Urfi Javed : ಅಡಲ್ಟ್ ಚಿತ್ರ ಮಾಡುವಾಗ ರೆಡ್ ಹ್ಯಾಂಡ್ ಆಗಿ ಸಿಕ್ಕಿ ಬಿದ್ದ ಉರ್ಫಿ ಜಾವೇದ್!

ವಯಸ್ಕರ ಸಿನಿಮಾ ಮಾಡಿದ ಉರ್ಫಿ ಜಾವೇದ್ ವಯಸ್ಕರ ಸಿನಿಮಾ ಮಾಡಿದ ಉರ್ಫಿ ಜಾವೇದ್

ಉರ್ಫಿ ಅಡಲ್ಟ್ ಸಿನಿಮಾ ಚಿತ್ರೀಕರಣ ಸಂದರ್ಭ ಸಿಕ್ಕಿ ಬಿದ್ದಿರೋದಾಗಿ ಈ ವಿಡಿಯೋ ಸಾರುತ್ತಿದೆ. ರೋಹಿತ್ ಗುಪ್ತಾ ಅಧಿಕೃತ ಇನ್‌ಸ್ಟಾಗ್ರಾಂ ಖಾತೆಯಿಂದ ಈ ವಿಡಿಯೋ ಶೇರ್ ಆಗಿದೆ. ಇಲ್ಲಿ ಆಗಿರೋದು ಇಷ್ಟು. ಕಚೇರಿಯಲ್ಲಿ ಹುಡುಗಿಯೊಬ್ಬಳೊಂದಿಗೆ ಉರ್ಫಿ ಬಂದು ಕೂರುವುದನ್ನು ವಿಡಿಯೋದಲ್ಲಿ ತೋರಿಸಲಾಗಿದೆ. ಅಲ್ಲಿ ಒಬ್ಬ ಕಾಸ್ಟಿಂಗ್ ಡೈರೆಕ್ಟರ್ ಉರ್ಫಿಯೊಂದಿಗೆ ಚಿತ್ರದ ಬಗ್ಗೆ ಚರ್ಚಿಸಲು ಪ್ರಾರಂಭಿಸುತ್ತಾರೆ. ಈ ಚಿತ್ರ ತುಂಬಾ ರಹಸ್ಯವಾಗಿ ಇರಬೇಕು ಎಂದು ನಿರ್ದೇಶಕರು ಉರ್ಫಿಗೆ ಹೇಳುತ್ತಾರೆ. ಚಿತ್ರದ ಶೂಟಿಂಗ್‌ನಿಂದ ಹಿಡಿದು ಕಾಸ್ಟಿಂಗ್‌ವರೆಗೆ ಎಲ್ಲವೂ ಗೌಪ್ಯವಾಗಿರುತ್ತದೆ ಎಂದು ಹೇಳಿದಕ್ಕೆ ಉರ್ಫಿ ತನ್ನ ಜೊತೆಗಿದ್ದ ಹುಡುಗಿಯನ್ನು ಹೊರಗೆ ಹೋಗುವಂತೆ ಹೇಳುತ್ತಾರೆ. ಬಳಿಕ ಈ ಚಿತ್ರದ ಹೆಸರು 'ಟೈಟಾನಿಕ್' ಎಂದು ನಿರ್ದೇಶಕರು ಹೇಳುತ್ತಾರೆ.

ಈ ಸಿನಿಮಾದಲ್ಲಿ ರಣ್‌ಬೀರ್ ಕಪೂರ್ ವಿಲನ್

ನಿರ್ದೇಶಕರು ಉರ್ಫಿಗೆ ಈ ಚಿತ್ರದ ಬಗ್ಗೆ ಹೇಳುತ್ತಾ ಈ ಸಿನಿಮಾದಲ್ಲಿ ನಟ ರಣ್‌ಬೀರ್ ಕಪೂರ್ ಕೂಡ ನಟಿಸಲಿದ್ದಾರೆ. ಆದರೆ ಅವರು ಈ ಸಿನಿಮಾದಲ್ಲಿ ವಿಲನ್ ಆಗಿ ಕಾಣಿಸಿಕೊಳ್ಳಲಿದ್ದಾರೆ ಎಂದು ಹೇಳಿ ರಣಬೀರ್ ಜೊತೆ ಮಾತನಾಡುವಂತೆ ಉರ್ಫಿಗೆ ಹೇಳುತ್ತಾರೆ. ಇದೇ ಸಮಯದಲ್ಲಿ ರೋಹಿತ್ ಎಂಬಾತ ರಣಬೀರ್ ಧ್ವನಿಯಲ್ಲಿ ಉರ್ಫಿಯೊಂದಿಗೆ ಮಾತನಾಡುತ್ತಾನೆ. ಆಗ ಉರ್ಫಿ ನಿರ್ದೇಶಕರನ್ನು ನಾಯಕ ಯಾರು ಎಂದು ಕೇಳುತ್ತಾರೆ. ಆಗ ನಿರ್ದೇಶಕರು ಹೊರ ದೇಶದ ಸ್ಟಾರ್ ಎಂದು ಉತ್ತರಿಸುತ್ತಾರೆ. ಬಳಿಕ ನಿರ್ದೇಶಕ ರೋಹಿತ್ ಆ ಕಲಾವಿದನೊಂದಿಗೆ ಕಚೇರಿಗೆ ಬರುತ್ತಾನೆ. ಇದನ್ನು ನೋಡಿದ ಉರ್ಫಿ ತುಂಬಾ ಶಾಕ್‌ಗೆ ಒಳಗಾಗುತ್ತಾರೆ. ಯಾಕೆಂದರೆ ಅಸಲಿಗೆ ಆತ ನಟನಂತೆ ಕಾಣುವುದಿಲ್ಲ.

ಉರ್ಫಿಯನ್ನು ಆಡಿಷನ್ ನೀಡುವಂತೆ ಹೇಳುವ ಡೈರೆಕ್ಟರ್

ಈ ನಟನ ಬಗ್ಗೆ ಉರ್ಫಿ ನಿರ್ದೇಶಕರನ್ನು ಪ್ರಶ್ನೆ ಕೇಳುತ್ತಾರೆ. ಅದಕ್ಕೆ ಅವರು ಈ ನಟ ಉಗಾಂಡಾದವರು ವಿಶೇಷ ಪಾತ್ರ ಇದೆ. ಹೀಗಾಗಿ ಇವರೇ ನಮ್ಮ ಸಿನಿಮಾಗೆ ಸೂಕ್ತ ಎಂದು ಒಪ್ಪಿಸಿ ಉರ್ಫಿಯನ್ನು ಆಡಿಷನ್ ನೀಡುವಂತೆ ಹೇಳುತ್ತಾರೆ. ಉಗಾಂಡ ನಟ ಮತ್ತು ಉರ್ಫಿ ಇಬ್ಬರೂ ಆಡಿಷನ್ ನೀಡುತ್ತಾರೆ. ಅದೇ ಸಮಯಕ್ಕೆ ಸರಿಯಾಗಿ ಪೋಲೀಸ್ ವೇಷಧಾರಿಗಳು ಎಂಟ್ರಿ ಆಗುತ್ತಾರೆ. ಆಗ ಪೋಲೀಸರು ಏನಾಗುತ್ತಿದೆ ಇಲ್ಲಿ ಎಂದು ಕೇಳಿದಕ್ಕೆ ಅಲ್ಲಿಯೇ ಇದ್ದ ನಿರ್ದೇಶಕ ಉರ್ಫಿ ವಯಸ್ಕರ ಚಿತ್ರದ ಚಿತ್ರೀಕರಣಕ್ಕೆ ನಮ್ಮನ್ನು ಕರೆದಿದ್ದರು ಎಂದು ಹೇಳುತ್ತಾರೆ. ಆಗ ಉರ್ಫಿಗೆ ಇಲ್ಲಿ ಏನು ನಡೆಯುತ್ತಿದೆ ಅನ್ನೋದು ತಿಳಿಯದೆ ಶಾಕ್‌ಗೆ ಒಳಗಾಗುತ್ತಾರೆ. ಹೀಗೆ ಕೆಲ ಸಮಯದ ನಂತರ ಉರ್ಫಿಗೆ ಸತ್ಯ ಏನು ಎಂದು ತಿಳಿಯುತ್ತೆ. ಆಗಲೇ ಇದು ಏಪ್ರಿಲ್ ಫೂಲ್‌ ಮಾಡಿರುವ ವಿಡಿಯೊ ಎಂದು ಉರ್ಫಿಗೆ ಗೊತ್ತಾಗುತ್ತೆ.

Recommended Video

ದೆಹಲಿಯಲ್ಲಿ ಹೆಚ್ಚಾಯ್ತು ರಾಕೀ ಹವಾ, ದೆಹಲಿಯಲ್ಲೂ ಜೋರಾಗಿದೆ KGF 2 ಕ್ರೇಜ್

ನನ್ನ ವೃತ್ತಿ ಜೀವನವೇ ಹಾಳಾಗಿ ಹೋಯ್ತು

ಈ ವಿಡಿಯೋ ಇದೀಗ ಸಾಕಷ್ಟು ವೈರಲ್ ಕೂಡ ಆಗುತ್ತಿದೆ. ಇದಕ್ಕೆ ಪ್ರತಿಕ್ರಿಯಿಸಿರುವ ಉರ್ಫಿ " ನನ್ನ ವೃತ್ತಿಜೀವನವೇ ಹಾಳಾಗಿ ಹೋಯ್ತು ಎಂದು ಅಂದುಕೊಂಡೆ. ಅವರ ಈ ಚೇಷ್ಟೆ ವಿಡಿಯೋವನ್ನು ಜನರು ತುಂಬಾ ಮೆಚ್ಚಿಕೊಳ್ಳಬಹುದು. ಆದರೆ ನನಗೆ ಜೀವವೇ ಹೋದ ಹಾಗಾಯಿತ್ತು." ಎಂದಿದ್ದಾರೆ. ಈ ವಿಡಿಯೋ ನೋಡಿ ಹಲವರು ಉರ್ಫಿ ಪರಿಸ್ಥಿತಿ ಹೇಗಾಗಿರಬೇಡ ಎಂದು ಕಮೆಂಟ್ ಮಾಡುತ್ತಿದ್ದಾರೆ.