ಪಾನ್ ಮಸಾಲಾಕ್ಕಿಂತ ಇಮ್ಯುನಿಟಿ ಬೂಸ್ಟರ್ ಬೇಕಾ?: ಟ್ರೋಲ್ ಆದ ಅಜಯ್ ದೇವಗನ್

ಮನೆಯಿಂದಲೇ ಪ್ರಚಾರ

ಇತ್ತೀಚೆಗೆ ನಟ, ನಟಿಯರು ಕೆಲಸವಿಲ್ಲದೆ ಮನೆಯಲ್ಲಿ ಕುಳಿತಿದ್ದಾರೆ ಎಂದು ಅನೇಕರು ಭಾವಿಸಿದ್ದಾರೆ. ಆದರೆ ಮನೆಯಲ್ಲಿಯೇ ಕುಳಿತು ಅವರು ವಿವಿಧ ಉತ್ಪನ್ನಗಳ ಜಾಹೀರಾತು ಪ್ರಚಾರದಲ್ಲಿ ತೊಡಗಿಸಿಕೊಳ್ಳುವ ಮೂಲಕ ದೊಡ್ಡ ಮೊತ್ತದ ಹಣ ಸಂಪಾದಿಸುತ್ತಿದ್ದಾರೆ. ಅವರಲ್ಲಿ ಅಜಯ್ ದೇವಗನ್ ಕೂಡ ಒಬ್ಬರು.

ಸಿನಿಮಾ ಆಗಲಿದೆ 'ಗಲ್ವಾನ್ ಕಣಿವೆ' ಸಂಘರ್ಷ: ಕ್ಲೈಮ್ಯಾಕ್ಸ್ ಪಕ್ಕಾ ಇದೆ ಆಗಿರುತ್ತೆ ಎನ್ನುತ್ತಿದ್ದಾರೆ ನೆಟ್ಟಿಗರು

ಇಮ್ಯುನಿಟಿ ಬೂಸ್ಟರ್

ಟ್ವಿಟ್ಟರ್ ಮತ್ತು ಇನ್‌ಸ್ಟಾಗ್ರಾಂ ಖಾತೆಗಳಲ್ಲಿ ಇಮ್ಯುನಿಟಿ ಬೂಸ್ಟರ್ ಔಷಧವೊಂದನ್ನು ಅಜಯ್ ದೇವಗನ್ ಪ್ರಚಾರ ಮಾಡುತ್ತಿದ್ದಾರೆ. ಒಂದು ತಿಂಗಳಿಗೂ ಹೆಚ್ಚು ಸಮಯದಿಂದ ತೆಗೆದುಕೊಳ್ಳುತ್ತಿದ್ದೇನೆ. ನನ್ನ ಮೇಲೆ ಭಾರಿ ಪರಿಣಾಮ ಉಂಟಾಗಿದೆ. ಇದು ಆನ್‌ಲೈನ್‌ನಲ್ಲಿ ಸಿಗಲಿದೆ. ನೀವು ಪ್ರಯತ್ನಿಸಲು ಸಿದ್ಧರಿದ್ದರೆ ತರಿಸಿಕೊಳ್ಳಬಹುದು ಎಂದು ಅವರು ಹೇಳಿದ್ದಾರೆ.

ಸಂಜಯ್ ಲೀಲಾ ಬನ್ಸಾಲಿ 'ಗಂಗೂಬಾಯಿ' ಸಿನಿಮಾಗೆ ಇಬ್ಬರು ಸ್ಟಾರ್ ನಟರ ಎಂಟ್ರಿ

ಅಜಯ್ ಸೀಕ್ರೆಟ್ ವಿಮಲ್ ಅಲ್ಲವೇ?

ಇದನ್ನು ಕಂಡಿದ್ದೇ ತಡ, ನೆಟ್ಟಿಗರು ಅವರನ್ನು ಟ್ರೋಲ್ ಮಾಡಲು ಆರಂಭಿಸಿದ್ದಾರೆ. ಈ ಹಿಂದೆ ಪಾನ್ ಮಸಾಲಾದ ಜಾಹೀರಾತಿನಲ್ಲಿ ಕಾಣಿಸಿಕೊಳ್ಳುತ್ತಿದ್ದ ಅಜಯ್, ಅವರ ಇಮ್ಯುನಿಟಿಯ ಸೀಕ್ರೆಟ್ ಇಡೀ ದೇಶಕ್ಕೆ ಗೊತ್ತು. ಅದು ವಿಮಲ್ ಪಾನ್ ಮಸಾಲಾ ಎಂದು ಕೆಲವರು ಲೇವಡಿ ಮಾಡಿದ್ದಾರೆ. ವಿಮಲ್ ಕೂಡ ಇಮ್ಯುನಿಟಿ ಹೆಚ್ಚಿಸಬಲ್ಲದೇ? ಎಂದು ಕೆಲವರು ಪ್ರಶ್ನಿಸಿದ್ದಾರೆ.

ಬೋಲ್ ಬಚ್ಚನ್ ಚಿತ್ರ

ಇತ್ತೀಚೆಗೆ ನಟಿ ಪ್ರಾಚಿ ದೇಸಾಯಿ ಕೂಡ ಅಜಯ್ ದೇವಗನ್ ಅವರನ್ನು ಕೆಣಕಿದ್ದರು. ಆದರೆ ಇದು ಪಾನ್ ಮಸಾಲಾ ಅಥವಾ ಇಮ್ಯುನಿಟಿ ಬೂಸ್ಟರ್ ಜಾಹೀರಾತಿನ ಕಾರಣಕ್ಕೆ ಅಲ್ಲ. 'ಬೋಲ್ ಬಚ್ಚನ್' ಚಿತ್ರಕ್ಕೆ ಎಂಟು ವರ್ಷ ತುಂಬಿದ ಸಂದರ್ಭದಲ್ಲಿ ಅಜಯ್ ದೇವಗನ್ ಒಂದು ಪೋಸ್ಟ್ ಹಾಕಿದ್ದರು. 'ಬಚ್ಚನ್ಸ್ ಮಾತನಾಡುವಾಗ ನಾನು ಕೇಳಿಸಿಕೊಳ್ಳುತ್ತೇನೆ (ಮುಖ್ಯವಾಗಿ ಅಮಿತ್‌ಜಿ) ಎಂದು ಬೋಲ್ ಬಚ್ಚನ್‌ ಚಿತ್ರದ ಕೆಲವು ಫೋಟೊಗಳನ್ನು ಹಾಕಿದ್ದ ಅವರು, ಅದಕ್ಕೆ ಅಭಿಷೇಕ್ ಬಚ್ಚನ್, ಅಮಿತಾಬ್ ಬಚ್ಚನ್ ಮತ್ತು ನಿರ್ದೇಶಕ ರೋಹಿತ್ ಶೆಟ್ಟಿ ಅವರನ್ನು ಟ್ಯಾಗ್ ಮಾಡಿದ್ದರು.

ಕಾಲೆಳೆದ ಪ್ರಾಚಿ

ಆದರೆ, ಅಜಯ್ ದೇವಗನ್ ಅವರ ಪೋಸ್ಟ್‌ನಲ್ಲಿ, ಚಿತ್ರದಲ್ಲಿ ಅವರ ತಂಗಿಯಾಗಿ ಮತ್ತು ಅಭಿಷೇಕ್ ಬಚ್ಚನ್ ಪ್ರೇಯಸಿಯಾಗಿ ನಟಿಸಿದ್ದ ಪ್ರಾಚಿ ದೇಸಾಯಿ ಅವರ ಪ್ರಸ್ತಾಪವೇ ಇರಲಿಲ್ಲ. ಇದನ್ನು ಕಂಡು ಪ್ರಾಚಿ, ಆಸಿನ್, ಕೃಷ್ಣ ಅಭಿಷೇಕ್, ಅರ್ಚನಾ ಪೂರಣ್ ಸಿಂಗ್, ಅಸ್ರಾನ್ ಜಿ, ನೀರಜ್ ವೊಹ್ರಾ, ಜೀತು ವರ್ಮಾ ಮತ್ತು ಚಿತ್ರದಲ್ಲಿ ಭಾಗಿಯಾಗಿದ್ದ ಎಲ್ಲರನ್ನೂ ಉಲ್ಲೇಖಿಸುವುದನ್ನು ಮರೆತಿದ್ದೀರಿ ಎನಿಸುತ್ತದೆ ಎಂದು ಟ್ವೀಟ್ ಮಾಡಿದ್ದರು.