ಹೈ ಸ್ಕೋಲ್ ನಲ್ಲೇ ಲವ್ ಬ್ರೇಕಪ್ ಮಾಡಿಕೊಂಡು ತುಂಬಾ ನೋವು ಅನುಭವಿಸಿದ್ದರಂತೆ ನಟ ಆದಿತ್ಯ

9ನೇ ತರಗತಿಯಲ್ಲೇ ಪ್ರೀತಿಯಲ್ಲಿ ಬಿದ್ದಿದ್ದ ಆದಿತ್ಯ

ಬಾಲಿವುಡ್ ನಲ್ಲಿ ಸದ್ಯ ಅದರಲ್ಲೂ ಇತ್ತೀಚಿನ ವರ್ಷಗಳಲ್ಲಿ ಯಾವ ನಟಿಯ ಜೊತೆಯೂ ಹೆಸರು ತಳುಕು ಹಾಕಿಕೊಳ್ಳದೆ, ಸದ್ಯ ತನ್ನ ಪಾಡಿಗೆ ತಾನಿರುವ ನಟ ಅದಿತ್ಯ. ಲವ್, ಗಾಸಿಪ್ ನಿಂದ ಕೊಂಚ ದೂರ ಇರುವ ಆದಿತ್ಯ ಬಾಲ್ಯದ ಲವ್ ಸ್ಟೋರಿ ರಿವೀಲ್ ಮಾಡಿದ್ದಾರೆ. 9ನೇ ತರಗತಿಯಲ್ಲೇ ಆದಿತ್ಯ ಪ್ರೇಮಪಾಶದಲ್ಲಿ ಸಿಲುಕಿದ್ದರಂತೆ.

ಲವ್ ಬ್ರೇಕಪ್ ಆಗಿ ತುಂಬಾ ನೋವು ಅನುಭವಿಸಿರುವ ಆದಿತ್ಯ

ಚಿಕ್ಕ ವಯಸ್ಸಿನಲ್ಲೇ ಪ್ರೀತಿ, ಪ್ರೇಮ ಅಂತ ತಲೆಗೆ ಹಚ್ಚಿಕೊಂಡಿದ್ದ ಆದಿತ್ಯಗೆ ಆ ಪ್ರೀತಿಯನ್ನು ತುಂಬಾ ದಿನ ಉಳಿಸಿಕೊಳ್ಳಲು ಸಾಧ್ಯವಾಗಿಲ್ಲವಂತೆ. ಪ್ರೀತಿಸಿದ ಹುಡುಗಿಯ ಜೊತೆ ಬ್ರೇಕಪ್ ಮಾಡಿಕೊಳ್ಳುವಂತ ಪರಿಸ್ಥಿತಿ ಬಂದು, ಇಬ್ಬರು ದೂರ ದೂರ ಆದರಂತೆ. ಬಳಿಕ ಆದಿತ್ಯ ಪ್ರೀತಿಯನ್ನು ಬಿಟ್ಟಿರಲಾರದೆ ತುಂಬಾ ನೋವು ಅನುಭಿವಿಸಿದ್ದರಂತೆ. ಜಗತ್ತೇ ಮುಗಿದು ಹೋಯಿತು ಎನ್ನುಷ್ಟರ ಮಟ್ಟಿಗೆ ಆಗಿದ್ದರಂತೆ. ಬಾಲ್ಯದಲ್ಲಿ ಆದ ಪ್ರೀತಿಯ ವಿಚಾರವನ್ನು ಈಗ ಬೇಸರದಿಂದ ವಿವರಿಸಿದ್ದಾರೆ.

ಹುಟ್ಟುಹಬ್ಬದ ಸಂಭ್ರಮದಲ್ಲಿ ನಟ ಆದಿತ್ಯ

ಅಂದಹಾಗೆ ನಟ ಆದಿತ್ಯ ರಾಯ್ ಗೆ ಇಂದು ಹುಟ್ಟುಹಬ್ಬದ ಸಂಭ್ರಮ. 35ನೇ ಹುಟ್ಟುಹಬ್ಬದ ಸಂಭ್ರಮದಲ್ಲಿರುವ ಆದಿತ್ಯ ರಾಯ್ ತಮ್ಮ ಹೊಸ ಸಿನಿಮಾ ಘೋಷಿಸಿದ್ದಾರೆ. ಈ ಚಿತ್ರಕ್ಕೆ 'ಓಂ' ಎಂದು ಹೆಸರಿಡಲಾಗಿದೆ. ಅಹ್ಮದ್ ಖಾನ್ ಈ ಚಿತ್ರ ನಿರ್ಮಾಣ ಮಾಡುತ್ತಿದ್ದು, ಆದಿತ್ಯ ರಾಯ್ ಕಪೂರ್ ಆಕ್ಷನ್ ಅವತಾರ್ ದಲ್ಲಿ ಕಾಣಿಸಿಕೊಳ್ಳುತ್ತಿದ್ದಾರೆ ಎಂದು ಸುಳಿವು ನೀಡಿದ್ದಾರೆ.

2009ರಲ್ಲಿ ಚಿತ್ರರಂಗ ಪ್ರವೇಶ

2009ರಲ್ಲಿ ಲಂಡನ್ ಡ್ರೀಮ್ಸ್ ಚಿತ್ರದ ಮೂಲಕ ಬಿಟೌನ್ ಪ್ರವೇಶಿಸಿದ ಆದಿತ್ಯ 2013ರಲ್ಲಿ ತೆರೆಗೆ ಬಂದ ಆಶಿಕಿ-2 ಸಿನಿಮಾ ಮೂಲಕ ದೊಡ್ಡ ಗೆಲವು ಪಡೆದರು. ನಂತರ ಮಲಂಗ್, ಯೇ ಜವಾನಿ ಹೈ ದಿವಾನಿ, OK ಜಾನು ಸೇರಿದಂತೆ ಮುಂತಾದ ಸಿನಿಮಾಗಳಲ್ಲಿ ನಟಿಸಿದ್ದಾರೆ.

Recommended Video

ರೆಬಲ್ ಸ್ಟಾರ್ ಮೇಲಿನ ಪ್ರೀತಿಯನ್ನು ಮತ್ತೆ ಸಾಬೀತು ಪಡಿಸಿದ ಮಂಡ್ಯ ಜನ | Filmibeat Kannada

ಲುಡೋ ಸಿನಿಮಾ ರಿಲೀಸ್ ಆಗಿದೆ

ಆದಿತ್ಯ ರಾಯ್ ಕಪೂರ್ ಲುಡೋ ಸಿನಿಮಾ ಮೂಲಕ ಅಭಿಮಾನಿಗಳ ಮುಂದೆ ಬಂದಿದ್ದರು. ಇತ್ತೀಚಿಗಷ್ಟೆ ಸಿನಿಮಾ ನೆಟ್‌ಫ್ಲಿಕ್ಸ್ ನಲ್ಲಿ ಬಿಡುಗಡೆಯಾಗಿದೆ. ಅನುರಾಗ್ ಬಸು ನಿರ್ದೇಶನ ಮಾಡಿದ್ದ ಈ ಚಿತ್ರದಲ್ಲಿ ಅಭಿಷೇಕ್ ಬಚ್ಚನ್, ರಾಜ್ ಕುಮಾರ್ ರಾವ್, ಪಂಕಜ್ ತ್ರಿಪಾಠಿ ಸೇರಿದಂತೆ ಹಲವರು ನಟಿಸಿದ್ದರು.