ಬಡ ದಂಪತಿಯ ಸ್ಲಂ ಮನೆಗೆ ಮಗಳ ಜೊತೆ ಹೋದ ಅಕ್ಷಯ್ ಕುಮಾರ್

ವಿಶ್ವದ ಅತಿ ಹೆಚ್ಚು ಸಂಭಾವನೆ ಪಡೆಯುವ ನಟರ ಟಾಪ್ 10 ಪಟ್ಟಯಲ್ಲಿ ನಾಲ್ಕನೇ ಸ್ಥಾನದಲ್ಲಿದ್ದಾರೆ ಅಕ್ಷಯ್ ಕುಮಾರ್. ಬಾಲಿವುಡ್ ನ ಬಹುಬೇಡಿಕೆಯ ನಟ. ಸದ್ಯ ಅಕ್ಷಯ್ ಕುಮಾರ್ ನಟನೆಯ ಹೌಸ್ ಫುಲ್ 4 ಸಿನಿಮಾ ಬಿಡುಗಡೆಯಾಗಿ ಭರ್ಜರಿ ಬಿಸಿನೆಸ್ ಮಾಡ್ತಿದೆ.

ಇಂತಹ ಶ್ರೀಮಂತ ನಟ ನಟ ಅಕ್ಷಯ್ ಕುಮಾರ್ ತಮ್ಮ ಮಗಳನ್ನ ಕರೆದುಕೊಂಡು, ಸ್ಲಂನಲ್ಲಿ ವಾಸವಾಗಿರುವ ಬಡದಂಪತಿಯ ಮನೆಗೆ ಭೇಟಿ ನೀಡಿದ್ದಾರೆ.

ಬೆಳಿಗ್ಗೆ ಮಗಳು ನಿತಾರ ಜೊತೆಯಲ್ಲಿ ವಾಕಿಂಗ್ ಹೋಗಿದ್ದಾರೆ. ಈ ವೇಳೆ ಮಗಳಿಗೆ ಬಾಯಾರಿಕೆ ಆಗಿದೆ. ನೀರು ಬೇಕು ಎಂದು ಕೇಳಿದ್ದಾರೆ. ಆಗ, ಪಕ್ಕದಲ್ಲಿದ್ದ ಸ್ಲಂಗೆ ಭೇಟಿ ಕೊಟ್ಟ ಅಕ್ಷಯ್ ಕುಮಾರ್, ಬಡ ವೃದ್ದ ದಂಪತಿ ವಾಸವಾಗಿದ್ದ ಮನೆಗೆ ಹೋಗಿದ್ದಾರೆ.

ಅಕ್ಷಯ್ ಕುಮಾರ್ ಅವರನ್ನ ಖುಷಿಯಿಂದ ಬರಮಾಡಿಕೊಂಡು ಆ ಬಡದಂಪತಿ, ಕುಡಿಯಲು ನೀರು ಕೊಟ್ಟು, ಜೊತೆಗೆ ಬೆಲ್ಲ ಮತ್ತು ರೊಟ್ಟಿ ನೀಡಿ ಸತ್ಕರಿಸಿದ್ದಾರೆ. ಇದರಿಂದ ಅಕ್ಷಯ್ ಕುಮಾರ್ ತೀವ್ರ ಸಂತಸವಾಗಿದ್ದಾರೆ.

ಬಳಿಕ ಈ ಫೋಟೋಗಳನ್ನ ಸಾಮಾಜಿಕ ಜಾಲತಾಣದಲ್ಲಿ ಹಂಚಿಕೊಂಡಿರುವ ಅಕ್ಷಯ್, ''ಮಗಳಿಗೆ ಇಂದು ಒಂದೊಳ್ಳೆ ಜೀವನದ ಪಾಠ ಸಿಕ್ಕಿದೆ. ಆ ಬಡ ದಂಪತಿಯ ಪ್ರೀತಿಗೆ ಬೆಲೆ ಕಟ್ಟಲು ಸಾಧ್ಯವಿಲ್ಲ'' ಎಂದಿದ್ದಾರೆ.

ಅಕ್ಷಯ್ ಕುಮಾರ್ ಅವರ ನಡೆಗೆ ನೆಟ್ಟಿಗರಿಂದ ಮೆಚ್ಚುಗೆ ವ್ಯಕ್ತವಾಗುತ್ತಿದೆ. ಎಷ್ಟೆ ದೊಡ್ಡ ನಟರಾದರೂ, ಜನಸಾಮನ್ಯರ ಬದುಕಿನೊಂದಿಗೆ ಬೆರೆಯುವುದು ನಿಜವಾದ ಮನುಷ್ಯನ ಸ್ವಭಾವ ಎಂದು ಸಂತಸ ಹಂಚಿಕೊಳ್ಳುತ್ತಿದ್ದಾರೆ.