ಕತ್ರೀನಾ-ವಿಕ್ಕಿ ಮದುವೆ ಬಗ್ಗೆ ಪ್ರಶ್ನೆ ಮಾಡಿದ್ದು ಯಾಕೆ ಅಕ್ಷಯ್ ಕುಮಾರ್!

ಟಾಕ್‌ ಶೋ ನಲ್ಲಿ ಅಕ್ಷಯ್‌ ಕುಮಾರ್ ಹೇಗೆ ಹೇಳಿದ್ದು ಯಾಕೆ?

ಕತ್ರೀನಾ-ವಿಕ್ಕಿ ವಿವಾಹದ ವಿಡಿಯೋಗಳು ಇನ್ನೂ ಲಭ್ಯವಾಗಿಲ್ಲ. ಯಾಕೆಂದರೆ ಕತ್ರೀನಾ ಕೈಫ್ ಮತ್ತು ವಿಕ್ಕಿ ಕೌಶಲ್ ವಿವಾಹದ ವಿಡಿಯೋ ಪ್ರಸಾರದ ಹಕ್ಕನ್ನು ದೊಡ್ಡ ಮೊತ್ತ ನೀಡಿ ಅಮೆಜಾನ್ ಪ್ರೈಮ್ ಖರೀದಿ ಮಾಡಿದೆ. ಹೀಗಾಗಿ ಮದುವೆಯ ಒಂದಷ್ಟು ಫೊಟೋಗಳನ್ನು ಬಿಟ್ಟರೇ ಮತ್ಯಾವುದೇ ವಿಡಿಯೋಗಳು ಇನ್ನು ಹೊರಬಂದಿಲ್ಲಾ. ಹಾಗೇ ಕತ್ರಿನಾ ಕೈಫ್ ಮತ್ತು ವಿಕ್ಕ ಕೌಶಲ್ ಮದುವೆಯ ಬಗ್ಗೆ ಸೋಶಿಯಲ್ ಮೀಡಿಯಾಗಳಲ್ಲಿ ಸಾಕಷ್ಟು ಟ್ರೋಲ್‌ಗಳನ್ನು ಮಾಡಲಾಗುತ್ತಿದೆ. ಕತ್ರೀನಾ ಮತ್ತು ವಿಕ್ಕಿ ಕೌಶಲ್ ವಯಸ್ಸಿನ ಅಂತರದ ಬಗ್ಗೆ ಭಾರೀ ಚರ್ಚೆ ಜೊತೆಗೆ ಟ್ರೋಲ್ ಕೂಡ ಆಗುತ್ತಿದೆ.

ಅಕ್ಷಯ್ ಕುಮಾರ್ ಮಾಡಿದ ಕಾಮಿಡಿ ಹಿಂದೆ ಇದೆಯಾ ಕಾರಣ ?

ಈಗ ಕತ್ರೀನಾ ಮದುವೆಯ ವಿಚಾರವಾಗಿ ಬಾಲಿವುಡ್ ನಟ ಅಕ್ಷಯ್ ಕುಮಾರ್ ಅವರು ಸಹಾ ಹಾಸ್ಯ ಚಟಾಕಿ ಹಾರಿಸಿದ್ದಾರೆ. ನಟ ಅಕ್ಷಯ್ ಕುಮಾರ್ ನಟಿಸಿರುವ ಅಂತರಂಗೀ ಸಿನಿಮಾ ಕೆಲವೇ ದಿನಗಳ ಹಿಂದೆ ಬಿಡುಗಡೆಗೊಂಡಿದೆ. ಈ ಸಿನಿಮಾದಲ್ಲಿ ಅಕ್ಷಯ್ ಕುಮಾರ್ ನಟಿ ಸಾರಾ ಅಲಿ ಖಾನ್ ಜೊತೆ ತೆರೆ ಹಂಚಿಕೊಂಡಿದ್ದಾರೆ. ಈ ಸಿನಿಮಾದ ಪ್ರಮೋಷನ್ ಭಾಗವಾಗಿ ಅಕ್ಷಯ್ ಕುಮಾರ್ ಹಾಗೂ ಸಾರಾ ಕಿರುತೆರೆಯ ಜನಪ್ರಿಯ ಕಾಮೆಡಿ ಶೋ ದಿ ಕಪಿಲ್ ಶರ್ಮಾ ಶೋ ಗೆ ಆಗಮಿಸಿದ್ದರು.ಈ ಶೋ ನಲ್ಲಿ ಅಕ್ಷಯ್ ಕುಮಾರ್ ಏನು ಮಾತನಾಡಿದ್ದಾರೆ ಮುಂದೆ ಓದಿ.

ಹೇಗಿತ್ತು ಮದುವೆ ಎಂದು ಕೇಳಿದ ಅಕ್ಷಯ್ ಕುಮಾರ್ !

ಶೋನಲ್ಲಿ ಕಿಕು ಶಾರದಾ ಹಾಸ್ಯ ಚಟಾಕಿ ಹಾರಿಸುತ್ತಾ, ನಾನು ಈಗಷ್ಟೇ ರಾಜಸ್ಥಾನದಿಂದ ಬಂದೆ. ಅಲ್ಲಿ ನಾನು ಒಂದು ಬಹಳ ಅದ್ದೂರಿ, ಹೈ ಫೈ ಎನಿಸುವ ಮದುವೆಯಲ್ಲಿ ಪಾಲ್ಗೊಂಡಿದ್ದೆ. ನನ್ನ ಇಡೀ ಜೀವನದಲ್ಲಿ ನಾನು ಅಂತಹ ಮದುವೆಯನ್ನು ನೋಡಿಲ್ಲ ಎಂದರೆ ನೀವು ನಂಬುವುದಿಲ್ಲ ಎಂದು ಹೇಳುತ್ತಾರೆ. ಆಗ ನಟ ಅಕ್ಷಯ್ ಕುಮಾರ್ ಆ ಮಾತನ್ನು ಕೇಳಿ ಆಶ್ಚರ್ಯ ಪಡುತ್ತಾ ಏಕೆ ? ಎನ್ನುವ ಪ್ರಶ್ನೆಯನ್ನು ಮಾಡುತ್ತಾರೆ.

ಏನು ಹೇಳುತ್ತಿದ್ದಾರೆ ಬಾಲಿವುಡ್ ಮಂದಿ?

ಕಿಕು ಶಾರದಾ ಆಗ, ನನಗೆ ಅವರು ಮದುವೇನಾ ನೋಡೋಕೆ ಬಿಡ್ಲಿಲ್ಲ, ಆದರೆ ಮದುವೆ ಮಾತ್ರ ಚೆನ್ನಾಗಿ ನಡೆಯಿತು ಎಂದು ತಮಾಷೆ ಮಾಡಿದಾಗ, ಅದಕ್ಕೆ ಪ್ರತಿಕ್ರಿಯೆ ನೀಡಿದ ಕುಮಾರ್ ಬಹುಶಃ ನೀವು ಮದುವೆಯಲ್ಲಿ ಕಿಟ್ ಕ್ಯಾಟ್ ತಿಂದಿರಬಹುದು ಅಲ್ಲವೇ? ಎಂದು ಪರೋಕ್ಷವಾಗಿ ಕತ್ರಿನಾ ಅವರ ಶಾರ್ಟ್ ಹೆಸರನ್ನು ತಂದು ಹಾಸ್ಯ ಚಟಾಕಿಯನ್ನು ಹಾರಿಸಿದ್ದಾರೆ. ಅಕ್ಷಯ್ ಹಾಸ್ಯ ಚಟಾಕಿ ಹಾರಿಸಿದ ವಿಡಿಯೋ ತುಣುಕು ಸಾಮಾಜಿಕ ಜಾಲತಾಣಗಳಲ್ಲಿ ಹರಿದಾಡುತ್ತಿದೆ.