ಸಾರ್ವಜನಿಕವಾಗಿ ಪ್ರಿಯಕರನಿಗೆ ಮುತ್ತಿಕ್ಕಿದ ನಟಿ ಶ್ರುತಿ ಹಾಸನ್

ಪ್ರಚೋದನಾತ್ಮಕವಾಗಿದೆ ಈ ಚಿತ್ರ

ಶ್ರುತಿ ಹಾಸನ್, ಬಹಿರಂಗವಾಗಿ ಶಂತನುಗೆ ಮುತ್ತು ಕೊಡುತ್ತಿರುವ ಚಿತ್ರವನ್ನು ಅಮೃತಾ ರಾವ್ ಕ್ಲಿಕ್ಕಿಸಿದ್ದು, ಅದನ್ನು ಶ್ರುತಿ ಹಾಸನ್ ಹಂಚಿಕೊಂಡಿದ್ದಾರೆ. ಶ್ರುತಿ, ಶಂತನುಗೆ ಮುತ್ತು ಕೊಡುತ್ತಿರುವ ಚಿತ್ರ ತುಸು ಪ್ರಚೋದಕವಾಗಿಯೂ ಕಾಣುತ್ತಿದೆ.

ವೈರಲ್ ಆಗಿರುವ ಚಿತ್ರಗಳು

ಮತ್ತೊಂದು ಚಿತ್ರದಲ್ಲಿ ಶಂತನು ಅನ್ನು ಅಪ್ಪಿಕೊಂಡಿರುವ ಮಾದರಿಯಲ್ಲಿಯೇ ಗೆಳತಿ ಅಮೃತಾ ಅನ್ನು ಅಪ್ಪಿಕೊಂಡಿದ್ದಾರೆ ಶ್ರುತಿ ಹಾಸನ್. ಈ ಚಿತ್ರಗಳನ್ನೆಲ್ಲ ಜುಲೈ 17 ರಂದು ಕ್ಲಿಕ್ಕಿಸಲಾಗಿದೆ. ಈ ಚಿತ್ರಗಳು ಸಾಮಾಜಿಕ ಜಾಲತಾಣದಲ್ಲಿ ಸಖತ್ ವೈರಲ್ ಆಗಿದೆ.

ಯಾರು ಈ ಶಂತನು ಹಜಾರಿಕಾ?

ಶಂತನು ಡೂಡಲ್ ಕಲಾವಿದನಾಗಿದ್ದು ಜಿಎಪಿ (ಗುವಾಹಟಿ ಆರ್ಟ್ ಪ್ರಾಜೆಕ್ಟ್‌) ಸಂಸ್ಥಾಪಕರೂ ಆಗಿದ್ದಾರೆ. ಅವರ ಇನ್‌ಸ್ಟಾಗ್ರಾಂ ಮಾಹಿತಿ ಪ್ರಕಾರ 2014ರಲ್ಲಿ ಡೂಡಲ್ ಕಲೆಗೆ ಪ್ರಶಸ್ತಿಯನ್ನು ಸಹ ಅವರು ಪಡೆದಿದ್ದಾರೆ. ಜೊತೆಗೆ ಈಶಾನ್ಯ ಭಾರತದ ಕಲಾ ಪ್ರಕಾರಗಳ ಬಗ್ಗೆ ಸಂಶೋಧನೆ ಸಹ ಮಾಡುತ್ತಿದ್ದಾರೆ. ಜೊತೆಗೆ 'ರಫ್ತಾರ್' ಮತ್ತು 'ಡಿವೈನ್' ಜೊತೆಗೆ ರ್ಯಾಪರ್ ಆಗಿಯೂ ಕಾರ್ಯನಿರ್ವಸಿದ್ದಾರೆ.

'ಸಲಾರ್'ನಲ್ಲಿ ಶ್ರುತಿ ಹಾಸನ್

ನಟಿ ಶ್ರುತಿ ಹಾಸನ್ ಪ್ರಸ್ತುತ ಪ್ರಭಾಸ್ ಜೊತೆಗೆ 'ಸಲಾರ್' ಸಿನಿಮಾದಲ್ಲಿ ನಟಿಸುತ್ತಿದ್ದಾರೆ. ಈ ಸಿನಿಮಾವನ್ನು ಕನ್ನಡಿಗ ಪ್ರಶಾಂತ್ ನೀಲ್ ನಿರ್ದೇಶನ ಮಾಡುತ್ತಿದ್ದಾರೆ. ಇದರ ಹೊರತಾಗಿ ತಮಿಳಿನ 'ಲಾಭಂ' ಸಿನಿಮಾದಲ್ಲಿ ಈಗಾಗಲೇ ನಟಿಸಿ ಆಗಿದ್ದು ಸಿನಿಮಾ ಇನ್ನೂ ಬಿಡುಗಡೆ ಆಗಿಲ್ಲ. ಜೊತೆಗೆ ಹಿಂದಿಯ ವೆಬ್ ಸರಣಿಯಲ್ಲಿಯೂ ಶ್ರುತಿ ನಟಿಸುತ್ತಿದ್ದಾರೆ ಅದರ ಮಾಹಿತಿ ಇನ್ನಷ್ಟೆ ಹೊರಬೀಳಬೇಕಿದೆ.