ಐಶ್ವರ್ಯಾ ರೈ ಹಳೆಯ ಫೋಟೊ ವೈರಲ್: ಹೊಗಳಿಕೆಯ ಮಹಾಪೂರ

ನೆಲದ ಮೇಲೆ ಕೂತು ಊಟ

ವಿಶ್ವ ಸುಂದರಿ ಕಿರೀಟ ತಲೆಯ ಮೇಲೆ ಇಟ್ಟುಕೊಂಡರೂ ಸರಳವಾಗಿ ತನ್ನ ತಾಯಿ ಬೃಂದಾ ರೈ ಜೊತೆಗೆ ನೆಲದ ಮೇಲೆ ಕುಳಿತುಕೊಂಡು ಭಾರತೀಯ ಆಹಾರವನ್ನು ಐಶ್ವರ್ಯಾ ರೈ ಸವಿಯುತ್ತಿರುವ ಚಿತ್ರ ಭಾರಿ ವೈರಲ್ ಆಗಿದೆ.

ಐಶ್ವರ್ಯಾ ರೈ ಅನ್ನು ಬಹುವಾಗಿ ಹೊಗಳಿದ್ದಾರೆ

ಚಿತ್ರ ನೋಡಿದ ನೆಟ್ಟಿಗರು ಐಶ್ವರ್ಯಾ ರೈ ಅವರನ್ನು ಬಹುವಾಗಿ ಹೊಗಳುತ್ತಿದ್ದಾರೆ. ವಿಶ್ವಕ್ಕೇ ಸುಂದರಿಯಾದರೂ, ವಿಶ್ವ ಸುಂದರಿಯ ಕಿರೀಟ ತಲೆಯ ಮೇಲಿದ್ದರೂ ಐಶ್ವರ್ಯಾ ರೈ ನೆಲವನ್ನು ಬಿಟ್ಟಿಲ್ಲ, ಸರಳತೆಯನ್ನು ಬಿಟ್ಟಿಲ್ಲವೆಂದು ಬಹುವಾಗಿ ಹೊಗಳಿದ್ದಾರೆ..

ಸನ್ಮಾನ ಕಾರ್ಯಕ್ರಮದಲ್ಲಿ ತೆಗೆದ ಚಿತ್ರ

1994 ರಲ್ಲಿ ಐಶ್ವರ್ಯಾ ರೈ ವಿಶ್ವ ಸುಂದರಿ ಪಟ್ಟ ಅಲಂಕರಿಸಿದರು. ಈ ಸ್ಪರ್ಧೆ ಸೌಥ್ ಆಫ್ರಿಕಾದಲ್ಲಿ ನಡೆದಿತ್ತು. ಈಗ ವೈರಲ್ ಆಗಿರುವ ಚಿತ್ರ, ವಿಶ್ವ ಸುಂದರಿ ಕಿರೀಟ ಗೆದ್ದಿದ್ದಕ್ಕೆ ಭಾರತದಲ್ಲಿ ಆಯೋಜಿಸಿದ್ದ ಸನ್ಮಾನ ಕಾರ್ಯಕ್ರಮವೊಂದರಲ್ಲಿ ಐಶ್ವರ್ಯಾ ರೈ ಭಾಗವಹಿಸಿದ್ದಾಗ ತೆಗೆದ ಚಿತ್ರವಿದು ಎನ್ನಲಾಗುತ್ತಿದೆ.

ಐಶ್ವರ್ಯಾ ರೈ ಮುಂಬರುವ ಸಿನಿಮಾಗಳು

ಮಂಗಳೂರು ಮೂಲದ ಐಶ್ವರ್ಯಾ ರೈ ಬಾಲಿವುಡ್‌-ಹಾಲಿವುಡ್‌ ನಲ್ಲೂ ಮಿಂಚಿದ ನಟಿ. ಪತಿ ಅಭಿಶೇಕ್ ಬಚ್ಚನ್ ಅವರೊಡನೆ ಗುಲಾಬ್ ಜಾಮೂನ್ ಸಿನಿಮಾದಲ್ಲಿ ನಟಿಸುತ್ತಿದ್ದಾರೆ. ಇದರ ಜೊತೆಗೆ ಮಣಿರತ್ನಂ ನಿರ್ದೇಶನದ ಪೊನ್ನಿಯಿನ್ ಸೆಲ್ವನ್ ಕಾದಂಬರಿ ಆಧಾರಿತ ಸಿನಿಮಾದಲ್ಲಿ ನಟಿಸಲಿದ್ದಾರೆ.