For Quick Alerts
    ALLOW NOTIFICATIONS  
    For Daily Alerts

    15 ಕೆಜಿ ತೂಕ ಇಳಿಸಿಕೊಂಡು ಅಚ್ಚರಿ ಮೂಡಿಸಿದ ನಟಿ ತನುಶ್ರೀ ದತ್ತ

    |

    ಬಾಲಿವುಡ್ ನ ಹಾಟ್ ನಟಿ ತನುಶ್ರೀ ದತ್ತ ತೂಕ ಇಳಿಸಿಕೊಂಡು ತೆಳ್ಳಗಾಗಿದ್ದಾರೆ. ವ್ಯಾಯಾಮ, ಯೋಗ ಮತ್ತು ಡಯಟ್ ಅಂತ ಕಟ್ಟುನಿಟ್ಟಿನ ಜೀವನ ಮಾಡಿ ತನ್ನ ಗುರಿ ತಲುಪುವಲ್ಲಿ ತನುಶ್ರೀ ಯಶಸ್ವಿಯಾಗಿದ್ದಾರೆ. ಬರೋಬ್ಬರಿ 15 ಕೆಜಿ ತೂಕ ಇಳಿಸಿಕೊಂಡು ಸ್ಲಿಮ್ ಆಗಿರುವ ತನುಶ್ರೀ ತೂಕ ಇಳಿಸಿಕೊಂಡ ಪಯಣದ ಬಗ್ಗೆ ಬಹಿರಂಗ ಪಡಿಸಿದ್ದಾರೆ.

    ಸದ್ಯ ಅಮೆರಿಕದಲ್ಲಿ ವಾಸಿಸುತ್ತಿರುವ ತನುಶ್ರೀ ತೆಳ್ಳಗಾಗಿರುವ ಫೋಟೋವನ್ನು ಸಾಮಾಜಿಕ ಜಾಲತಾಣದಲ್ಲಿ ಹಂಚಿಕೊಂಡಿದ್ದಾರೆ. ಜೊತೆಗೆ, ಮತ್ತೆ ಬಾಲಿವುಡ್ ಗೆ ವಾಪಸ್ ಆಗುವ ಕನಸು ಕಂಡಿದ್ದಾರೆ. ಒಂದು ಕಾಲದಲ್ಲಿ ಬಾಲಿವುಡ್ ನಲ್ಲಿ ಸಂಚಲನ ಮೂಡಿಸಿದ್ದ ನಟಿ ತನುಶ್ರೀ ದತ್ತ ಅಲ್ಪಾವಧಿಯಲ್ಲೇ ಚಿತ್ರರಂಗದಿಂದ ದೂರ ಸರಿದರು.

    ತನುಶ್ರೀ ದತ್ತಾ ಪರ ವಾದಿಸುತ್ತಿದ್ದ ವಕೀಲನ ವಿರುದ್ಧವೇ ಕಿರುಕುಳ ಆರೋಪ!

    'ಆಶಿಕ್ ಬಯಾನಾ ಆಪ್ನ' ಚೊಚ್ಚಲ ಸಿನಿಮಾದಲ್ಲೇ ಹಾಟ್ ಆಗಿ ಕಾಣಿಸಿಕೊಂಡು ಪಡ್ಡೆಗಳ ನಿದ್ದೆಗೆಡಿಸಿದ್ದ ತನುಶ್ರೀ, 2010 ಬಳಿಕ ಯಾವುದೇ ಸಿನಿಮಾಗಳಲ್ಲಿ ನಟಿಸಿಲ್ಲ. ಸಿನಿಮಾರಂಗದಿಂದ ದೂರ ಸರಿಯುತ್ತಿದ್ದಂತೆ ತನುಶ್ರೀ ಸಿಕ್ಕಾಪಟ್ಟೆ ದಪ್ಪ ಆಗಿದ್ದರು. ದಪ್ಪ ಆಗಿದ್ದ ತನುಶ್ರೀ ನೋಡಿ ಎಲ್ಲರೂ ಅಚ್ಚರಿ ಪಟ್ಟಿದ್ದರು.

    ಇದೀಗ 10 ವರ್ಷಗಳ ಬಳಿಕ ಮತ್ತೆ ಬಣ್ಣಹಚ್ಚುವ ಆಸೆಯೊಂದಿಗೆ ತನುಶ್ರೀ ತಯಾರಿ ನಡೆಸುತ್ತಿದ್ದಾರೆ. ಕಠಿಣ ವರ್ಕೌಟ್ ಮಾಡಿ, 15 ಕೆಜಿ ಇಳಿಸಿಕೊಂಡಿದ್ದಾರೆ. ವರ್ಕೌಟ್ ಮಾಡುತ್ತಿರುವ ವಿಡಿಯೋ ಮತ್ತು ಫೋಟೋಗಳನ್ನು ಸಮಾಜಿಕ ಜಾಲತಾಣದಲ್ಲಿ ಶೇರ್ ಮಾಡಿದ್ದಾರೆ.

    'ಹಾಟ್ ಆಗಿ ಕಾಣಿಸಿಕೊಳ್ಳಲು ಸಾಕಷ್ಟು ಪರಿಶ್ರಮ ಪಡಬೇಕಾಗುತ್ತದೆ. ಹೊಸ ಬಾಡಿ ಶೇಪ್ ಗೆ ತಕ್ಕಂತೆ ಪೂರ್ತಿ ಹೊಸ ಬಟ್ಟೆಗಳನ್ನು ಖರೀದಿಸಬೇಕಾಗುತ್ತೆ' ಎಂದು ಬರೆದುಕೊಂಡಿದ್ದಾರೆ. ತೆಳ್ಳಗೆ ಬಳಕುವ ಬಳ್ಳಿಯಂತಿದ್ದ ತನುಶ್ರೀ ದತ್ತ ಏಕಾಏಕಿ ದಪ್ಪ ಆಗಿರುವುದನ್ನು ನೋಡಿ ಅನೇಕರು ಬಾಡಿ ಶೇಮಿಂಗ್ ಮಾಡುತ್ತಿದ್ದರು ಎಂದು ಹೇಳಿದ್ದಾರೆ.

    ಮೋಷನ್ ಪೋಸ್ಟರ್ ರಿಲೀಸ್ ಮಾಡಿ ಚಿತ್ರದ ಬಗ್ಗೆ ಮಾತನಾಡಿದ ಕೈಮರ ಚಿತ್ರತಂಡ | Filmibeat Kannada

    ಇದೀಗ ತೂಕ ಇಳಿಸಿಕೊಂಡು ಮತ್ತೆ ಹಳೆ ಫಾರ್ಮ್ ಗೆ ಮರಳಿರುವ ತನುಶ್ರೀ ಯಾವ ಸಿನಿಮಾದಲ್ಲಿ ಕಾಣಿಸಿಕೊಳ್ಳಲಿದ್ದಾರೆ ಎನ್ನುವುದು ಕುತೂಹಲ ಮೂಡಿಸಿದೆ.

    English summary
    Bollywood Actress Tanushree dutta loss 15 kg weight. She Speak about her weight journey.

    Kannada Photos

    Go to : More Photos
    ತಾಜಾ ಸುದ್ದಿ ತಕ್ಷಣ ಪಡೆಯಿರಿ
    Enable
    x
    Notification Settings X
    Time Settings
    Done
    Clear Notification X
    Do you want to clear all the notifications from your inbox?
    Settings X
    X