'ಪಬ್ಜಿ' ಹೋದ್ರೇನಂತೆ, 'ಫೌಜಿ' ಇದೆ ಅಂತಿದ್ದಾರೆ ನಟ ಅಕ್ಷಯ್ ಕುಮಾರ್

ಭಾರತ್ ಕೇ ವೀರ್ ಟ್ರಸ್ಟ್ ಗೆ ಸಹಾಯ

ಇನ್ನೂ ಈ ಗೇಮ್ ನಿಂದ ಬರುವ ಆದಾಯದ ಶೇ 20ರಷ್ಟು 'ಭಾರತ್ ಕೇ ವೀರ್' ಟ್ರಸ್ಟ್ ಗೆ ನೀಡಲಾಗುವುದು. ಫಿಯರ್ ಲೆಸ್ ಅಂಡ್ ಯುನೈಟೆಡ್ ಗಾರ್ಡ್ಸ್ ಎಂಬ ಹೆಸರಿನ ಈ ಗೇಮಿಂಗ್ ಆಪ್ ಹಲವು ವಿಶೇಷತೆಗಳಿಂದ ಕೂಡಿದೆ. ಸೈನಿಕರ ತ್ಯಾಗ ಬಲಿದಾನದ ಬಗ್ಗೆ ಈ ಗೇಮ್ ನಲ್ಲಿ ತಿಳಿಸಲಾಗಿದೆಯಂತೆ.

ವಿಶ್ವದ ಅತೀ ಹೆಚ್ಚು ಸಂಭಾವನೆ ಪಡೆಯುವ ನಟರ ಪಟ್ಟಿಯಲ್ಲಿ ಏಕೈಕ ಭಾರತೀಯ ಅಕ್ಷಯ್ ಕುಮಾರ್

ಅಕ್ಷಯ್ ಕುಮಾರ್ ಹೇಳಿದ್ದೇನು?

ಈ ಗೇಮ್ ಅನ್ನು ಘೋಷಣೆ ಮಾಡಿ ನಟ ಅಕ್ಷಯ್ ಕುಮಾರ್ ಸಾಮಾಜಿಕ ಜಾಲತಾಣದಲ್ಲಿ ಹೆಮ್ಮೆಯಾಗುತ್ತಿದೆ ಎಂದು ಬರೆದುಕೊಂಡಿದ್ದಾರೆ. "ಪಿಎಂ ನರೇಂದ್ರ ಮೋದಿ ಅವರ ಆತ್ಮ ನಿರ್ಭಾರ್ ಆಂದೋಲನವನ್ನು ಬೆಂಬಲಿಸಿ, ಈ ಗೇಮ್ ಅನ್ನು ಪ್ರಸ್ತುತಪಡಿಸಲು ಹೆಮ್ಮೆಯಾಗುತ್ತೆ. ಫಿಯರ್ ಲೆಸ್ ಮತ್ತು ಯುನೈಟೆಡ್ ಗಾರ್ಡ್ಸ್ ಫೌಜಿ, ಮನರಂಜನೆಯ ಜೊತೆಗೆ ನಮ್ಮ ಸೈನಿಕರ ತ್ಯಾಗ, ಬಲಿದಾನದ ಬಗ್ಗೆಯು ಕಲಿಯುತ್ತಾರೆ" ಎಂದು ಬರೆದುಕೊಂಡಿದ್ದಾರೆ.

ನೆಟ್ಟಿಗರ ಮೆಚ್ಚುಗೆ

ಅಕ್ಷಯ್ ಕುಮಾರ್ ಪೋಸ್ಟ್ ಗೆ ಅಭಿಮಾನಿಗಳು ಸಂತಸ ವ್ಯಕ್ತಪಡಿಸಿ ಕಾಮೆಂಟ್ ಮಾಡುತ್ತಿದ್ದಾರೆ. ಜೊತೆಗೆ ಫೌಜಿ ಗೇಮ್ ಬಗ್ಗೆ ಸಾಕಷ್ಟು ಕುತೂಹಲರಾಗಿದ್ದಾರೆ. ಪಬ್ಜಿ ಸೇರಿದ್ದಂತೆ ಕೇಂದ್ರ ಸರ್ಕಾರ ಈಗಾಗಲೇ 118 ಆಪ್ ಗಳನ್ನು ಬ್ಯಾನ್ ಮಾಡಿದೆ. ಪಬ್ಜಿ ಬ್ಯಾನ್ ಆಗುತ್ತಿದ್ದಂತೆ ನಿರಾಸೆಯಾಗಿದ್ದ ಆಟಗಾರರಿಗೆ ಫೌಜಿ ಗೇಮ್ ಅನೌನ್ಸ್ ಮಾಡಿರುವುದು ಖುಷಿ ನೀಡಿದೆ.

ಅಕ್ಷಯ್ ಕುಮಾರ್ ದೊಡ್ಡ ಸ್ವಾರ್ಥಿ, ಹಣವಷ್ಟೆ ಆತನಿಗೆ ಮುಖ್ಯ ಎಂದ ನಿರ್ಮಾಪಕ

ಬೆಂಗಳೂರು ಮೂಲದ ಸಂಸ್ಥೆ ಸಿದ್ಧಪಡಿಸಿದ ಗೇಮ್

ಬೆಂಗಳೂರು ಮೂಲದ ಎನ್ ಕೋರ್ ಸಂಸ್ಥೆ ಈ ಗೇಮ್ ಅಪ್ಲಿಕೇಶನ್ ಅನ್ನು ಸಿದ್ಧಪಡಿಸಿದೆ. ಅಕ್ಟೋಬರ್ ತಿಂಗಳ ಕೊನೆಯ ವೇಳೆಗೆ ಈ ಗೇಮ್ ಎಲ್ಲರಿಗೂ ಲಭ್ಯವಾಗಲಿದೆ. ಆಟದ ಮೊದಲ ಹಂತದಲ್ಲಿ ಗಾಲ್ವಾನ್ ವ್ಯಾಲಿಯನ್ನು ಅಧರಿಸಿದೆಯಂತೆ.