ಮತ್ತೆ ಸಂಭಾವನೆ ಹೆಚ್ಚಿಸಿಕೊಂಡ ಅಕ್ಷಯ್ ಕುಮಾರ್; ಒಂದು ಸಿನಿಮಾಗೆ ಪಡೆಯುವ ಹಣವೆಷ್ಟು?

117 ಕೋಟಿ ಪಡೆಯುತ್ತಿದ್ದ ಅಕ್ಷಯ್ ಕುಮಾರ್

ಬ್ಯಾಕ್ ಟು ಬ್ಯಾಕ್ ಹಿಟ್ ಸಿನಿಮಾಗಳನ್ನು ನೀಡುತ್ತಿರುವ ಅಕ್ಷಯ್ ಈ ವರ್ಷ ಕೊರೊನಾದಿಂದ ಸಿನಿಮಾಗಳ ಸಂಖ್ಯೆ ಕಡಿಮೆ ಆಗಿದೆ. ಆದರೆ ಸಾಲು ಸಾಲು ಸಿನಿಮಾಗಳು ಅಕ್ಷಯ್ ಕುಮಾರ್ ಬಳಿ ಇದೆ. ಈ ವರ್ಷ ಅಕ್ಷಯ್ ತನ್ನ ಸಂಭಾವನೆಯನ್ನು 108 ಕೋಟಿಯಿಂದ ಇತ್ತೀಚಿಗಷ್ಟೆ 117 ಕೋಟಿ ರೂ.ಗೆ ಏರಿಸಿಕೊಂಡಿದ್ದರು. ಇದೀಗ ಮತ್ತೆ ಸಂಭಾವನೆ ಹೆಚ್ಚಿಸಿಕೊಂಡು ಅಚ್ಚರಿ ಮೂಡಿಸಿದ್ದಾರೆ.

135 ಕೋಟಿ ರೂಪಾಯಿಗೆ ಸಂಭಾವನೆ ಏರಿಕೆ

ಸಿನಿಮಾದಲ್ಲಿ ಅಕ್ಷಯ್ ಕುಮಾರ್ ಇದ್ದರೆ ಕಡಿಮೆ ಬಜೆಟ್ ನಲ್ಲಿ, ಕಡಿಮೆ ಖರ್ಚಿನಲ್ಲಿ ಉತ್ತಮ ಸಿನಿಮಾ ಮಾಡಿ, ದುಪ್ಪಟ್ಟು ಹಣ ಗಳಿಸಬಹುದು ಎನ್ನುವುದು ನಿರ್ಮಾಪಕರ ಲೆಕ್ಕಾಚಾರ. ಹಾಗಾಗಿ ಅಕ್ಷಯ್ ಕುಮಾರ್ ಗೆ ಬೇಡಿಕೆಯೂ ಹೆಚ್ಚು. ಬೇಡಿಕೆ ಹೆಚ್ಚಾಗುತ್ತಿದ್ದಂತೆ ಅಕ್ಷಯ್ ತನ್ನ ಸಂಭಾವನೆಯನ್ನು ಏರಿಸಿಕೊಳ್ಳುತ್ತಿದ್ದಾರೆ, ಇದೀಗ ಅಕ್ಷಯ್ ಒಂದು ಸಿನಿಮಾಗೆ 135 ಕೋಟಿ ರೂ. ಸಂಭಾವನೆ ಪಡೆಯುತ್ತಾರೆ ಎನ್ನುವ ಮಾತು ಕೇಳಿಬರುತ್ತಿದೆ.

2022ರಲ್ಲಿ ರಿಲೀಸ್ ಆಗುವ ಸಿನಿಮಾಗಳಿಗೆ ಸಂಭಾವನೆ ಹೆಚ್ಚಳ

2021ರಲ್ಲಿ ರಿಲೀಸ್ ಆಗಲು ಸಿದ್ಧವಾಗಿರುವ ಸಿನಿಮಾಗಳಿಗೆ 100 ಕೋಟಿ ರೂ. ಗಳಿಂದ 117 ಕೋಟಿ ವರೆಗೂ ಸಂಭಾವನೆ ಪಡೆದಿದ್ದ ಅಕ್ಷಯ್ ಕುಮಾರ್, 2022ರಲ್ಲಿ ರಿಲೀಸ್ ಆಗುವ ಸಿನಿಮಾಗಳಿಗೆ 135 ರೂ. ಪಡೆಯುತ್ತಿದ್ದಾರೆ. ಈಗಾಗಲೇ ಅಕ್ಷಯ್ ಸಾಕಷ್ಟು ಸಿನಿಮಾಗಳ ಕಥೆ ಕೇಳಿ, ಸಹಿ ಮಾಡುತ್ತಿದ್ದಾರಂತೆ. ಅಕ್ಷಯ್ ಕುಮಾರ್ ಸದ್ಯ ಸೂರ್ಯವಂಶಿ ಮತ್ತು ಬೆಲ್ ಬಾಟಂ ಸಿನಿಮಾದ ರಿಲೀಸ್ ಗೆ ಎದುರು ನೋಡುತ್ತಿದ್ದಾರೆ.

ಅಕ್ಷಯ್ ಕುಮಾರ್ ಬಳಿ ಇರುವ ಸಿನಿಮಾಗಳು

ಅಕ್ಷಯ್ ಕುಮಾರ್ ಬಳಿ ಪೃಥ್ವಿರಾಜ್, ಅತ್ರಂಗಿ ರೇ, ರಾಮ್ ಸೇತು, ಮಿಷನ್ ಲಯನ್, ಬಚ್ಚನ್ ಪಾಂಡೆ, ರಕ್ಷಾಬಂಧನ್ ಸಿನಿಮಾಗಳಿವೆ. ಈ ಎಲ್ಲಾ ಸಿನಿಮಾಗಳನ್ನು 2021ರಲ್ಲಿ ಪೂರ್ಣಗೊಳಿಸಲಿದ್ದಾರೆ. ಮುಂದಿನ ವರ್ಷ ಸಹಿ ಮಾಡುವ ಸಿನಿಮಾಗಳಿಗೆ ಹೆಚ್ಚಿನ ಸಂಭಾವನೆ ಪಡೆಯಲಿದ್ದಾರೆ. ಅಕ್ಷಯ್ ಕುಮಾರ್ ಈ ವರ್ಷ ಲಕ್ಷೀ ಸಿನಿಮಾ ಮೂಲಕ ಅಭಿಮಾನಿಗಳ ಮುಂದೆ ಬಂದಿದ್ದಾರೆ. ಈ ಸಿನಿಮಾ ಒಟಿಟಿಯಲ್ಲಿ ರಿಲೀಸ್ ಆಗಿದೆ.