಂಕ್ಷಾ.
''ಸಿನಿಮಾ ಚಿತ್ರೀಕರಣಗಳಿಗಾಗಿ ನಾನು ದೇಶ, ವಿದೇಶ ಸುತ್ತುತ್ತಿರುತ್ತೇನೆ. ಆ ಸಮಯದಲ್ಲಿ ನನ್ನ ಕುಟುಂಬ ಸದಸ್ಯರು ಕೆಫೆಯನ್ನು ನೋಡಿಕೊಳ್ಳುತ್ತಾರೆ. ಇದೇ ಕಾರಣದಿಂದಲೇ ನಾನು ಜೈಪುರದಲ್ಲಿ ಕೆಫೆ ಪ್ರಾರಂಭಿಸಿದ್ದೇನೆ'' ಎಂದಿದ್ದಾರೆ ಆಕಾಂಕ್ಷಾ.
Recommended Video
ಆಕಾಂಕ್ಷಾ ಈವರೆಗೆ ಆರು ಸಿನಿಮಾಗಳಲ್ಲಿ ನಟಿಸಿದ್ದಾರೆ. ಹಿಂದಿಯ 'ಬದ್ರಿನಾಥ್ ಕಿ ದುಲ್ಹನಿಯಾ' ಸಿನಿಮಾದ ಮೂಲಕ ಸಿನಿಮಾ ರಂಗದ ಪ್ರವೇಶ ಮಾಡಿದ ಈ ನಟಿ, ನಂತರ ತೆಲುಗಿನ 'ಮಲ್ಲಿ ರಾವಾ', ನಾಗಾರ್ಜುನ, ನಾನಿ ಜೊತೆಗೆ 'ದೇವದಾಸು' ಸಿನಿಮಾಗಳಲ್ಲಿ ನಟಿಸಿದರು. ನಂತರ ಸುದೀಪ್ ಜೊತೆಗೆ 'ಪೈಲ್ವಾನ್' ಸಿನಿಮಾದಲ್ಲಿ ನಟಿಸಿದರು. ಇದೀಗ ಹಿಂದಿಯ 'ಮೇ ಡೇ' ಸಿನಿಮಾದಲ್ಲಿ ಅಜಯ್ ದೇವಗನ್, ಅಮಿತಾಬ್ ಬಚ್ಚನ್ ಜೊತೆ ನಟಿಸುತ್ತಿದ್ದಾರೆ. ತಮಿಳಿನ 'ಕ್ಲ್ಯಾಪ್' ಸಿನಿಮಾದಲ್ಲಿ ನಟಿಸುತ್ತಿದ್ದಾರೆ.