ಜೂಜು ಅಡ್ಡೆಯಲ್ಲಿ ಮೈಚಳಿ ಬಿಟ್ಟು ಕುಣಿದ ಮಲೈಕಾ: ಭಾರಿ ಸಂಭಾವನೆ!

ವಿದೇಶಿ ಕೆಸಿನೋದಲ್ಲಿ ಮಲೈಕಾ ಡ್ಯಾನ್ಸ್

ಇತ್ತೀಚೆಗಷ್ಟೆ ನಟಿ ಮಲೈಕಾ ಅರೋರಾ ಯೂರೋಪ್‌ನ ಜಾರ್ಜಿಯಾನಲ್ಲಿ ಕೆಸಿನೊ (ಜೂಜು ಅಡ್ಡೆ)ಯೊಂದರ ಉದ್ಘಾಟನೆಯಲ್ಲಿ ಪಾಲ್ಗೊಂಡಿದ್ದು ಮೈಚಳಿ ಬಿಟ್ಟು ಡ್ಯಾನ್ಸ್ ಮಾಡಿದ್ದಾರೆ. ಸುಮಾರು ಎರಡು ಗಂಟೆಯ ಶೋ ನೀಡಿರುವ ಮಲೈಕಾ ಅವರ ಜನಪ್ರಿಯ 'ಮುಚ್ಚಿ ಬದ್‌ನಾಮ್ ಹುಯಿ' ಹಾಡಿಗೆ ಸೇರಿದಂತೆ ಇನ್ನೂ ಕೆಲವು ಹಾಡುಗಳಿಗೆ ಸೊಂಟ ಬಳುಕಿಸಿ ಜೂಜುಕೋರರನ್ನು ರಂಜಿಸಿದ್ದಾರೆ. ಈ ಕಾರ್ಯಕ್ಕೆ ಅವರು ದುಬಾರಿ ಸಂಭಾವನೆಯನ್ನೇ ಪಡೆದಿದ್ದಾರೆ.

ನ್ಯೂ ಇಯರ್ ಪಾರ್ಟಿಗಳಲ್ಲಿಯೂ ಡ್ಯಾನ್ಸ್

ಕೆಸಿನೋ ಓಪನಿಂಗ್‌ನಲ್ಲಿ ಕುಣಿದಿರುವ ಮಲೈಕಾ ಐಶಾರಾಮಿ ನ್ಯೂಯಿಯರ್ ಪಾರ್ಟಿಗಳಲ್ಲಿಯೂ ಡ್ಯಾನ್ಸ್ ಮಾಡುತ್ತಾರೆ. ಇದಕ್ಕೂ ಸಹ ಕೋಟ್ಯಂತರ ರುಪಾಯಿ ಸಂಭಾವನೆ ಪಡೆಯುತ್ತಾರೆ. ಡ್ಯಾನ್ಸ್ ಕಾರ್ಯಕ್ರಮ ಮಾತ್ರವೇ ಅಲ್ಲದೆ ಕೆಲವು ಕೆಸಿನೋಗಳು ಸೆಲೆಬ್ರಿಟಿಗಳನ್ನು ವಿಶೇಷ ಅತಿಥಿಗಳನ್ನಾಗಿ ತಮ್ಮ ಕಸೀನೋಕ್ಕೆ ಕರೆಯುತ್ತಿರುತ್ತಾರೆ. ಕನ್ನಡದ ಕೆಲವು ನಟ-ನಟಿಯರು ಸಹ ಶ್ರೀಲಂಕಾದ ಕೆಸಿನೋಗಳಿಗೆ ಅತಿಥಿಯಾಗಿ ಹೋಗಿದ್ದು ಸುದ್ದಿಯಾಗಿತ್ತು.

ಐಟಂ ಹಾಡಿಗೆ ಪಡೆವ ಸಂಭಾವನೆ ಎಷ್ಟು?

ನಟಿಸುವುದಕ್ಕಿಂತಲೂ ಐಟಂ ಹಾಡುಗಳಲ್ಲಿ ಕಾಣಿಸುವುದಕ್ಕೆ ಜನಪ್ರಿಯವಾಗಿರುವ ಮಲೈಕಾ ಅರೋರ ಒಂದು ಐಟಂ ಹಾಡಿಗೆ ಸುಮಾರು 1 ಕೋಟಿ ಯಿಂದ ಎರಡು ಕೋಟಿ ಚಾರ್ಜ್ ಮಾಡುತ್ತಾರಂತೆ. ಒಂದು ಹಾಡಿಗೆ ಎರಡು ದಿನ ಮಾತ್ರವೇ ಕಾಲ್ ಶೀಟ್ ಕೊಡುತ್ತಾರೆ. ಒಂದು ದಿನ ತರಬೇತಿಗೆ ಒಂದು ದಿನ ಶೂಟಿಂಗ್‌ಗೆ. ಕೆಲವು ವಿಶೇಷ ಸಂದರ್ಭದಲ್ಲಿ ಮಾತ್ರವೇ ಎರಡು ಅಥವಾ ಮೂರು ದಿನ ನೀಡುತ್ತಾರೆ. ಹಿಂದಿ ಮಾತ್ರೇ ಅಲ್ಲದೆ ತೆಲುಗು ತಮಿಳು ಸಿನಿಮಾಗಳಲ್ಲಿಯೂ ಐಟಂ ಹಾಡುಗಳಿಗೆ ಸೊಂಟ ಕುಣಿಸಿದ್ದಾರೆ ಈ ಚೆಲುವೆ.

ಅರ್ಜುನ್ ಕಪೂರ್ ಜೊತೆ ಡೇಟಿಂಗ್‌

ಐಟಂ ಡ್ಯಾನ್ಸರ್ ಆಗಿರುವ ಜೊತೆಗೆ ನಿರ್ಮಾಪಕಿ ಹಾಗೂ ನವೋದ್ಯಮಿಯೂ ಆಗಿದ್ದಾರೆ ಮಲೈಕಾ ಅರೋರ ಇದೀಗ ಹೊಸ ಕಂಟೆಂಟ್ ಕ್ರಿಯೇಷನ್ ಪ್ಲಾಟ್‌ಫಾರ್ಮ್ ನಿರ್ಮಿಸುವ ಯೋಜನೆಯಲ್ಲಿದ್ದಾರೆ. ಕಂಟೆಂಟ್ ಕ್ರಿಯೇಶನ್‌ಗೆ ಸಾಕಷ್ಟು ಬೇಡಿಕೆ ಇದೆ. ಈಗಾಗಲೇ ಕೆಲವು ಐಡಿಯಾಗಳು ನನ್ನ ಮಂದಿವೆ ಅವುಗಳನ್ನು ಕಾರ್ಯರೂಪಕ್ಕೆ ತರಬೇಕಿದೆ ಎಂದು ಸಂದರ್ಶನವೊಂದರಲ್ಲಿ ಹೇಳಿಕೊಂಡಿದ್ದಾರೆ. ಇನ್ನು 48 ವರ್ಷದ ಮಲೈಕಾ ಅರೋರಾ, 37 ವರ್ಷದ ಅರ್ಜುನ್ ಕಪೂರ್ ಜೊತೆ ಡೇಟಿಂಗ್‌ನಲ್ಲಿದ್ದಾರೆ. ಈ ಹಿಂದೆ ಇವರು ಸಲ್ಮಾನ್ ಖಾನ್ ಸಹೋದರ ಅರ್ಬಾಜ್ ಖಾನ್ ಜೊತೆ ವಿವಾಹವಾಗಿದ್ದರು. ಬಳಿಕ ವಿಚ್ಛೇಧನ ಪಡೆದುಕೊಂಡರು. ಇವರಿಗೆ ಅರ್ಬಾಜ್‌ ಜೊತೆ ಅರ್ಹಾನ್ ಹೆಸರಿನ ಮಗ ಇದ್ದಾನೆ.