ಮಗಳ ತುಟಿಗೆ ಐಶ್ವರ್ಯ ಮುತ್ತು ಕೊಟ್ಟಿದ್ದು ದೊಡ್ಡ ಪಾಪವೇ.?!

ಇದು ದೊಡ್ಡ ಪಾಪವೇ.?

ತಮ್ಮ ಪುತ್ರಿ ಆರಾಧ್ಯ ಬಚ್ಚನ್ ತುಟಿಗೆ ತುಟಿ ಒತ್ತಿರುವ ನಟಿ ಐಶ್ವರ್ಯ ರೈ ಬಚ್ಚನ್ ಫೋಟೋ ಇದೀಗ ಸೋಷಿಯಲ್ ಮೀಡಿಯಾದಲ್ಲಿ ವೈರಲ್ ಆಗಿದೆ. ಈ ಫೋಟೋ ನೋಡಿ ಕೆಲವರು ಐಶ್ವರ್ಯ ರೈ ಬಚ್ಚನ್ ಗೆ ಛೀಮಾರಿ ಹಾಕುತ್ತಿದ್ದಾರೆ.

ಇದೊಂದು ಕೆಟ್ಟ ಸಂಪ್ರದಾಯ

''ಮಕ್ಕಳಿಗೆ ತಂದೆ-ತಾಯಂದಿರು ಪಾಶ್ಚಿಮಾತ್ಯ ಸಂಸ್ಕೃತಿಯಂತೆ ತುಟಿಗೆ ಯಾಕೆ ಮುತ್ತು ಕೊಡ್ತಾರೋ, ಅರ್ಥ ಆಗಲ್ಲ. ಇದನ್ನ ಹಲವು ಸೆಲೆಬ್ರಿಟಿಗಳು ಮಾಡ್ತಾರೆ. ಇದೊಂದು ಕೆಟ್ಟ ಸಂಪ್ರದಾಯ'' ಎಂದು ಹಲವರು ಐಶ್ವರ್ಯಗೆ ಸೋಷಿಯಲ್ ಮೀಡಿಯಾದಲ್ಲಿ ಚಾಟಿಯೇಟು ಕೊಡುತ್ತಿದ್ದಾರೆ.

ಇದು ಯಾಕೆ ಬೇಕಿತ್ತು.?

''5-6 ವರ್ಷದ ಮಗುವಿನ ತುಟಿಗೆ ಮುತ್ತು ಕೊಡುವುದೇ.? ಛೀ..'' ಅಂತೆಲ್ಲ ಕೆಲವರು ಕಾಮೆಂಟ್ ಮಾಡುತ್ತಿದ್ದಾರೆ. ಅಷ್ಟಕ್ಕೂ, ಇಂತಹ ಫೋಟೋನ ಸೋಷಿಯಲ್ ಮೀಡಿಯಾದಲ್ಲಿ ಹಾಕಿದ್ದು ಯಾಕೆ.? ಎಂಬ ಪ್ರಶ್ನೆಯೂ ಉದ್ಭವ ಆಗಿದೆ.

ಇಷ್ಟು ದಿನ ದೂರ ಇದ್ದದ್ದು ಇದೇ ಕಾರಣಕ್ಕೆ.!

ಸೋಷಿಯಲ್ ಮೀಡಿಯಾದಲ್ಲಿ ಕಾಲೆಳೆಯುವವರ ಸಂಖ್ಯೆ ಜಾಸ್ತಿ ಇದೆ ಎಂಬ ಕಾರಣಕ್ಕೆ ಇಷ್ಟು ದಿನ ಇದರಿಂದ ಐಶ್ವರ್ಯ ದೂರ ಇದ್ದರು. ಹಾಗೂ ಹೀಗೂ ಮನಸ್ಸು ಮಾಡಿ ಇನ್ಸ್ಟಾಗ್ರಾಮ್ ಗೆ ಬಂದ ಐಶ್ವರ್ಯಗೆ ಈಗ ಈ ರೀತಿ ಮಂಗಳಾರತಿ ಮಾಡುತ್ತಿದ್ದಾರೆ ನೆಟ್ಟಿಗರು.