Don't Miss!
- Technology Vivo: ಶೀಘ್ರದಲ್ಲೇ ವಿವೋ Y38 5G ಸ್ಮಾರ್ಟ್ಫೋನ್; ವಿನ್ಯಾಸ ಮತ್ತು ಫೀಚರ್ಸ್ ಲೀಕ್
- News ಬೆಂಗಳೂರಿನಲ್ಲಿ ಮೋದಿ ಮತಬೇಟೆ; ರಾಜ್ಯಕ್ಕೆ ಪ್ರಧಾನಿ ಮೋದಿಯ ಕೊಡುಗೆ ಏನಿದೆ?: ಡಾ.ಜಿ ಪರಮೇಶ್ವರ್
- Sports DC vs SRH: ಹೈದರಾಬಾದ್ ಬ್ಯಾಟರ್ಗಳನ್ನು ಕಟ್ಟಿಹಾಕಲಿದ್ದಾರಾ ಡೆಲ್ಲಿ ಬೌಲರ್ಸ್?; ಸಂಭಾವ್ಯ ಆಡುವ 11ರ ಬಳಗ
- Automobiles Mahindra: ದೊಡ್ಡ ಅಪಘಾತ ತಪ್ಪಿಸಿತು XUV700 ಕಾರಿನ ಈ ಸೇಫ್ಟಿ ಫೀಚರ್: ಎಲ್ಲರೂ ಸೇಫ್!
- Finance Bengaluru Rain:ಬಿಸಿಗಾಳಿ ಹೆಚ್ಚಳದಿಂದ ಬೆಂಗಳೂರು ನಗರಕ್ಕೆ ಅಧಿಕ ಮಳೆ, ಐಎಂಡಿ ಹೇಳಿದ್ದೇನು?
- Lifestyle ಜೀವ ಸಂಗಾತಿಗೆ ಹುಟ್ಟು ಹಬ್ಬದಂದು ವಿಶ್ ಮಾಡಲು ಸುಂದರ ಸಾಲುಗಳ ಗ್ರೀಟಿಂಗ್ಸ್ ಇಲ್ಲಿದೆ
- Education ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು
- Travel Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
ಮದುವೆ ಮುಗಿಯುತ್ತಿದ್ದಂತೆ ರಶ್ಮಿಕಾ ಜೊತೆ ಮನಾಲಿಯಲ್ಲಿ ಪ್ರತ್ಯಕ್ಷನಾದ ರಣ್ಬೀರ್
ಬಾಲಿವುಡ್ ಸೆಲೆಬ್ರೆಟಿಗಳು ಅದೇನು ಮದುವೆ ಆಗುತ್ತಾರೋ ಗೊತ್ತಿಲ್ಲ. ವಿವಾಹ ಮುಗಿಯುತ್ತಿದ್ದಂತೆ ಸೀದಾ ಶೂಟಿಂಗ್ ಸೆಟ್ಟಲ್ಲಿ ಪ್ರತ್ಯಕ್ಷ ಆಗಿಬಿಡುತ್ತಾರೆ. ಕತ್ರಿನಾ ಕೈಫ್- ವಿಕ್ಕಿ ಕೌಶಲ್, ರಣ್ಬೀರ್ ಆಲಿಯಾ ಭಟ್ ಜೋಡಿ ಹಸೆಮಣೆ ಏರಿದ ಕೆಲವು ದಿನಗಳಲ್ಲಿಯೇ ಶೂಟಿಂಗ್ ಸ್ಪಾಟ್ನಲ್ಲಿ ಪ್ರತ್ಯಕ್ಷ ಆಗಿದ್ದಾರೆ.
ಆಲಿಯಾ ಭಟ್ ಹಾಗೂ ರಣ್ಬೀರ್ ಕಪೂರ್ ಮದುವೆಯಾಗಿ ಇನ್ನೂ 15 ದಿನಾನೂ ಆಗಿಲ್ಲ. ಅಷ್ಟರಲ್ಲೇ ಶೂಟಿಂಗ್ ಸ್ಪಾಟ್ನಲ್ಲಿ ರಣ್ಬೀರ್ ಕಪೂರ್ ಪ್ರತ್ಯಕ್ಷ ಆಗಿದ್ದಾರೆ. ನ್ಯಾಷನಲ್ ಕ್ರಶ್ ರಶ್ಮಿಕಾ ಮಂದಣ್ಣ ಹಾಗೂ ರಣ್ಬೀರ್ ಕಪೂರ್ ಇಬ್ಬರನ್ನೂ ಒಟ್ಟಿಗೆ ನೋಡಿ ಅಲ್ಲಿನ ಜನರು ಕೂಡ ಕಂಗಾಲಾಗಿದ್ದಾರೆ.
Allu Arjun Look in Pushpa 2 : ಪುಷ್ಪ 2: ಬದಲಾಗುತ್ತೆ ಅಲ್ಲು ಅರ್ಜುನ್ ಲುಕ್!
ಮದುವೆ ಬಳಿಕ ನವ ದಂಪತಿಗಳು ಮನಾಲಿಗೆ ಹನಿಮೂನ್ಗೆ ಅಂತ ಬರುತ್ತಾರೆ. ವಿವಾಹದ ಬಳಿಕ ರಣ್ಬೀರ್ ಕಪೂರ್ ಕೂಡ ಇದೇ ಮನಾಲಿಯಲ್ಲಿ ಕಾಣಿಸಿಕೊಂಡಿದ್ದಾರೆ. ಹಾಗಂತ ರಣ್ಬೀರ್ ಹನಿಮೂನ್ಗೆ ಬಂದಿಲ್ಲ. ಹೊಸ ಸಿನಿಮಾದ ಶೂಟಿಂಗ್ಗೆ ಬಂದಿದ್ದಾರೆ. ಇವ್ರೊಂದಿಗೆ ರಶ್ಮಿಕಾ ಮಂದಣ್ಣ ಕೂಡ ಆಗಮಿಸಿದ್ದು ವಿಶೇಷ.
ರಣ್ಬೀರ್ 'ಎನಿಮಲ್' ಶೂಟಿಂಗ್ ಆರಂಭ
ಬಾಲಿವುಡ್ನಲ್ಲಿ ಕುತೂಹಲ ಕೆರಳಿಸಿರುವ ಸಿನಿಮಾ 'ಎನಿಮಲ್'. ಇಷ್ಟೊಂದು ಕುತೂಹಲ ಕೆರಳಿಸುವುದಕ್ಕೆ ಕಾರಣ ಎರಡು. ಒಂದು ಅರ್ಜುನ್ ರೆಡ್ಡಿ ನಿರ್ದೇಶಕ ಸಂದೀಪ್ ರೆಡ್ಡಿ ವಂಗಾ ಹಾಗೂ ನ್ಯಾಷನಲ್ ಕ್ರಶ್ ರಶ್ಮಿಕಾ ಮಂದಣ್ಣ. ಇಬ್ಬರು ಸೌತ್ ಸೆಲೆಬ್ರೆಟಿಗಳು ಬಾಲಿವುಡ್ ನಟ ರಣ್ಬೀರ್ ಕಪೂರ್ ಜೊತೆ ಕೆಲಸ ಮಾಡುತ್ತಿದ್ದಾರೆ. ಅದುವೇ 'ಎನಿಮಲ್'. ಇದೇ ಸಿನಿಮಾದ ಶೂಟಿಂಗ್ ಇಂದು (ಏಪ್ರಿಲ್ 22) ಮನಾಲಿಯಲ್ಲಿ ಶುರುವಾಗಿದೆ. ಈ ಕಾರಣಕ್ಕೆ ರಣ್ಬೀರ್ ಕಪೂರ್ ಹಾಗೂ ರಶ್ಮಿಕಾ ಮಂದಣ್ಣ ಮನಾಲಿಯಲ್ಲಿ ಬೀಡುಬಿಟ್ಟಿದ್ದಾರೆ.
|
ರಶ್ಮಿಕಾ - ರಣ್ಬೀರ್ ಜುಗಲ್ಬಂಧಿ
ರಶ್ಮಿಕಾ ಮಂದಣ್ಣ ಹಾಗೂ ರಣ್ಬೀರ್ ಕಪೂರ್ ಜೋಡಿಯಾಗಿ ನಟಿಸುತ್ತಿರುವ ಮೊದಲ ಸಿನಿಮಾವಿದು. ಈಗಾಗಲೇ ರಶ್ಮಿಕಾ ಮಂದಣ್ಣ ಎರಡು ಬಾಲಿವುಡ್ ಸಿನಿಮಾಗಳಲ್ಲಿ ನಟಿಸಿದ್ದು, 'ಎನಿಮಲ್' ಇವರಿಗೆ ಮೂರನೇ ಸಿನಿಮಾ. ಆದರೆ ಬಾಲಿವುಡ್ ನಟ ರಣ್ಬೀರ್ ಕಪೂರ್ ಜೊತೆ ನಟಿಸುತ್ತಿರುವ ಮೊದಲ ಸಿನಿಮಾವಿದು. ಹೀಗಾಗಿ ಇವರಿಬ್ಬರ ಜೋಡಿಯನ್ನು ತೆರೆಮೇಲೆ ನೋಡುವುದಕ್ಕೆ ಇಡೀ ಭಾರತೀಯ ಚಿತ್ರರಂಗವೇ ಕಾದು ಕೂತಿದೆ.
ಅರ್ಜುನ್ ರೆಡ್ಡಿ ಪಾತ್ರಕ್ಕೂ ಎನಿಮಲ್ಗೂ ಸಂಬಂಧವಿಲ್ಲ
ಅರ್ಜುನ್ ರೆಡ್ಡಿಯಂತಹ ರಗಡ್ ಸಿನಿಮಾವನ್ನು ನಿರ್ದೇಶನ ಮಾಡಿದ್ದ ಸಂದೀಪ್ ರೆಡ್ಡಿ ವಂಗಾ ಈ ಚಿತ್ರವನ್ನು ನಿರ್ದೇಶಿಸುತ್ತಿದ್ದಾರೆ. ಈ ಕಾರಣಕ್ಕೆ ರಾಜಮೌಳಿ ಇತ್ತೀಚೆಗೆ ನಿರ್ದೇಶಕರಿಗೆ ಅರ್ಜುನ್ ರೆಡ್ಡಿ ಹಾಗೂ ರಣ್ಬೀರ್ ಪಾತ್ರಕ್ಕೂ ಸಾಮ್ಯತೆ ಇದೆಯಾ? ಎಂದು ಕೇಳಿದ್ದರು. ಆ ವೇಳೆ " ಸಿನಿಮಾದಲ್ಲಿ ವಯಲೆನ್ಸ್ ಇದೆ. ಆದರೆ, ಕ್ಯಾರೆಕ್ಟರ್ ಒಂದೇ ಅಲ್ಲ. ನನ್ನ ಸಹಾಯಕ ನಿರ್ದೇಶಕರಿಗೆ ಕಬೀರ್ ಸಿಂಗ್ ಅಥವಾ ಅರ್ಜುನ್ ರೆಡ್ಡಿ ನೆರಳು ಇದೆಯಾ ಅಂತ ಕೇಳುತ್ತಲೇ ಇದ್ದೆ. ಈ ಸಿನಿಮಾದ ಕಥೆ ಹಾಗೂ ಪಾತ್ರ ಎರಡೂ ಬೇರೆ ಬೇರೆ." ಎಂದಿದ್ದರು ಸಂದೀಪ್ ರೆಡ್ಡಿ ವಂಗಾ.
ಪರಿಣಿತಿ ಜಾಗದಲ್ಲಿ ರಶ್ಮಿಕಾ
ಈ ಸಿನಿಮಾದ ನಾಯಕಿ ಪಾತ್ರದಲ್ಲಿ ಮೊದಲು ಪರಿಣಿತಿ ಚೋಪ್ರಾ ಆಯ್ಕೆ ಆಗಿದ್ದರು. ಆದರೆ, ಡೇಟ್ ಸಮಸ್ಯೆಯಿಂದ ಪರಿಣಿತಿ ಚೋಪ್ರಾ ಈ ಸಿನಿಮಾದಿಂದ ಹೊರ ನಡೆದಿದ್ದರು. ಇವರ ಜಾಗಕ್ಕೀಗ ರಶ್ಮಿಕಾ ಮಂದಣ್ಣರನ್ನು ಆಯ್ಕೆ ಮಾಡಿಕೊಳ್ಳಲಾಗಿದೆ. ಟಿ ಸಿರೀಸ್ ಸಂಸ್ಥೆ ಈ 'ಎನಿಮಲ್' ಸಿನಿಮಾವನ್ನು ನಿರ್ಮಾಣ ಮಾಡುತ್ತಿದೆ. ರಣ್ಬೀರ್, ರಶ್ಮಿಕಾ ಮಂದಣ್ಣ ಜೊತೆಗೆ ಅನಿಲ್ ಕಪೂರ್ ಹಾಗೂ ಬಾಬಿ ಡಿಯೋಲ್ ಕೂಡ ಪ್ರಮುಖ ಪಾತ್ರದಲ್ಲಿ ನಟಿಸುತ್ತಿದ್ದಾರೆ.