Click it and Unblock the Notifications
ಆ ಹೀರೋಗಳ ಜೊತೆ ರೋಮಾನ್ಸ್ ಎಂದರೆ ವಾಂತಿ ಬರುತ್ತಿತ್ತು
ಬೆಳ್ಳಿತೆರೆಯ ಮೇಲೆ ಹೀರೋ ಹೀರೋಯಿನ್ ರೋಮಾಂಟಿಕ್ ಸನ್ನಿವೇಶಗಳು ಪ್ರೇಕ್ಷಕರನ್ನು ಪರವಶಗೊಳಿಸುತ್ತಿರುತ್ತವೆ. ಆ ರೀತಿಯ ಸನ್ನಿವೇಶಗಳಿಗೆ ಜೀವ ತುಂಬಿದರೆ ಸಿನಿಮಾ ಬಹುತೇಕ ಹಿಟ್ ಆದಂತೆ. ಆದರೆ ತೆರೆಯ ಮೇಲೆ ಕಾಣಿಸುವುದೆಲ್ಲಾ ನಿಜವಲ್ಲ.
ವೃತ್ತಿ ಧರ್ಮದ ಕಾರಣ ಇಷ್ಟವಿಲ್ಲದಿದ್ದರೂ ನಿರ್ದೇಶಕ ಮಹಾಶಯ ಹೇಳಿದಂತೆ ಕೇಳಬೇಕಾಗುತ್ತದೆ. ಈ ರೀತಿಯ ಸನ್ನಿವೇಶಗಳನ್ನು ಮಾಡಬೇಕಾದರೆ ಕೊಂಚ
ಪೇಚಾಟ, ಪರದಾಟ, ಕಸಿವಿಸಿ ತಪ್ಪಿದ್ದಲ್ಲ ಬಿಡಿ. ಆದರೂ ವಿಧಿಯಿಲ್ಲದೆ ಮಾಡಬೇಕಾಗುತ್ತದೆ. [ಕತ್ರಿನಾ, ರಣಬೀರ್ ಈಗ ಒಂದೇ ಗೂಡಿನ ಹಕ್ಕಿಗಳು]
"ಕೆಲವರು ಹೀರೋಗಳು ಸ್ನಾನ ಮಾಡದೆಯೇ ಸೆಟ್ ಗೆ ಬಂದು ಮೇಕಪ್ ಮಾಡಿಕೊಳ್ಳುತ್ತಿದ್ದರು. ರಾತ್ರಿ ಪಾರ್ಟಿಗಳಲ್ಲಿ ಗಡದ್ದಾಗಿ ತಿಂದು ಕುಡಿದು ಬೆಳಗ್ಗೆ ಎದ್ದು ಸ್ನಾನವನ್ನೂ ಮಾಡದೆ ಬರುತ್ತಿದ್ದರು. ಅಂತಹ ಹೀರೋಗಳಿಂದ ಬರುತ್ತಿದ್ದ ದುರ್ನಾತ ಸಹಿಸಲಸಾಧ್ಯವಾಗುತ್ತಿತ್ತು. ಕನಿಷ್ಠಪಕ್ಷ ಯಾವುದಾದರೂ ಡಿಯೋಡರೆಂಟ್ ಸಹ ಬಳಸುತ್ತಿರಲಿಲ್ಲ..." ಎಂದಿದ್ದಾರೆ.
ಆ ರೀತಿಯ ಹೀರೋಗಳ ಜೊತೆಗೆ ರೊಮ್ಯಾಂಟಿಕ್ ಸನ್ನಿವೇಶಗಳಲ್ಲಿ ಪಾಲ್ಗೊಳ್ಳಬೇಕಾದರೆ ವಾಂತಿ ಬರುವಂತಾಗುತ್ತಿತ್ತು. ಶೂಟಿಂಗ್ ಎಂಬ ಕಾರಣಕ್ಕೆ ಆ ನರಕವನ್ನೂ ಸಹಿಸಿಕೊಳ್ಳುತ್ತಿದ್ದೆ. ಆದರೆ ದಕ್ಷಿಣದ ಹೀರೋಗಳು ಮಾತ್ರ ಆ ರೀತಿ ಇರಲಿಲ್ಲ. ಸೆಟ್ಸ್ ನಲ್ಲಿ ಅವರು ಫ್ರೆಶ್ ಆಗಿ, ನೀಟಾಗಿ ಇರುತ್ತಿದ್ದರು ಎಂದಿದ್ದಾರೆ.
ಆದರೆ ವಾಂತಿ ಬರುವಷ್ಟು ಕೆಟ್ಟದಾಗಿ ಸೆಟ್ಸ್ ಗೆ ಬರುತ್ತಿದ್ದ ನಟರು ಯಾರು ಎಂಬುದನ್ನು ಮಾತ್ರ ಕತ್ರಿನಾ ಕೈಫ್ ಬಾಯಿಬಿಟ್ಟು ಹೇಳಿಲ್ಲ. ಆ ಕೆಟ್ಟ ನಟರು ಯಾರಿರಬಹುದು ಎಂಬ ಊಹೆಗಳು ಬಾಲಿವುಡ್ ವಲಯದಲ್ಲಿ ಶುರುವಾಗಿವೆ. (ಏಜೆನ್ಸೀಸ್)
Continue with Google