ಅಮಿತಾಬ್, ಅಭಿಷೇಕ್ ಬಳಿಕ ಈಗ ಐಶ್ವರ್ಯಾ ರೈ ಗೆ ಕೊರೊನಾ ಪಾಸಿಟಿವ್

ನಾನಾವತಿ ಆಸ್ಪತ್ರೆಯಲ್ಲಿ ಚಿಕಿತ್ಸೆ

ಅಮಿತಾಬ್ ಬಚ್ಚನ್ ಮತ್ತು ಅಭಿಷೇಕ್ ಬಚ್ಚನ್ ಇಬ್ಬರೂ ಮುಂಬೈನ ನಾನಾವತಿ ಆಸ್ಪತ್ರೆಯಲ್ಲಿ ಚಿಕಿತ್ಸೆ ಪಡೆಯುತ್ತಿದ್ದು, ಪ್ರಸ್ತುತ ಐಶ್ವರ್ಯಾ ರೈ ಹಾಗೂ ಆರಾಧ್ಯಾರನ್ನೂ ಅಲ್ಲಿಗೆ ಸ್ಥಳಾಂತರಿಸುವ ಸಾಧ್ಯತೆ ಇದೆ.

ಆಂಟಿಜೆನ್ ಪರೀಕ್ಷೆಯಲ್ಲಿ ನೆಗೆಟಿವ್

ಮೊದಲಿಗೆ ಐಶ್ವರ್ಯಾ ರೈ ಮತ್ತು ಜಯಾ ಬಚ್ಚನ್ ಅವರಿಗೆ ಮೊದಲಿಗೆ ಆಂಟಿಜೆನ್ ಎಂಬ ಪರೀಕ್ಷೆಯನ್ನು ಮಾಡಲಾಗಿತ್ತು, ಅದರ ಫಲಿತಾಂಶದಂತೆ ಇಬ್ಬರಿಗೂ ನೆಗೆಟಿವ್ ಬಂದಿತ್ತು. ಆದರೆ ಇದೀಗ ಗಂಟಲು ದ್ರವದ ಪರೀಕ್ಷಾ ವರದಿ ಬಂದಿದ್ದು, ಐಶ್ವರ್ಯಾ ರೈ ಹಾಗೂ ಆರಾಧ್ಯಾ ಗೆ ಕೊರೊನಾ ಇರುವುದು ಧೃಡಪಟ್ಟಿದೆ.

ಜಯಾ ಬಚ್ಚನ್ ಅವರಿಗೂ ಆತಂಕ

ಅಮಿತಾಬ್ ಕುಟುಂಬದ ಜಯಾ ಬಚ್ಚನ್ ಅವರಿಗೂ ಕೊರೊನಾ ಆತಂಕ ಎದುರಾಗಿದ್ದು, ಅವರ ವರದಿಗಾಗಿ ಕಾಯಲಾಗುತ್ತಿದೆ. ಇನ್ನುಳಿದಂತೆ, ಅಮಿತಾಬ್ ಕುಟುಂಬದೊಂದಿಗೆ ಕಳೆದ ಹತ್ತು ದಿನದಲ್ಲಿ ಸಂಪರ್ಕ ಹೊಂದಿದವರು ಸ್ವಯಂ ಪ್ರೇರಿತವಾಗಿ ಪರೀಕ್ಷೆ ಮಾಡಿಸಿಕೊಳ್ಳುವಂತೆ ಅಮಿತಾಬ್ ಮನವಿ ಮಾಡಿದ್ದಾರೆ.