ನಟಿ ಕಾಜಲ್ ಹೊಸ ಪ್ರಯತ್ನಕ್ಕೆ ಬಲ ತುಂಬಿದ ಪತಿ

Recommended Video

ನೆಟ್ ಫ್ಲಿಕ್ಸ್ ಸೀರಿಸ್ ಗಳಲ್ಲಿ ಈಗಾಗಲೇ ಅನೇಕ ಬಾಲಿವುಡ್ ನಟಿಯರು ಕಾಣಿಸಿಕೊಳ್ಳುತ್ತಿದ್ದಾರೆ. ಇದೀಗ, ನಟಿ ಕಾಜಲ್ ಕೂಡ ಆ ಸಾಲಿಗೆ ಸೇರಿಕೊಂಡಿದ್ದಾರೆ. ಇದೇ ಮೊದಲ ಬಾರಿಗೆ ಕಾಜಲ್ ನೆಟ್ ಫಿಕ್ಸ್ ನಲ್ಲಿ ಕಾಣಿಸಿಕೊಳ್ಳುತ್ತಿದ್ದಾರೆ.

'ತ್ರಿಭಂಗ' ಎಂಬ ವೆಬ್ ಸೀರಿಸ್ ನಲ್ಲಿ ಕಾಜಲ್ ನಟಿಸುತ್ತಿದ್ದಾರೆ. ಈ ಸರಣಿಯನ್ನು ರೇಣುಕಾ ಶಹನೆ ನಿರ್ದೇಶನ ಮಾಡುತ್ತಿದ್ದಾರೆ. 'ತ್ರಿಭಂಗ' ಒಂದೇ ಕುಟುಂಬದ ಮೂರು ಹೆಣ್ಣು ಮಕ್ಕಳ ಕಥೆಯಾಗಿದೆ. ಈ ಸರಣಿಯ ಪ್ರಮುಖ ಪಾತ್ರವನ್ನು ಕಾಜಲ್ ನಿರ್ವಹಿಸುತ್ತಿದ್ದಾರೆ.

'ತ್ರಿಭಂಗ' ಎಂಬುದು ಓಡಿಸ್ಸಿ ನೃತ್ಯ ಪ್ರಕಾರವೊಂದರದ ಒಂದು ಭಂಗಿ. ಹೀಗಿರುವಾಗ, ಈ ಸರಣಿ ಕೂಡ ನೃತ್ಯದ ಮೇಲೆ ಇರುತ್ತದೆಯೇ ಎನ್ನುವ ಕುತೂಹಲ ಇದೆ. ಭಾತನಾತ್ಮಕವಾಗಿ ಈ ಸರಣಿಯನ್ನು ಚಿತ್ರೀಕರಣ ಮಾಡಲು ನಿರ್ಧಾರ ಮಾಡಿದ್ದು, 1980ರ ಕಾಲಘಟ್ಟದ ಕೌಟುಂಬಿಕ ಮೌಲ್ಯವನ್ನು ಈ ವೆಬ್ ಸರಣಿ ಹೇಳುತ್ತದೆಯಂತೆ.

ಮತ್ತೊಂದು ವಿಶೇಷ ಎಂದರೆ, ಕಾಜಲ್ ಪತಿ, ನಟ ಅಜಯ್ ದೇವಗನ್ ಈ ಸರಣಿಯನ್ನು ನಿರ್ಮಾಣ ಮಾಡುತ್ತಿದ್ದಾರೆ. ಪತ್ನಿಯ ಪ್ರಯತ್ನಕ್ಕೆ ಬಲ ನೀಡಿದ್ದಾರೆ. ನಿನ್ನೆಯಿಂದ ಈ ವೆಬ್ ಸೀರಿಸ್ ಶೂಟಿಂಗ್ ಶುರುವಾಗಿದೆ. ತನ್ವಿ ಅಝ್ಮ, ಮಿಥಿಲಾ ಪಾಲ್ಕರ್ ಸಹ ಇದರಲ್ಲಿ ನಟಿಸಿದ್ದಾರೆ.

ಅಂದಹಾಗೆ, ನೆಟ್ ಫ್ಲಿಕ್ಸ್ ಇಂಡಿಯಾದಲ್ಲಿ ಈಗಾಗಲೇ ಬಾಲಿವುಡ್ ನ ಅನೇಕ ನಟಿಯರು ಕಾಣಿಸಿಕೊಂಡಿದ್ದಾರೆ. ರಾಧಿಕಾ ಅಪ್ಟೆ, ಕೈರಾ ಅಡ್ವಾಣಿ, ಮನೀಶಾ ಕೊಯಿರಾಲಾ, ಭೂಮಿ ಪಡ್ನೇಕರ್ ಸೇರಿದಂತೆ ಸಾಕಷ್ಟು ನಟಿಯರು ಮಿಂಚಿದ್ದಾರೆ. ಇತ್ತೀಚಿಗಷ್ಟೆ ಸೌತ್ ನಟಿ ಅಮಲಾ ಪೌಲ್ ಕೂಡ ನೆಟ್ ಫ್ಲಿಕ್ಸ್ ಗೆ ಎಂಟ್ರಿ ನೀಡಿದ್ದರು.