Don't Miss!
- News ತೊಳೆಯೋದಕ್ಕೂ ನೀರು ಇಲ್ಲ ಗುರೂ: ಜನ ಹಿಂಗೆ ಕೇಳ್ತಿದ್ದಾರೆ!
- Lifestyle ಬೇಸಿಗೆಗೆ ಈ 3 ಸೊಪ್ಪಿನ ಚಟ್ನಿ ಆರೋಗ್ಯಕ್ಕೆ ತುಂಬಾನೇ ಒಳ್ಳೆಯದು
- Sports GT vs DC: ಐಪಿಎಲ್ನಲ್ಲಿ ಡೆಲ್ಲಿ ಕ್ಯಾಪಿಟಲ್ಸ್ ದೊಡ್ಡ ಗೆಲುವು: ಗುಜರಾತ್ಗೆ ತವರಿನಲ್ಲಿ ಸೋಲು
- Automobiles ಸುಜುಕಿ ಹಯಬುಸಾ 25ನೇ ಆನಿವರ್ಸರಿ ಎಡಿಷನ್ ಬಿಡುಗಡೆ: ಬೆಲೆ ಎಷ್ಟು?
- Finance ಇನ್ಮುಂದೆ EMI ಕಟ್ಟೋದು ತಡವಾದ್ರೆ ಚಿಂತಿಸೋಹಾಗಿಲ್ಲ, ಫೈನ್ ಕೂಡ ಕಟ್ಟುವಂತಿಲ್ಲ!
- Technology ಸದ್ಯ ಎಂಟ್ರಿ ಲೆವೆಲ್ನಲ್ಲಿ ಇವೇ ಬೆಸ್ಟ್ ಸ್ಮಾರ್ಟ್ಫೋನ್ಗಳು!..ಫೀಚರ್ಸ್ ಏನು?
- Education ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು
- Travel Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
ಸಹ ನಟಿಯನ್ನು ಮನಸಾರೆ ಹೊಗಳಿದ ಅಕ್ಷಯ್ ಕುಮಾರ್
ಸಿನಿಮಾ ರಂಗದಲ್ಲಿ ಪರಸ್ಪರ ಹೊಗಳಿಕೆ ತುಸು ಕಡಿಮೆಯೇ. ಅದರಲ್ಲೂ ಸ್ಟಾರ್ ನಟರೊಬ್ಬರು ನಟಿಯನ್ನು ಹೊಗಳುವುದು ಅಪರೂಪವೇ. ಆದರೆ ನಟ ಅಕ್ಷಯ್ ಕುಮಾರ್ ತಮ್ಮ ಸಹನಟಿಯನ್ನು ಹೊಗಳಿದ್ದಾರೆ.
ನಟಿ ತಾಪ್ಸಿ ಅವರ ಪ್ರತಿಭೆಯನ್ನು ಕೊಂಡಾಡಿದ್ದಾರೆ ನಟ ಅಕ್ಷಯ್ ಕುಮಾರ್. ತಾಪ್ಸಿ ಪನ್ನು ಹಾಗೂ ಅಕ್ಷಯ್ ಕುಮಾರ್ ಒಟ್ಟಿಗೆ 'ಬೇಬಿ' ಹೆಸರಿನ ಸಿನಿಮಾದಲ್ಲಿ ನಟಿಸಿದ್ದರು. ಸಿನಿಮಾ ಬಿಡುಗಡೆ ಆಗಿ ಏಳು ವರ್ಷಗಳಾಗಿದ್ದು, ಆ ಸಿನಿಮಾದಲ್ಲಿ ತಾಪ್ಸಿ ಪನ್ನು ಚುಟುಕು ಪಾತ್ರದಲ್ಲಿ ನಟಿಸಿದ್ದರು.
ಈ ಕುರಿತು ಟ್ವೀಟ್ ಮಾಡಿರುವ ತಾಪ್ಸಿ ಪನ್ನು, 'ಎಷ್ಟು ನಿಮಿಷದ ಪಾತ್ರ ಎಂಬುದು ನಗಣ್ಯ. ಪಾತ್ರ ಎಷ್ಟು ಪ್ರಭಾವ ಬೀರಿತು ಎಂಬುದಷ್ಟೇ ಮುಖ್ಯ. ಬೇಬಿ ಸಿನಿಮಾದ ಆ ಏಳು ನಿಮಿಷದ ಪಾತ್ರ ನನ್ನ ವೃತ್ತಿ ಜೀವನದ ದಿಕ್ಕು ಬದಲಾಯಿಸಿತು' ಎಂದಿದ್ದಾರೆ ನಟಿ ತಾಪ್ಸಿ ಪನ್ನು.
ನಿಮ್ಮ ಬಗ್ಗೆ ಹೆಮ್ಮೆಯಾಗುತ್ತದೆ: ಅಕ್ಷಯ್ ಕುಮಾರ್
ತಾಪ್ಸಿ ಟ್ವೀಟ್ ಗೆ ಪ್ರತಿಕ್ರಿಯಿಸಿರುವ ಅಕ್ಷಯ್ ಕುಮಾರ್, 'ನಿಮ್ಮ ಮಾತು ನಿಜ. ನಿಮ್ಮ ಪ್ರತಿಭೆಯ ಬಗ್ಗೆ ನನಗೆ ಅಪಾರ ಗೌರವವಿದೆ. ನಿಮ್ಮ ಪೂರ್ಣ ಪರಿಶ್ರಮವನ್ನು ನೀವು ಸಿನಿಮಾಕ್ಕೆ ಹಾಕುತ್ತೀರಿ. ನಿಮ್ಮ ಬಗ್ಗೆ ಬಹಳ ಹೆಮ್ಮೆಯಿದೆ. ನೀವು ಇನ್ನೂ ಎತ್ತರಕ್ಕೆ ಏರಲಿದ್ದೀರಿ' ಎಂದಿದ್ದಾರೆ ಅಕ್ಷಯ್ ಕುಮಾರ್.
ತಾಪ್ಸಿಯನ್ನು ಟೀಕಿಸಿದ್ದ ಕಂಗನಾ ರಣೌತ್
ವಿಚಿತ್ರವೆಂದರೆ ಇದೇ ತಾಪ್ಸಿ ಪನ್ನು ಅವರನ್ನು ನಟಿ ಕಂಗನಾ ರಣೌತ್ ಹೀನಾಯವಾಗಿ ಟೀಕಿಸಿದ್ದರು ಟ್ವಿಟ್ಟರ್ನಲ್ಲಿ. ಬಿ ಗ್ರೇಡ್ ನಟಿ ಎಂದು ಸಹ ಕರೆದಿದ್ದರು. ನನ್ನನ್ನು ಕಾಪಿ ಮಾಡಿ ನಟಿ ಎನಿಸಿಕೊಂಡಿದ್ದಾಳೆ ಎಂದು ಸಹ ಟೀಕಿಸಿದ್ದರು. ಆದರೆ ಇಂದು ಅದೇ ತಾಪ್ಸಿ ಪನ್ನು ಅವರನ್ನು ನಟ ಅಕ್ಷಯ್ ಕುಮಾರ್ ಬಹುವಾಗಿ ಹೊಗಳಿದ್ದಾರೆ.
ತೆಲುಗು ಸಿನಿಮಾರಂಗದಿಂದ ಅಭಿನಯ ಆರಂಭ
ತೆಲುಗು ಸಿನಿಮಾ ರಂಗದಿಂದ ನಟನಾ ವೃತ್ತಿ ಪ್ರಾರಂಭಿಸಿದ ತಾಪ್ಸಿ ಪನ್ನು ಪ್ರಸ್ತುತ ಬಾಲಿವುಡ್ನ ಅತ್ಯುತ್ತಮ ನಟಿಯರಲ್ಲಿ ಒಬ್ಬರು. ಅವರ 'ಪಿಂಕ್', 'ತಪ್ಪಡ್', ನಾಮ್ ಶಬಾನಾ, 'ಮುಲ್ಕ್' ಇನ್ನೂ ಹಲವು ಸಿನಿಮಾಗಳು ಅವರಿಗೆ ಪ್ರತ್ಯೇಕ ಅಭಿಮಾನಿ ಬಳಗವನ್ನೇ ತಂದುಕೊಟ್ಟಿವೆ.
Recommended Video
ತಾಪ್ಸಿ ಕೈಯಲ್ಲಿ ಹಲವು ಸಿನಿಮಾಗಳು
'ತಪ್ಪಡ್' ಸಿನಿಮಾ ಹಿಟ್ ಆದ ಬಳಿಕ ತಾಪ್ಸಿ ಪನ್ನು ಹಲವು ಸಿನಿಮಾಗಳಲ್ಲಿ ನಟಿಸುತ್ತಿದ್ದಾರೆ. 'ಹಸೀನ್ ಬಿಲ್ಬರಾ', ಕ್ರೀಡಾಪಟು ಕುರಿತ ಸಿನಿಮಾ ಆದ 'ರಶ್ಮಿ ರಾಕೆಟ್', 'ಜನ ಗಣ ಮನ', ಲೂಪ್ ಲಪೇಟಾ, ದೀಪಕ್ ಸುಂದರ್ರಾಜನ್ ನಿರ್ದೇಶಿಸುತ್ತಿರುವ ಹೆಸರಿಡ ಸಿನಿಮಾದಲ್ಲಿ ಸಹ ನಟಿಸುತ್ತಿದ್ದಾರೆ ತಾಪ್ಸಿ ಪನ್ನು.