ಎರಡನೇ ಮಗು ಬಗ್ಗೆ ಗುಲ್ಲೆಬ್ಬಿಸಬೇಡಿ: ಐಶ್ವರ್ಯಾ

ಐಶ್ವರ್ಯಾ ರೈ

ಈ ಸಂದರ್ಭದಲ್ಲಿ ಎಲ್ಲರಿಗೂ ಐಶ್ವರ್ಯಾ ಎರಡನೇ ಮಗು ನಿರೀಕ್ಷೆಯಲ್ಲಿದ್ದಾರಾ ಎಂಬ ಸಣ್ಣ ಅನುಮಾನ ಬರುತ್ತದೆ. ಅವರು ಹೆಚ್ಚಾಗಿ ಚಿತ್ರಗಳಲ್ಲಿ ತೊಡಗಿಕೊಳ್ಳದೇ ಇರುವುದು ಅವರ ಎರಡನೇ ಮಗುವಿನ ಬಗ್ಗೆ ಎಲ್ಲಿಲ್ಲದ ಕುತೂಹಲ ಹುಟ್ಟುಹಾಕಿದೆ.

ಈ ಬಗ್ಗೆ ಸ್ಪಷ್ಟಪಡಿಸಿರುವ ಐಶ್ವರ್ಯಾ ರೈ ಬಚ್ಚನ್, "ಅಂತಹ ಸಂದರ್ಭ ಬಂದರೆ ಖಂಡಿತ ಎಲ್ಲರಿಗೂ ತಿಳಿಸುತ್ತೇನೆ. ಆದರೆ ಈಗಲೇ ಆ ಬಗ್ಗೆ ವದಂತಿಗಳನ್ನು ಹಬ್ಬಿಸಬೇಡಿ" ಎಂದು ಮನವಿಕೊಂಡಿದ್ದಾರೆ. ಇತ್ತೀಚೆಗೆ ತನ್ನ ಮಗು ಆರಾಧ್ಯಳ ಸ್ಟೆಮ್ ಸೆಲ್ ಸಂರಕ್ಷಿಸಿರುವ ಬಗ್ಗೆ ಘೋಷಿಸಿದ್ದರು.

ಈ ಸಂದರ್ಭದಲ್ಲಿ ಪತ್ರಕರ್ತರು, ಎರಡನೇ ಬಾರಿಯೂ ತಾವು ಸ್ಟೆಮ್ ಸೆಲ್ ಸಂರಕ್ಷಿಸುತ್ತೀರಾ ಎಂದು ಕೇಳಿದ್ದರು. ಇದಕ್ಕೆ ಉತ್ತರಿಸಿದ ಐಶೂ, "ನಿಮ್ಮ ಪ್ರಶ್ನೆಯ ಒಳಾರ್ಥ ನನಗೆ ಅರ್ಥವಾಯಿತು. ಒಂದು ವೇಳೆ ಆ ರೀತಿಯ ಸಂದರ್ಭ ಬಂದರೆ ನಿಜಕ್ಕೂ ತಿಳಿಸುತ್ತೇನೆ. ಈಗಲೇ ಆ ಬಗ್ಗೆ ವದಂತಿ ಹಬ್ಬಿಸಬೇಡಿ" ಎಂದರು. (ಏಜೆನ್ಸೀಸ್)