Don't Miss!
- Sports DC vs GT IPL 2024: ಅಕ್ಷರ್, ರಿಷಭ್ ಶೈನಿಂಗ್; ಗುಜರಾತ್ ವಿರುದ್ಧ ಡೆಲ್ಲಿ ಜಯಭೇರಿ
- News ದ್ವೇಷ ಉತ್ತೇಜಿಸುವ ಪೋಸ್ಟ್: ಕರ್ನಾಟಕ ಬಿಜೆಪಿ ವಿರುದ್ಧ ದೂರು ದಾಖಲಿಸಿದ ಚುನಾವಣಾ ಆಯೋಗ
- Technology ಒಪ್ಪೋ ಫೈಂಡ್ X7 ಅಲ್ಟ್ರಾ ಕ್ಯಾಮೆರಾ: ಮೊಬೈಲ್ ಫೋಟೋಗ್ರಫಿಗೆ ಅತ್ಯುತ್ತಮ ಫೋನ್!
- Lifestyle 613 ದಿನ ಕೊರೊನಾ ವಿರುದ್ಧ ಹೋರಾಡಿ ವೃತಪಟ್ಟ ವ್ಯಕ್ತಿ..!
- Automobiles ಸ್ವಂತ ದುಡಿಮೆಯಲ್ಲಿ ಹೊಸ ಕಾರು ಖರೀದಿಸಿ ಯುವ ನಟಿಯ ಭಾವನಾತ್ಮಕ ಪೋಸ್ಟ್
- Finance ರಿಲಯನ್ಸ್ಗೆ 28,607 ಕೋಟಿ ನಷ್ಟ, ಕಾರಣ ಏನು ಗೊತ್ತೆ?
- Education ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು
- Travel Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
ಸಾವಿಗೂ ಮುನ್ನ ನೆರವೇರಲಿಲ್ಲ ಶ್ರೀದೇವಿ ಅವರ ಈ ಒಂದು ಆಸೆ
ಇಷ್ಟು ದಿನ ನಟಿ ಶ್ರೀ ದೇವಿಯ ಸಿನಿಮಾಗಳ ಬಗ್ಗೆ ಹೊಸ ಹೊಸ ಸುದ್ದಿ ಬರುತ್ತಿತ್ತು. ಆದರೆ ಇಂದು ಅವರ ಸಾವಿನ ಸುದ್ದಿ ಬಂದು ಎಲ್ಲರಿಗೆ ಆಘಾತ ಆಗುವಂತೆ ಮಾಡಿದೆ. ನಾಲ್ಕನೇ ವಯಸ್ಸಿನಲ್ಲಿ ನಟನೆ ಶುರು ಮಾಡಿದ ಶ್ರೀದೇವಿಯ ಅವರ ಸಿನಿಮಾ ಪ್ರಯಾಣ ಅಂತ್ಯವಾಗಿದೆ.
ಅಷ್ಟೊಂದು ಸಿನಿಮಾಗಳು, ಪ್ರಶಸ್ತಿ, ಹೆಸರು, ಆಸ್ತಿ ಎಲ್ಲವನ್ನು ಬಿಟ್ಟು ಶ್ರೀದೇವಿ ಹೋಗಿದ್ದಾರೆ. ಭಾರತದ ಮೊದಲ ಲೇಡಿ ಸೂಪರ್ ಸ್ಟಾರ್ ಆಗಿದ್ದ ಇವರು ಇಷ್ಟೇಲ್ಲ ಸಾಧನೆ ಮಾಡಿದರು ಕೂಡ ಅವರ ಒಂದು ಆಸೆ ಇನ್ನು ಕೂಡ ನೆರವೇರಿರಲ್ಲ. ತನ್ನ ರೀತಿ ತನ್ನ ಮಗಳು ಕೂಡ ನಟಿ ಆಗಬೇಕು ಎಂಬ ಕನಸು ಹೊಂದಿದ್ದ ಶ್ರೀದೇವಿ ಅದನ್ನು ನೋಡುವದಕ್ಕೆ ಮುಂಚೆಯೇ ವಿಧಿವಶರಾಗಿದ್ದಾರೆ.
ಹೃದಯಾಘಾತದಿಂದ ಬಾಲಿವುಡ್ ನಟಿ ಶ್ರೀದೇವಿ ನಿಧನ
ಶ್ರೀದೇವಿ ಅವರ ಮೊದಲ ಪುತ್ರಿ ಜಾನ್ವಿ ಆ ಸಿನಿಮಾ ಮಾಡ್ತಾರೆ..ಈ ಸಿನಿಮಾ ಮಾಡ್ತಾರೆ ಎನ್ನುವ ಅನೇಕ ಸುದ್ದಿಗಳು ಬಹಳ ದಿನದಿಂದ ಕೇಳಿಬರುತ್ತಿತ್ತು. ಈ ಯುವರಾಣಿಯ ಬಾಲಿವುಡ್ ಪ್ರವೇಶ ನೋಡುವುದಕ್ಕೆ ಅಭಿಮಾನಿಗಳು ಕಾಯುತ್ತಿದ್ದರು. ಜೂನಿಯರ್ ಶ್ರೀದೇವಿಯ ಅದ್ದೂರಿ ಎಂಟ್ರಿಗೆ ವೇದಿಕೆ ಸಿದ್ಧವಾಗಿತ್ತು. ಅದೇ ರೀತಿ 'ದಡಕ್' ಎಂಬ ಚಿತ್ರ ಕೂಡ ಶುರುವಾಯ್ತು. ಇನ್ನು ಜಾನ್ವಿ ಅವರ ಈ ಚಿತ್ರವನ್ನು ಕರಣ್ ಜೋಹರ್ ನಿರ್ಮಾಣ ಮಾಡುತ್ತಿದ್ದಾರೆ.
'ಜಾನ್ವಿ' ಅವರ 'ದಡಕ್' ಸಿನಿಮಾ ಶೂಟಿಂಗ್ ಸದ್ಯ ನಡೆಯುತ್ತಿತ್ತು. ಅದೇ ಕಾರಣದಿಂದ ಅಮ್ಮನ ಜೊತೆಗೆ ಜಾನ್ವಿ ದುಬೈಗೆ ಹೋಗಿರಲಿಲ್ಲ. ಆದರೆ ವಿಧಿ ಅದೇ ಸಮಯಕ್ಕೆ ಮಗಳಿನಿಂದ ಅಮ್ಮನನ್ನು ಕಿತ್ತುಕೊಂಡಿದೆ. ಮದುವೆ ಕಾರ್ಯಕ್ರಮಕ್ಕೆ ಹೋಗಿದ್ದ ಶ್ರೀದೇವಿ ಅಲ್ಲಿಯೇ ನಿಧನ ಹೊಂದಿದ್ದಾರೆ.
ತಮ್ಮ ಮಗಳನ್ನು ಬೆಳ್ಳಿ ತೆರೆಯ ಮೇಲೆ ನೋಡಬೇಕು ಎನ್ನುವ ಶ್ರೀದೇವಿ ಕನಸು ಹಾಗೆ ಉಳಿದು ಹೋಗಿದೆ. ಮಗಳ ಮೊದಲ ಸಿನಿಮಾ ಬಿಡುಗಡೆಯಾಗುವುದಕ್ಕೆ ಮುಂಚೆಯೇ ತಾಯಿ ಶ್ರೀದೇವಿ ನಿಧನ ಹೊಂದಿದ್ದಾರೆ. ಜಾನ್ವಿ ನಟನೆಯ 'ದಡಕ್' ಸಿನಿಮಾ ಜುಲೈನಲ್ಲಿ ರಿಲೀಸ್ ಆಗಲಿದೆ.