'2.0' ಚಿತ್ರದ ಬಗ್ಗೆ ಅಕ್ಷಯ್ ಕುಮಾರ್ ಕೊಟ್ರು ಬ್ರೇಕಿಂಗ್ ನ್ಯೂಸ್.!

ಅಕ್ಷಯ್ ವಿಲನ್ ಅಲ್ಲ.!

'2.0' ಚಿತ್ರದಲ್ಲಿ ಅಕ್ಷಯ್ ಕುಮಾರ್ ಫಸ್ಟ್ ಲುಕ್ ಪೋಸ್ಟರ್ ನೋಡಿ ಅಕ್ಷಯ್ ವಿಲನ್ ಎಂದು ಬಾವಿಸಲಾಗಿತ್ತು. ಆದ್ರೆ, ಎಲ್ಲರೂ ಅಂದುಕೊಂಡಿರುವಂತೆ ಬಾಲಿವುಡ್ ನಟ ಅಕ್ಷಯ್ ಕುಮಾರ್ '2.0' ಚಿತ್ರದಲ್ಲಿ ವಿಲನ್ ಅಲ್ಲ.

ರಜನಿಕಾಂತ್ ಹೀರೋನೂ ಅಲ್ಲ.!

ಇನ್ನು '2.0' ಚಿತ್ರದಲ್ಲಿ ಅಕ್ಷಯ್ ಕುಮಾರ್ ಹೇಗೆ ವಿಲನ್ ಅಲ್ವೋ ಅದೇ ರೀತಿ, ಸೂಪರ್ ಸ್ಟಾರ್ ರಜನಿಕಾಂತ್ ಹೀರೋ ಅಲ್ಲ ಎನ್ನುವುದು ಕೂಡ ಅಷ್ಟೇ ಸತ್ಯ ಎನ್ನಲಾಗಿದೆ.

ಅಕ್ಷಯ್ ಪಾತ್ರವೇನು?

ಸ್ವತಃ ಅಕ್ಷಯ್ ಕುಮಾರ್ ಅವರೇ ಹೇಳಿಕೊಂಡಿರುವ ಪ್ರಕಾರ ಡಾ.ರಿಚರ್ಡ್ಸ್ ಪಾತ್ರದಲ್ಲಿ ಅಕ್ಷಯ್ ಕುಮಾರ್ ಬಣ್ಣ ಹಚ್ಚಿದ್ದು, ಸರಿಯಾದ ಕಾರಣಗಳಿಗಾಗಿ ಹೋರಾಡುವ ನಾಯಕನ ಪಾತ್ರವಂತೆ. ಭೂಮಿಯ ಮೇಲೆ ಸಂಘ‍ರ್ಷ ಉಂಟು ಮಾಡುವಂತಹ ಶಕ್ತಿಗಳ ವಿರುದ್ಧ ಹೋರಾಟ ಮಾಡುವ ಪಾತ್ರವಂತೆ.

ಅಕ್ಷಯ್ ವೃತ್ತಿಜೀವನದಲ್ಲಿ ವಿಶೇಷ

ಅಂದ್ಹಾಗೆ, ಇಂತಹ ಪಾತ್ರವನ್ನ ಅಕ್ಷಷಯ್ ಕುಮಾರ್ ತಮ್ಮ ವೃತ್ತಿ ಜೀವನದಲ್ಲಿ ಮಾಡಿಲ್ಲವಂತೆ. ಇದು ನೆಗಿಟೀವ್ ಶೇಡ್ ಹೊಂದಿರುವ ಪಾತ್ರವಲ್ಲವಂತೆ. ಆದ್ರೆ, ಪೋಸ್ಟರ್ ಮಾತ್ರ ಆ ರೀತಿ ಮಾಡಲಾಗಿದೆ ಎಂಬ ಸುದ್ದಿಯನ್ನ ಅಕ್ಷಯ್ ಬಿಚ್ಚಿಟ್ಟಿದ್ದಾರೆ.

ಹಾಗಿದ್ರೆ, ಚಿತ್ರಕ್ಕೆ ವಿಲನ್ ಯಾರು?

ಅಕ್ಷಯ್ ಕುಮಾರ್ ಬಿಚ್ಚಿಟ್ಟಿರುವ ಬ್ರೇಕಿಂಗ್ ನ್ಯೂಸ್ ನ್ನ ಗಮನಿಸುವುದಾದರೇ ಚಿತ್ರದಲ್ಲಿ ರಜನಿಕಾಂತ್ ದ್ವೀಪಾತ್ರವನ್ನ ನಿರ್ವಹಿಸಿದ್ದು, ಚಿಟ್ಟಿ ಅವತಾರದಲ್ಲಿ ರಜನಿ ಮತ್ತೆ ಅಬ್ಬರಿಸಿಲಿದ್ದಾರೆ ಎಂಬುದು ಪಕ್ಕಾ ಎನ್ನಲಾಗುತ್ತಿದೆ.

ಯಾವಾಗ ಬಿಡುಗಡೆ

ಶಂಕರ್ ನಿರ್ದೇಶನ ಮಾಡಿರುವ ಈ ಚಿತ್ರದ ಸುಮಾರು 450 ಕೋಟಿ ವೆಚ್ಚದಲ್ಲಿ ತಯಾರಾಗಿದ್ದು, 2018ರ ಜನವರಿ ತಿಂಗಳಿನಲ್ಲಿ ಬಿಡುಗಡೆಯಾಗುತ್ತಿದೆ.