ರಾಧಿಕಾ ಆಪ್ಟೆ ಜೊತೆ ಲಿಫ್ಟ್ ನಲ್ಲಿ ಅಸಭ್ಯವಾಗಿ ವರ್ತಿಸಿದ ನಟ

ಶೂಟಿಂಗ್ ಮುಗಿಸಿ ಬರುತ್ತಿದ್ದೆ....

'ಸಿನಿಮಾವೊಂದರ ಶೂಟಿಂಗ್ ಮಾಡುವಾಗ ನನಗೆ ಸೊಂಟು ನೋವು ಕಾಣಿಸಿಕೊಂಡಿತು. ಹೇಗೋ ಕಷ್ಟಪಟ್ಟು ಆ ಸೀನ್ ಮುಗಿಸಿದೆ. ದಿನದ ಸಂಪೂರ್ಣ ಚಿತ್ರೀಕರಣ ಮುಗಿಸಿ ರೂಂಮಿಗೆ ಹೊರಟೆ. ಲಿಫ್ಟ್ ನಲ್ಲಿ ರೂಂಮಿಗೆ ಹೋಗುವಾಗ, ನನ್ನ ಜೊತೆಯಲ್ಲಿ ಚಿತ್ರದ ಸಹನಟನೊಬ್ಬ ಬಂದ'.

ನನಗೆ ಪರಿಚಯವೇ ಇಲ್ಲ

ನಾನು ನಟಿಸುತ್ತಿದ್ದ ಚಿತ್ರದಲ್ಲಿ ಆ ನಟ ಕೂಡ ನಟಿಸುತ್ತಿದ್ದ ಎನ್ನುವುದು ಬಿಟ್ಟರೇ, ನನಗೆ ಅವರ ಬಗ್ಗೆ ಏನೂ ಗೊತ್ತಿರಲಿಲ್ಲ. ಇದುವರೆಗೂ ಮಾತನಾಡಿರಲಿಲ್ಲ. ಪರಿಚಯ ಕೂಡ ಇರಲಿಲ್ಲ. ಆದ್ರೆ, ಲಿಫ್ಟ್ ನಲ್ಲಿ ಆತ ನಡೆದುಕೊಂಡ ರೀತಿ ಮಾತ್ರ ನನಗೆ ಕಿರಿಕಿರಿ ಉಂಟು ಮಾಡಿತು.

ಮಧ್ಯರಾತ್ರಿ ಸಹಾಯ ಮಾಡ್ತೀನಿ...

ನಿನಗೆ ಏನಾದರೂ ಸಹಾಯ ಬೇಕು ಅಂದ್ರೆ ನನ್ನ ಕೇಳು. ಮಧ್ಯರಾತ್ರಿ ಆದರೂ ಪರವಾಗಿಲ್ಲ ಬಂದು ನಿನಗೆ ಸೊಂಟ ಮಸಾಜ್ ಮಾಡ್ತೀನಿ ಎಂದ ಎಂದು ರಾಧಿಕಾ ಹೇಳಿಕೊಂಡಿದ್ದಾರೆ. ನಂತರ ಈ ವಿಷ್ಯವನ್ನ ಚಿತ್ರದ ಯುನಿಟ್ ನಲ್ಲಿದ್ದ ಕೆಲವರ ಜೊತೆ ರಾಧಿಕಾ ಹೇಳಿದರಂತೆ.

ನಂತರ ಕ್ಷಮೆ ಕೇಳಿದ

ಯುನಿಟ್ ನಲ್ಲಿದ್ದ ಕೆಲವು ದೊಡ್ಡವರು ಆತನನ್ನ ಕರೆದು ಮಾತನಾಡಿದರು. ನಂತರ ಅವನು ನನ್ನ ಬಳಿ ಕ್ಷಮೆ ಕೇಳಿದ. ಆದ್ರೆ, ನನ್ನ ಬಳಿ ಆತ ಮಾತನಾಡಿದ್ದು ಎಷ್ಟು ಅಸಭ್ಯವಾಗಿತ್ತು ಅಂತ ಅವನಿಗೆ ಅರ್ಥವಾಗಿಲ್ಲ. ಇಂತಹ ಪರಿಸ್ಥಿತಿಯಲ್ಲಿ ನಾವು ಕೆಲಸ ಮಾಡಬೇಕಿದೆ ಎಂದು ರಾಧಿಕಾ ಆಪ್ಟೆ ತಮ್ಮ ನೋವು ತೋಡಿಕೊಂಡಿದ್ದಾರೆ.

ರಾಧಿಕಾ ಆಪ್ಟೆ ಸಿನಿಮಾಗಳು

ಬಾಲಿವುಡ್ ನಲ್ಲಿ ಹೆಚ್ಚು ಸಿನಿಮಾಗಳಲ್ಲಿ ನಟಿಸಿರುವ ರಾಧಿಕಾ ಆಪ್ಟೆ, ಸೌತ್ ಸಿನಿಮಾರಂಗದಲ್ಲೂ ಮೋಡಿ ಮಾಡಿದ್ದಾರೆ. ತೆಲುಗಿನಲ್ಲಿ 'ರಕ್ತ ಚರಿತ್ರ', 'ಲೆಜೆಂಡ್', 'ಧೋನಿ', ತಮಿಳಿನಲ್ಲಿ 'ಧೋನಿ', 'ಆಲ್ ಇನ್ ಆಲ್ ಅಳಗು ರಾಜಾ', 'ವೇಟ್ರಿ ಸೆಲ್ವನ್' ಹಾಗೂ 'ಕಬಾಲಿ' ಸಿನಿಮಾಗಳಲ್ಲಿ ರಾಧಿಕಾ ಆಪ್ಟೆ ನಟಿಸಿದ್ದಾರೆ.